Byd والصينى واليابانى والأوروبى .. فهل نحن زبائن درجة ثانية ؟

**ابو ياسمين** · 27-09-2010 05:49 PM

أهدى هذا الخبر لكل زميل شرفنا بالكتابة فى هذا الموضوع ولكل أخوتى فى المنتدى .. ( نشر اليوم على المواقع المهتمة بأخبار السيارات .. أن شركة بيجو الفرنسية أوقفت بيع السيارة 206 بدأ من سنة 2011 .. ( بعد شهرين تقريبا ) .. وأنها لن تباع الا فى الصين وأيران ودول جنوب أمريكا . وطبعا لم يذكروا مصر لأنها خارج أليات السوق العالمى للسيارات . ونذكر الأن يا زملائى الأعزاء سبب أيقاف البيع .. وقالوا ما يلى : أن هذا الطراز 206 تقادم وأصبح لا يتناسب مع متطلبات العصر والأذواق الأوروبية المتطلعة للجديد . فضلا عن أنة فقد القدرة على تحقيق الشروط الأوروبية التي تزداد صرامة مع الوقت فى مجال الأمان والبيئة. ولى سؤال : على ماذا تدل الأعلانات التى ملأت الصحف طول الأسبوع الماضى من وكيل بيجو بمصر ليبشرنا بوصول أحدث ما أنتجتة مصانع بيجو من سيارات .. ( السيارة الحديثة جدا .. 206 ) !!!!!!!!!!!!!!! بدون تعليق

**ابو ياسمين** · 02-10-2010 11:16 AM

بمناسبة الخبر المنشور عن بيجو 206 .. وجدت فية مثالا رائع على الشفافية المطلقة وأتاحت المعلومات كاملة وعدم أخفاء أى شئ عن المستهلك .. الأوروبى .. فأذا كتبت على جوجل .. ( بيجو 206 - ويكيبيديا الموسوعة الحرة ) ستجد شرح كامل للموضوع .. ولكن ما لفت نظرى من خلال هذا الموقع وبعض المواقع الأخرى أن شركة بيجو فى فرنسا أعلنت بوضوح سنة 2006 أن بيجو 207 الجديدة فى ذلك الوقت .. هى خليفة 206 ثم أعلنت فى بداية 2008 أن السيارة سيوقف أنتاجها فى نهاية 2010 .. وأن مصنع رايتن بيجو بأنجلترا سيغلق وينتقل خط أنتاج 206 إلى دولة سلوفيكيا بشرق أوروبا .. ثم أعلنت بكل وضوح أن أنتاج السيارة سيستمربعد2010 فقط فى مصنع أيران خودرو ومصنع بيجو فى ريو دى جانيرو بالبرازيل ومصنع بيجو فى بيونس أيرس بالأرجنتين .. و فى مصنع شركة دونج فينج بالصين .. إلى هذا الحد نجد أحترام المستهلك فى أوروبا .. ووضع كل الحقائق التفصيلية أمامة .. وإلى هذا الحد لا تجرؤ أى شركة على أخفاء شئ عن المستهلك .. كل هذة المعلومات عرفها المستهلك الأوروبى قبل تنفيذها بعامين كاملين .. وبعد هذا لة حق شراء السيارة وهو يعلم تماما بكل تأكيد ماذا يشترى ومن أين أتى وكم يساوى حقا الذى يشترية ..

**ayman_anr** · 08-10-2010 06:20 PM

الله اكبر عليك ...... حقيقى عندك حق

**mmmmgogommmm** · 08-10-2010 07:47 PM

واللة واحد صاحبى هيموت عليها وافتكر انها فوق ال90000 جنية وقطع غيارها غالية بشكل مبالغ فية ساعات باالصدفة الاقى واحد بيدور على قطعة غيار بيجو406 موديل 2002ودايخ عليها اقولة سالت عليها فى التوكيل يقولى سالت ومش لاقيها او غالية جدا وعلى اية بس اللة ينور عليك يا استهذ ابو جيسى

