حادثة تانية قبل ما أستلم العربية

**jisso82** · 22-09-2010 09:11 AM

قدر الله و ماشاء فعل و لا حول ولا قوة إلا بالله واضح كده إن الموضوع مالوش دعوة بالبرسونا بالذات و لا حتى الجين هو يخص البروتوناوية عموما لأن المرة دى الحادثة بعربية أختى اللانوس و أنا بلف من قدام كارفور المعادى عشان أدخل من جنب الكمين عند عمارات بيتشو أمريكان واحد غشيم جدا بياخد اليوتيرن جنبى من على يمينى و ماعرفتش بالظبط إيه اللى حصل و لا رمى عليا الرمية الغبية دى ليه و ما حستش إلا و العربية بتلبس فى الرصيف و هو جرى و لا هو هنا.
تصدقوا من الخضة و سرعة اللى حصل و إنها مش عربيتى أصلا و الله ما فاكر لون العربية و لا نوعها و لا حتى مين اللى كان سايقها لأن الخبطة كانت حلوة الحقيقة و لقيت العربية بعدها بتتحرك بتقل أوى فنزلت لقيت الكاوتش اتفرتك تماما بس مش عارف الحقيقة فى حاجة فى الجنط و لا لأ و الحمد لله على كل شىء و معلش إن يبقى موضوعين ورا بعض حوادث و كآبة بس غصب عنى عايز أنفث عن نفسى شوية و الله يجازى اللى كان السبب على أد نيته و يسامحه

**betza** · 22-09-2010 09:48 AM

قدر الله وما شاء فعل الحمد لله

**Tarek Gen 2** · 22-09-2010 10:09 AM

ايه يا هيثوم انت محسود ولا ايه

عموما قدر الله و ما شاء فعل و ربنا يعوضك خير و متعرفش الخير فين

**Osama.shihata** · 22-09-2010 10:18 AM

قدر الله وماشاء فعل
اصبر واحتسب

**khpopo** · 22-09-2010 10:19 AM

مش عارف اقولك ايه بس البلد بقت السواقه قمه فى الهبل
حصلت معايا قبل كده كنت جنب تاكسى المفروض ده سواق طبعا البيه لقى مطب راح كاسر الدركسيون عليا كلكس وفرامل ولاهو هنا طاخ ولبس قى الرفرف الامامى عندى وعجنه ونازل عايز يطلعنى غلطان ويوقولى انت بتجرى هههههه عبط بقى ظبطه عشان دماغه تتعدل بعد كده ويبطل التعاطى على الصبح لان الكلام كان الساعه 9 وانا فى طريقى لشغلى

ربنا يعوضك ويجيرك شكلك كده مضبط عين جامده اليومين دول ياهيثم
ربنا يسترها

**A. Ibrahim** · 22-09-2010 10:23 AM

المشاركة الأصلية كتبت بواسطة jisso82

قدر الله و ماشاء فعل و لا حول ولا قوة إلا بالله واضح كده إن الموضوع مالوش دعوة بالبرسونا بالذات و لا حتى الجين هو يخص البروتوناوية عموما لأن المرة دى الحادثة بعربية أختى اللانوس و أنا بلف من قدام كارفور المعادى عشان أدخل من جنب الكمين عند عمارات بيتشو أمريكان واحد غشيم جدا بياخد اليوتيرن جنبى من على يمينى و ماعرفتش بالظبط إيه اللى حصل و لا رمى عليا الرمية الغبية دى ليه و ما حستش إلا و العربية بتلبس فى الرصيف و هو جرى و لا هو هنا.
تصدقوا من الخضة و سرعة اللى حصل و إنها مش عربيتى أصلا و الله ما فاكر لون العربية و لا نوعها و لا حتى مين اللى كان سايقها لأن الخبطة كانت حلوة الحقيقة و لقيت العربية بعدها بتتحرك بتقل أوى فنزلت لقيت الكاوتش اتفرتك تماما بس مش عارف الحقيقة فى حاجة فى الجنط و لا لأ و الحمد لله على كل شىء و معلش إن يبقى موضوعين ورا بعض حوادث و كآبة بس غصب عنى عايز أنفث عن نفسى شوية و الله يجازى اللى كان السبب على أد نيته و يسامحه

باسسسسسسسسسسسسسسسسسسس كده عرفنا المشكله فين

**kar!m** · 22-09-2010 11:08 AM

الحمد لله انها جت فى الكاوتش.

