ربط الموضوع بالسعة اللترية فقط غير منطقى بالمرة... تخيل نفسك معاك فيرنا 1600 وواحد معاة فيرنا 1500 واقف جنبك فى المرور و انت بترخص ... انت تتحاسب على انك راكب سيارة فارهة و هو عادى مع انكم راكبين نفس العربية بالمللى... تخيل بقى لو جه جنبكم واحد راكب مرسيديس B150... يتعامل على انة راكب ماروتى
الاسخم بقى لو واحد جة بعربية دودج رام بنمر نقل او برادو بنمر اوتوبيس خاص... الموضوع مش سعة لترية و خلاص
الموضوع فى الاساس هو تحصيل اموال من الفئة التى تمتلك الاموال لرفع عبء الدعم عن الحكومة فيما يخص الوقود...
طيب الفئة اللى معاها فلوس دى بتركب 1600 او اكتر؟؟ مش شرط
طيب كل اللى بيركب 1600 او اكتر معاه فلوس و راكب عربية فارهة؟... برضة مش شرط
يبقى الحل ربط قيمة الترخيص بقيمة السيارة... احنا ما شاء الله بنحسب جمرك على كل حاجة حتى المراية اليمين و احزمة الامان بقت كماليات و بالتالى كله على حساب الزبون... يبقى الاوقع ربط الزيادة بسعر العربية اللى دخلت بية مصر بعد الجمرك
هنا حيبقى مقياس حقيقى للقدرة المادية صاحب العربية لانة دفع فلوس فعلا... مش مهم العربية 100 سى سى ولا مليون سى سى المهم الراجل قادر يدفع كام عشان يمتلك عربية
و دة حيساعد فى التفرقة بين الموديلات و بعضها و حسب كمالية كل عربية و التانية... مثلا المرسيدس ممكن موتورها 3000 و اختلاف الكماليات يفرق فى السعر مبلغ محترم و بالتالى دة حيبين الفرق فى الامكانيات المادية بين مالكى السيارتين بالرغم من ان الاتنين معاهم مرسيدس 3000 سى سى
برضة دى مشكلة... كل واحد حيجى يجدد حيجيب شهادة من الجمارك بجمرك عربيتة؟... ولا يبقى فى ملف العربية صورة من الشهادة دى مثلا و تبقى هى الاساس فى حساب قيمة التجديد فى المرور؟
انا بفكر معاكم بصوت عالى عشان نلاقى حل اوقع من السعة اللترية
MMamdouh
المفضلات