فضفضة جامده جدا وتستحق القراءه اكثر من مره
رقم العضوية : 13693
تاريخ التسجيل : 27Jun2008
المشاركات : 524
النوع : ذكر
الاقامة : Cairo
السيارة: Yaris-2008
السيارة[2]: Gen-2 2009
الحالة :
بعت عربيتى ، وعايز اشترى عربية جديدة ، وحيران ، شوفت الجين تو ، ومحتار....دورت على النت ، ولاقيت نايل موتورز ، دخلت ، سجلت ، تابعت ، انبهرت......
مانبهرتش بالعربية على قد مانبهرت بالجو العام فى قسم بروتون ، من كتر اللى الواحد بيشوفه يوميا فى الشارع والشغل , مكنتش مصدق او مستوعب ان لسة فى ناس بتساعد بعض لوجه الله...انا عارف فى ناس بتحب الخير، وموجودين لسة فى كل مكان ، بس مش بالكترة دى
أسأل سؤال ، كذا واحد يرد ، وبموضوعية ، وحيادية ، وبيقولولى العيوب قبل المميزات ، بيختلفوا ، لكن عمر ماحد بيغلط فى حد
مفيش حاجة اسمها شخصنة ، يعنى ايه شخصنة
يعنى كلهم بيتكلموا عن العربية ، العربية وبس ، العربية فيها عيوب ، أكيد ، دى شئ من صنع البشر ، لكن كلهم كانوا بيتكلموا عن العربية ....ويس
التوكيل حلو.....كويس , التوكيل وحش.....برده كويس....هو مش بتاعهم
العربية كويسة......حلو ، العربية وحشة.....برده حلو
الحياة بسيطة وسهلة.......والاحلى من كده.....ممتعة ، لان فيه روح عائلية جميلة فى المنتدى ، فى ثقة بين الاعضاء ، في خير ، فى أداب حوار ، فى تفاهم ، فى ناس بتسمع ناس
ده كان الحال من سنة .....سنة ونص
الحال بقى دلوقت ايه؟
أكيد زى مانا استفدت من اخوانى اللى سبقونى واشتروا العربية.....أنا كمان جه عليا الدور....لأنى شايف انهم مضحكوش عليا فى أى شئ....والعربية ...والحمد لله ...زى ماقلولى بالضبط....العيوب اللى قالولى عليها.....والمميزات....وكل شئ كما هو متوقع
جوايا احساس انى لازم افيد الناس الجداد....عرافانا بالجميل اللى أخوانى الاكثر منى خبرة فى العربية عملوه فيا.....طيب ابتدى اعمل زييهم بقى
أقول للناس على العربية....اشكر فى مميزاتها...وأقول عيوبها بمنتهى الصراحة
طيب....انا مطلعش معايا مشاكل.....أعمل ايه......أخترع شوية مشاكل علشان أقولها......!!!....لأ طبعا....هاقول اللى حصل معايا.......طب ايه النتيجة؟؟؟
اتهامات بالتضليل...والخداع....والعمل بالتوكيل
والله ياجماعة انا مش مضطر اقولكم انى بشتغل، ومش فى التوكيل.....والحمد لله....مستورة ....ومش باخد حاجة من حد....ولا ليا مصحلة فى انى اضحك على حد والبسه فى عربية
بس أنا واحد اشتريت عربية والحمد لله ربنا باركلى فيها....وبروح التوكيل.....بيعاملونى كويس ومن غير مايعرفوا انا مين ولا بشكر ولا بشتم فى العربية...,بيعملوا اللى بطلبه منهم
طيب....أقول على كده ولا أسكت علشان غيرى قابلته مشكلة فى العربية والتوكيل.....
بصراحة ....أنا كنت مقرر انى ماشركش فى المنتدى ....وأتابع بس....بس للاسف حتى المتابعة بقت تحرق الدم
ليه بقى كل ده.....ليه لما يكون حد عنده مشكلة فى العربية لازم تبقى فى كل العربيات او فى اكتر من عربية
ليه لما حد يقول لا مفيش المشكلة دى يبقى بيحابى للعربية و وبيقبض من التوكيل
ليه أعمم ......التعميم بأن كل العربيات فيها مشكلة معينة لازمله معلومات دقيقة ومؤكده....مش موجوده مع أى حد هنا
ليه الشخصنة.....والاتهامات لكل اللى نصحوا بشراء العربية والدعاء عليهم......همة ذنبهم ان عربيتك طلع فيها مشكلة....والله اعلم بسببها ايه......