**jisso82** · 22-09-2010 11:12 AM

المشاركة الأصلية كتبت بواسطة betza

قدر الله وما شاء فعل الحمد لله

الحمد لله

المشاركة الأصلية كتبت بواسطة Tarek Gen 2

ايه يا هيثوم انت محسود ولا ايه

عموما قدر الله و ما شاء فعل و ربنا يعوضك خير و متعرفش الخير فين

مش عارف و الله يا طارق باين كده

المشاركة الأصلية كتبت بواسطة Osama.shihata

قدر الله وماشاء فعل
اصبر واحتسب

متشكر يا أسامة شكلى كده هبتدى أفكر فى العرض بتاعك بس بصراحة بعد اللى حصل ده أخاف على عربيتك ربنا يحفظهالك

المشاركة الأصلية كتبت بواسطة khpopo

مش عارف اقولك ايه بس البلد بقت السواقه قمه فى الهبل

حصلت معايا قبل كده كنت جنب تاكسى المفروض ده سواق طبعا البيه لقى مطب راح كاسر الدركسيون عليا كلكس وفرامل ولاهو هنا طاخ ولبس قى الرفرف الامامى عندى وعجنه ونازل عايز يطلعنى غلطان ويوقولى انت بتجرى هههههه عبط بقى ظبطه عشان دماغه تتعدل بعد كده ويبطل التعاطى على الصبح لان الكلام كان الساعه 9 وانا فى طريقى لشغلى

ربنا يعوضك ويجيرك شكلك كده مضبط عين جامده اليومين دول ياهيثم

ربنا يسترها

مش فاهم يا أستاذ خالد اكيد حد حاططنى فى دماغه و عامللى عمل مربوط فى ديل هدهد يتيم

المشاركة الأصلية كتبت بواسطة A. Ibrahim

باسسسسسسسسسسسسسسسسسسس كده عرفنا المشكله فين

تقصد إيه يا أحمد مش فاهم بترمى على إيه بالظبط

**amrnagy** · 22-09-2010 11:22 AM

قدر الله وما شاء فعل

**spiderloking** · 22-09-2010 11:26 AM

معلش يا مان قدر الله ما شاء فعل والله البهايم بقوا كتير في البلد و كل واحد معاه عربيه معفنه طالع يمشي بيها سوري علي الكلام ده بس متنرفز امبارح بردوا وانا ماشي في شارع جانبي عند بيني في الهرم الشارع يعدي عربيتين مستريحين وسعت للي جاي في وشي كانت عربيه 127 و وقفت استنيتوا يعدي و بعدين الم عجلي و اطلع انا بقي بعد كدا لقيتوا عدي بوز عربيتوا و انشغل بايني في حاجه تانيه راح مريح علي الرفرف عندي اللي ورا كسرلي الكلبسه اللي ماسكه الرفرف اللي ورا هيه بسيطه موضوع الكلبسه بس المشكله في التكحيت اللي في الصاج الحمد لله الصاج مدخلش لجوا بس باين انو متكحت جامد و مش عارف اعمل ايه بجد و نازل يقولي انت اللي غلطان عاوز تعمل محضر تعالا انا مستشار قولتلوا مستشار علي نفسك انا مش عارف يعني هنا المستشارين و المحاميين و الضباط يمشوا يكسروا في الناس و محدش يقولهم بتعملوا ايه البلد ديه باظت اساسا و ادي نتائج الرخص اللي بتطلع كوسه و الباشا في بيتوا من غير امتحان ولا حتي يعرف معني كلمة سواقه ولا عندوا حتي مبادئ