الموضوع: زيادة رسوم السيارات سعة 1600 سي سي فأكثر و25 عاماً الحد الأقصي لعمر السيارة

المشاركة الأصلية كتبت بواسطة fiatmomo

انا قريت بردة الخبر على مصراوى من ساعتين كدة ... وبقول دة مستحيل !!!! واذا حصل حيحصل على التكسيات .. ويبدلو التكسيات القديمة بجديدة بفرق بسيط او مع رفع الجمارك على التكسيات الجديده مثلا .

بالنسبة للملاكى .. دة من سابع ولا عاشر المستحيلات مافيش قانون فى الدنيا .. بيقول ان العربيات الى اقدم من 25 سنة تتكهن بالعافية وتتسحب !!!!!! دة ولا فى اوروبا نفسها .
وبعدين ماكلنا بنشوف عربيات قديمة وماشية كويسة جدا جدا ومش بتعطل ولا حاجة ... والعكس صحيح كمية العربيات الدايو والهيونداى الى بيبقو مفوتين وبيطلعو دخان اسود و بيعطلو وبيركنو فى الطريق وبيعطلو الدنيا .

المقياس هنا غلط . المقياس الصح ... انهم يشددو جدا جدا على حاله السيارة فى الفحص الفنى .. ويبقى فى رقابة مشدده على اى عربية بتترخص ويتعملها الفحص البيئى . ويضيفو فحص جديد الفحص الميكانيكى ... بمعنى انهم يكشفو على كفائة الموتور و الفرامل .................... , دة الكلام الصح .

لكن الى منشور فى مصراوى وكان منشور اساسا فى جريدة المساء ... اشاعات ..واعتقد الهدف منها تخفيض اسعار السيارات القديمة .. ودفع الناس لبيع سياراتهم وشراء سيارات جديده . والله اعلم .

واخويا انهاردة قالى الكلام دة ... وقالى طيب الحق بيع العربية ... قوقتلو مش حبيعها حتى لو وصلت انى مرخصهاش واخليها مركونة تحت البيت .

انا معاك فى الحكايه دى وانا كمان اول لما قريت الخبر قلت هركنها تحت البيت انتيكه كده
انا اساسا كنت عايز اشترى عربيه جديده وبرضه اسيب العربيه اللى معايا اللى صرفت عليها دم قلبى وبحبها اكتر من اى عربيه حديثه فى مصر وعايز اشيلها عندى لانها اول عربيه تبقى بتعتى واركبها

وبعدين امنا بالله انهم هيدوا تعويض للناس اللى عندها العربيات القديمه
الصنايعيه اللى شغاله فى القديم هياكلوهم ويعلجوهم هما واهلهم كل يوم على حساب البلد ولا هيسيبوهم يسرقوا ويقتلوا فى الناس عشان يلحقوا حاجه؟

الحل الامثل لتقليل عدد السيارات ايقاف قروض السيارات ومنع بيعها بالتقسيط نهائى
لان ده اساسا خراب على البلد انت مبدئيا ضامن ان فلوسك لمده خمس سنين ادام بره البلد وهى مده القرض اللى وصل فى بعض البنوك لسبع سنين وهتوصل لعشر سنين كمان
بس هى مصالح للتوكيلات عشان يبيع اكتر يكسب اكتر ويعمل صيانه اكتر ويتنك على الناس ومفيش اى جوده فى التوكيل كله كلام فى كلام
يعملوا منافسه الاول يعنى يخلى العربيه الواحده لها كذا توكيل الاول فى البلد مش كل واحد ماسك نوع عربيه ويفرض قطع الغيار براحته
وحوار اننا نقلد اوروبا عشان هما بيعملوا كده فى فرق فى مستوى المعيشه
انك تجيب احسن عربيه زيروا موديل السنه ب 17000 دولار اللى باسات 2008 مثلا وطبعا الدولار عندهم بيصرفوا على انه جنيه
يعنى تخيل لو بلدك فيها الباسات اللى 295 الف دى هتشتريها ب17 الف هتتمسك بالقديم برضه؟
اكيد هو مش تقليد اعمى هى البلد ناقصه مجازر؟
ياحكووووووووووووووووومه ارحمى الناس حرام عليكى ارحموا من فى الارض يرحمكم من فى السماء

يجماعه الامارات هتنزل سعر البنزين عشان ترفه الشعب بتاعها مش احنا بنتلكك عشان نغلى اى حاجه؟
هو لما يعمل كده الاستثمارات دى هتيجى؟
هو كلام تثبيت يعم الحج؟
وازاى بعد مخلى الناس كلها تشترى 1600 يعتبرها من السيارات الفارهه هنمشى بعد كده بعربيات ربع سى سى ولا ايه عشان نبعد عن الزيادات والضرائب اللى عمال على بطال دى
بجد بجد بجد حرااااااااااااااااااااااا ااااااااااااااااااااااااا ااااااااااااااااااااااااا اام

اعتقد انو فعلا لازم يتحدد عمر للسيارات اللى ماشيه فالشوارع زى اى دوله محترمه ( على فكره انا كان معايا 128 موديل 1978 بس بعتها الحمد لله ودلوقتى معييش ) .
بس اعتقد ان المفروض كمان يكون فيه بدائل ادميه للناس تستخدمها ولا هنسيب الناس لسواقين الميكروباص ودا طبعا بالاضافه لان يكون اسعار العربيات الجديده معقوله وببرامج تمويل معقوله برضه انما طبعا سوق السيارات دلوقتى حالته زى الزفت وكل وكيل بيحط السعر اللى عاوزه ويغير السعر دا كل شويه كمان من غير ما حد يحاسبه