واللى يطلع عنده مشكلة فى العربية.....يتنرفز على الناس ويحسبن عليهم ويتهمهم علشان متعصب.....دى مشكلة فى عربية....والحياة فيها مشاكل مؤلمة أكتر من مشاكل فى العربية الف مليون مرة.....,ادعوا ربى ان كل مشاكل حياتى تبقى فى العربية.....ساعتها يبقى ده فضل من ربنا مابعده فضل
دى عربية.....لازم تتحط فى وضعها الطبيعى
ومشاكلها لازم تتحط فى وضعها الطبيعى
ولازم الكل يعرف ان احنا بنخش هنا لاسباب تانية اهم واكبر واسمى من العربية.....لان دى مش اول ولا اخر عربية انا اشترتها.....ولا انت كمان
الناس بتخش هنا لاسباب كتيرة , اولها التواصل الاجتماعى المحترم ، فعل الخير , رد الجميل لناس افادوا ، حبا فى اصحاب العربية ...الناس اللى الواحد اكل معاهم عيش وملح ، وفى الاخر خالص ....بتيجى العربية.....حتة الحديدة اللى احنا راكبنها وبتوصلنا وبتجيبنا
الموضوع بسيط جدا
العربية عجباك خليها معاك واحمد ربنا عليها...واشكر الناس اللى دلوك عليها....وفيد اخوانك زى مافادوك
العربية مش عاجباك
ارضى بنصيبك....وبعها...وقول رأيك فيها بأمانه...وتأكد ان مفيش حد كان ليه مصلحة انه يخدعك.....وربنا هايوفقك لغيرها
أرجوكم....مفيش داعى للأتهامات.......لأن بالطريقة دى الكل هايحس انه فى مكان مفيهوش التزام بادنى اداب الحوار ....وبالتالى القسم هايفضى ......
وسيبوا الناس تعمل خير فبعضيها ......وقول رأيك زى مانت عايز فى العربية.....وسيب الناس فى حالها ...عندك كلمة كويسة فحق زميل قولها.....معندكش.....اسكت
ارجوكم التزموا بأداب الحوار.....مفيش داعى لسب شخص ما...حتى لو مش موجود معانا .....لأن أنا محبش أكون موجود فى مكان بيحصل فيه كده.....ولو حد قال للشخص اللى بيشتم (عيب هل انت ترضى ان حد يشتم والدك أو اخوك او اختك) بيترد عليه حتى من قبل مايكتب الجمله
هل ممكن يوصل بينا الحال لكده...ان الناس تغلط وتشتم بدون ما حد يرد علشان لو رد هايبقى بيحابى وبيضلل....ايه المستوى اللى احنا بقينا فيه ده؟
باشمهندس احمد فتحى......انت صح فى كل اللى قولته
أيمن......انت حاولت كتير تظبط المنتدى ده.....بس الظاهر ان مفيش فايده
كل اخوانى وزمايلى....محدش يزعل من كلامى....بس الظاهر ان الواقع المؤلم اللى احنا بنعيشه فبلدنا....وصل عندنا فى القسم خلاص......
اسف للاطالة......وتحياتى ليكو كلكم
لكى يا مصر السلامة :: وسلاما يا بلادى :: إن رمى الدهر سهامه :: أتقيها بفؤادى :: واسلمى في كل حين
رقم العضوية : 45070
تاريخ التسجيل : 18Aug2009
المشاركات : 93
النوع : ذكر
الاقامة : Cairo
السيارة: Gen 2 2017 ISA
السيارة[2]: Gen 2 2011 ISA
دراجة بخارية: دراجة نارية
الحالة :
فضفضة جامده جدا وتستحق القراءه اكثر من مره
CominG SooN Gen 2 2011 ISA
رقم العضوية : 65708
تاريخ التسجيل : 20Mar2010
المشاركات : 1,731
النوع : ذكر
الاقامة : agoza + 6 october
السيارة: Kia Cerato 2010 Ex Red
السيارة[2]: Gen 2 2010 Blue
دراجة بخارية: no
الحالة :
اولا تسلم ايدك على توبيكك
ثانيا انا شايف ان السكوت احسن رد
ثالثا الوضع الحالى اللى انت شرحته يا جميل مش وضع عام ده وضع معين طالع من كام شخص هنا لكن مش كل الاعضاء بتعمل كدة هما كام واحد بس و الكام واحد دول فى بينهم رابط مشترك !!
رابعا انا عن نفسى مش هقعد ارد و اقنع و اصل و فصل اللى مش عجبه التوكيل ميروحش و اللى عجبه يروح انا مش قاعدين فى احزاب كل واحد يحاول يشد كام واحد فى اتجاهه
و بعدين امبارح مومو داخل يقول اللى مش مصدق براحته ولا يفرق معايا اصلا لناس يعنى زى رامى و المغربى و محمد عبد العال و للكل بمعنى ادق
يعنى حاجة مستفزة زيادة عن اللزوم و برضه الواحد ميردش احسن !!
