زيادة رسوم السيارات سعة 1600 سي سي فأكثر و25 عاماً الحد الأقصي لعمر السيارة

**douha_wise** · 18-03-2008 09:29 PM

المشاركة الأصلية كتبت بواسطة Akram

فيه حل تاني ,
اننا كلنا نبيع عربياتنا (ما عدى كريم) ,
و نروح لسلومة نسلم عليه و نأنسه شوية ,
و هنرتاح من البنزين و السولار و .............
ايه ده
ايه ده
فيه حد بيخبط جامد على الباب .............
ســــــــــــــــــــــــ ــــــــــــــــــــــــل ام ,

...... الأول

**Amr_Moh** · 19-03-2008 12:45 AM

المشاركة الأصلية كتبت بواسطة CryptonX

بيحصل بالفعل في امريكا و اوروبا و في مدة اقرب من كدة كمان
عايز اقولك انك لم ساكن في كاليفورنيا متقدرش تشتري سيارة BMW الفئة الخامسة موديل 99 مثلا .. علشان مش متوافقة مع اللوائح هناك .

و انا شايف ان ده حل مناسب فعلا بس من غير تعميم - بمعنى
لو حتعملوه علشان البئية يبقى لازم يتحط STANDARD لحماة البيئة زي ال Euro I , II , IV , V
و اقل واجب ان احنا نبفى Euro IV
علشان القاهرة يا جماعة اصبحت تاني دولة ملوثة الجو في العالم .

و علي فكرة لو طبقنا Euro IV حترتاحوا من 90% من السيارات الصيني :P مش بس السيارات القديمة .

+100000 ana ma3ak fe ra2yak
bas القاهرة مش دولة ya cryptonx

weba3deen wade7 men el kalam en el3arabiat l7ad 1600 mesh da7`la fel 7ewaar dah, fama7adesh ywhim nafso wi2ool shahiin 1600 we verna (akeed la2)

**Amr_Moh** · 19-03-2008 01:01 AM

المشاركة الأصلية كتبت بواسطة MEDO80

يا سلام يعني واحد معاه مرسيديس b150 تمنها حوالي 170 الف تبقي مش فارهه علشان 1500 سي سي بينما واحد معاه فيات 132 موديل سبعينات تبقي سياره فارهه و يتشال من علية الدعم علشان 2000 سي سي ؟

متئلئش عالمعاه فيات 132 موديل سبعينات مش حتبقي سياره فارهه حتبقي سياره موئوفة لئنها قبل 1980

**hamedo0** · 19-03-2008 01:20 AM

ياجماعه عربيات ايه الهما بيكلمو فيه هما عاوزين يشفلو الناس في اى حاجه وخلاص اليومين دول عشان المصايب النزله ترخ علي البلد من ارتفاع اسعار وازمه العيش لاكن معتقدش ان الموضع العربيات القديمه حيطبق علي الملاكي
وغير كده ادينا عمالين نكلم فيه حاجه من الكلام ده هما بيعرفوها وحتي لو عرفوها مش حيتحركو من مكانهم نفسي حاجه تيجي تشليهم كلهم ونخلص
قولو امين

**i_Am_Legend** · 19-03-2008 02:04 AM

والله البلد دى انا مش عارف هتودينا لفين انا تعبت خلاص كل يوم قرارات غريبة وافكار جديدة احنا بقينا زى فران التجارب يعنى الغلابة اللى كانو بيحوشو علشان يجيبو 128 مضروبة بالنار خلاص كدة بقى شكرا انسى الموضوع دة خلاص ممكن يبيعو العفش علشان يجيبو عربية لا اقل عربية فى اليوق مش هاتعمل اقل من 25 الف ساعتها وازاى نبقى دولة عندها موارد زى اللى عندنا دى وعايشين فى ال128 والسيات وال1300 وغارقنين فيهم ونسمكر ونشد ونقلب ومعطل ونقف ونزق كدة حرام دة التيوتا كرولا 2005 فى السعودية مستعملة وكمان مواصفات خليجى مش مسروق منها حاجة بتعمل 10الاف يعنى بحق 128 عندنا يا رب المسوؤلين يقدرونا بقى ويشوفو حل العربيات عندنا غالية جدااااااا وفاضية جداااااااااااااا وبدون اى كماليات كفاية يابلد.

**mahamedaraby** · 19-03-2008 02:18 AM

ياجماعه استحاله يحكموا حكايه ان العربيه قديمه بس ساليمه تمشى يعنى العربيات الى قبل موديل 1980 سليمه يبقى تبقى تمشى فى الشارع طيب مين اللى هيقرر الموضوع ده امين الشرطه ده هيفرح اوى بالقانون ده علشان باب رزق وجيه ليه

والله انا بقترح اقتراح انهم يسحبوا الموديلات القديمه دى وينزلوا بموديلات الجديده وبسعار اقل وكده يعوض الناس يعنى الحكومه هى اللى تدخلهم للناس دى ومن غير جمارك وكده يبقوامخسروش حاجه والعربيات بتاعت زمان دى كلها حديد يبقى ياخدوه ويسيحوا يبقى كده حلنا مشكلتين الحديد والعربيات ههههههههههه

**cpt_shawky** · 19-03-2008 07:18 AM

قل لن يصيبنا إلا ما كتب الله لنا

القررارات دى يا جماعة من مصريين ولازم تثقوا فيهم لأنهم مننا ومينفعش تفقدوا الثقة 100% بطريقتكم دى وترقبوا الخير وباذن الله الموضوع هيكون فيه عدالة للجميع وبكرة تشوفوا.

**ramyfawzy** · 19-03-2008 07:54 AM

انا موافق انهم ينفذوا القرار ده بس لازم يكون فيه بديل
ييعملوا نظام استيراد السيارات من الخارج المستعملة وتكون موديلات فوق سنة 2000 مثلا
وكمان يخفضوا الجمارك عليها يعني تبقى زي اي عربية واحد جايبها معاه من الخليج مثلا
كمثال : عربية خالى في الكويت (تويوتا كورولا 2000) لو حب ينزلها مصر هيدفع عليها جمرك 25 الف وهيا تمنها مستعملة هناك 1000 دينار (حوالى 20000 جنيه) يبقى التوتال 45 الف جنيه وعربية مستعملة بحالة الزيرو
شوف بقى تمنها كام هنا في مصر (مش اقل من 55 الف) ده غير الاستعمال العظيم بتاع بلدنا
يقولوا كده هنضرب سعر المستعمل في مصر
اصلا سعر المسعمل في مصر استهبال كبير
وربنا يسهل الحال

رامي (ابو احمد)

**HESHAM AMIN** · 19-03-2008 08:37 AM

اعتقد ان الكلام بالنسبة لزيادة الرسوم على العربيات الفارهة حيتنفذ
بس كلام تكهين السيارات صعب حبتين
لانهم عايزين يعوضوا فرق سعر البنزين عن المعدلات العالمية
ويلا يا بخت الى معاة علابية 1600 فما فوق
دا مش حسد
دا حقد