**raedegypt** · 08-10-2010 08:26 PM

ياجماعه التوكيلات فى مصر والموضوع مش الكل طبعآ حتى لانعمم والتجار يتعمدوا يشتروا استوكات بها ملاحظات وعيوب من دوله المنشآ على اساس الربح هنا فرق السعر وبعدين الاهم وال محدش واخد باله منه موضوع زيارات الصيانه بعد الشراء وشفط الزبون فى تغيير زيوت وفلاتر بثمن الزيت خمس مرات واكثر واصلاح وتغيير كذا وكذا وبعدين مافيش حاجه ببلاش زى الاعلانات ما تقول الموضوع بيقول لك ان المصنعيه ببلاش فى فترة الضمان ويغطى فلوسه من قطع الغيار وربط العربيه وقطع غيارها بالتوكيل. هنا المكسب فترة صيانه حتى 100 الف بتكون العربيه اصلآ مش محتاجه حاجه وانت فرحان وقاعد تلبس وتدفع طول اول سنتين ومهيص بالاستقبالات وعمو فلان قابلنى وسلم عليا بابتسامه وشالنى من الارض شيل وكله من جيبك يامفتح انت وهو . النصيحه ابعدوا عن السيارات المربوطه بالتوكيلات فقط حتى لاتدخل فى متاهات ومحدش فاضى للتوكيلات وقصصهم

**lonedoctor** · 08-10-2010 08:35 PM

المشاركة الأصلية كتبت بواسطة raedegypt

ياجماعه التوكيلات فى مصر والموضوع مش الكل طبعآ حتى لانعمم والتجار يتعمدوا يشتروا استوكات بها ملاحظات وعيوب من دوله المنشآ على اساس الربح هنا فرق السعر وبعدين الاهم وال محدش واخد باله منه موضوع زيارات الصيانه بعد الشراء وشفط الزبون فى تغيير زيوت وفلاتر بثمن الزيت خمس مرات واكثر واصلاح وتغيير كذا وكذا وبعدين مافيش حاجه ببلاش زى الاعلانات ما تقول الموضوع بيقول لك ان المصنعيه ببلاش فى فترة الضمان ويغطى فلوسه من قطع الغيار وربط العربيه وقطع غيارها بالتوكيل. هنا المكسب فترة صيانه حتى 100 الف بتكون العربيه اصلآ مش محتاجه حاجه وانت فرحان وقاعد تلبس وتدفع طول اول سنتين ومهيص بالاستقبالات وعمو فلان قابلنى وسلم عليا بابتسامه وشالنى من الارض شيل وكله من جيبك يامفتح انت وهو . النصيحه ابعدوا عن السيارات المربوطه بالتوكيلات فقط حتى لاتدخل فى متاهات ومحدش فاضى للتوكيلات وقصصهم

الله ينور عليك انا برضه من رايك موضوع التوكيل ده هو بيع الوهم المشترى وللاسف الناس مصدقةالوهم ده وماشيةوراه اى سيارة كفاية عليها 20000 صيانة وبعد كده هيكون بانت لبتها لو فيها عيوب صناعة هتبان ولو عيب سواق كدة كدة الضمان هيحملك ثمن الاصلاح يا حدق 3 اضعاف على الاقل
بالمناسبة انا سمعت انه الضمان الاجبارى لغية 5000 كيلو وبعد كده من حقك تعمل صيانة فى مكان موش لا زم التوكيل والضمان سارى بدون مشكلة ياترى الكلام ده صح؟

**mosa_mody** · 09-10-2010 03:06 PM

السلام عليكم ...هذا الكلام اكثر من رائع ولكن بدون فائدة الا اذا انتقلنا الى مرحلة ايجاد الحلول لان كل شىء فى الوجود لها حل ولكن الايجابية عندنا كشعب مصرى مفقودة تماما مثال على ذلك خارج موضوع السيارات اللحمة لما غليت المرة الوحيدة التى اظهر فيها المصريين بعض الايجابية رخصت اللحمة ولكن جشع التجار لايتوقف ولايملوا ابدا وقاموا بزيادة السعر ولكن عدنا الى السلبية ولا حول ولا قوة الا بالله ...نعود لموضوعنا ارجو من جميع الاعضاء الافاضل البدء فى وضع حلول ومناقشاتها على صفحات المنتدى بجميع أقسامه ..والله الموفق