[mtohg=undefined]http://a3.sphotos.ak.fbcdn.net/hphotos-ak-ash4/283896_235991856435000_100000725633956_737794_7444 68_n.jpg[/mtohg]
رقم العضوية : 5226
تاريخ التسجيل : 04Feb2008
المشاركات : 1,428
النوع : ذكر
الاقامة : الاسكندريه
السيارة: Gen 2 \A\2011
السيارة[2]: Gen2/A/2008 سابقا
الحالة :
فعلا طريقة جملية للتوضيح
[SIGPIC][/SIGPIC]الحمدالله اني لسه عايشمحمد أنور المعداويعضو نادي بروتون برقم : 7
رقم العضوية : 62754
تاريخ التسجيل : 19Feb2010
المشاركات : 651
النوع : ذكر
الاقامة : القاهره
السيارة: ساجا
السيارة[2]: جين 2
دراجة بخارية: لا
الحالة :
السلام عليكم
انا معاك في كل اللي قلته فعلا بقت حاجه تضايق
كل واحد ظهرت عنده مشكله بقا يسب ويلعن في العربيه والتوكيل مع العلم ان غالبيه المشاكل هايفه
والكل فاكر انه لما يدفع 85 الف جنيه يبقا لازم عربيته تكون بمواصفات المرسيدس و ال بي ام
وحتي دول والله ظهرت فيهم بعض المشاكل
البروتون موش عشره علي عشره لانها لوكانت كده ماكانش ده بقا سعرها
كل العربيات اللي بالسعر ده فيها عيوب ومشاكل لكن اصحابها تعايشوا مع كده الا اصحاب البروتون
وعلي فكره انا في رايي ان اكبر عدو لبروتون هما بعض ملاك السياره نفسها انا حصل قدامي موقف في التوكيل واحد معاه ساجا وبيشتكي ان العربيه ضعيفه وبتستهلك بنزين وبالصدفه واحده جايه مع والدها يتفرجوا علي الساجا فسالوه عن رايه قعد يشتم في الساجا والبروتون وطبعا البنت وابوها مشيوا وطبعا هايحكوا كل ده لمعارفهم وبكده صاحبنا عمل دعايه سيئه للعربيه والمفاجاه ان مشكلته اتحلت وطلع فلتر الهواء مكتوم وخرج مبسوط جدا بالعربيه
انا بدخل اقسام اخري في المنتدي كلها فيها مشاكل لكن مافيش الهيصه اللي عندنا في بروتون
ياريت نفكر شويه قبل ما نطلع اشاعات ودعايه سيئه واسف اني طولت عليكم
رقم العضوية : 45152
تاريخ التسجيل : 19Aug2009
المشاركات : 395
النوع : ذكر
الاقامة : Cairo
السيارة: ----
السيارة[2]: Proton Gen.2
الحالة :
أولاً: تسلم ايدك على الكلام السهل الممتنع المليء بالاحساس والانفعال الرزين.
ثانياً: مش لازم تزعل نفسك لأن المنتدى مكان مفتوح لازم تتوقع تقابل فيه كل العينات اللي في المجتمع.
ثالثاً: مش لازم برضه نحس بالتشاؤم أو نخلي الوحش -أياً كان بدون تحديد لشخص- يطرد الكويس من حياتنا..
لازم اللي بيعمل خير هو اللي يتمسك بمكانه و الوحش يا إما يتعلم منه و يقتدي به يا إما يرحل مع ألف سلامه!!
أنا مثلك في تاريخي مع المنتدى من أول مرة دخلت لغاية ما قررت افيد بدوري زي ما غيري فادني قبل كده...
ومش ناوي اتخلى عن اللي داخل طالب مساعدة -طالما أقدر أساعده- بسبب واحد أو أكتر عندهم مشكلة نفسية أو لسه صغير و مش فاهم كويس!!
وفي النهاية القاريء اللي عنده عقل يقدر يخرج من بين الدح و الذم بالصورة الحقيقية...
المشكلة اننا كمصريين أدمنا الانتقاد و الشكوى و أصبحوا جزء أصيل من أي حوار يدور في مصر...
منهم لله اللي كانوا السبب.
.
رقم العضوية : 40052
تاريخ التسجيل : 11May2009
المشاركات : 1,493
النوع : ذكر
الاقامة : redsea
السيارة: persona 2010
السيارة[2]: daihatsu
الحالة :
ramy
رقم العضوية : 36867
تاريخ التسجيل : 30Mar2009
المشاركات : 463
النوع : ذكر
الاقامة : suez
السيارة: واحد كفاية
السيارة[2]: Persona 2010 manual F.O
دراجة بخارية: no
الحالة :
والله كلام من الاخر
يارب سترك ورضاك عنا
رقم العضوية : 77301
تاريخ التسجيل : 08Aug2010
المشاركات : 829
النوع : ذكر
الاقامة : الهرم
السيارة: هوندا اكورد 1989
السيارة[2]: بروتون ساجا 2010 A\T
دراجة بخارية: لا يوجد
الحالة :
كلام مظبوط بجد انا المنتدي ده ليه الفضل و الحمد لله اني اشتريت الساجا رغم ان كل الناس قالتلي بلاش بروتون قطع غيار غاليه و توكيل مش حلو و مش منتشره بس الحمد لله اشتريتها برضوا ليه علشان الناس هنا في المنتدي بجد من طريقة كلامهم عن العربيه و لما نزلت شوفتها كمان علي الطبيعه عجبتني جدا و لقيت ان العربيه بدأت تنتشر بسرعه و التوكيل مش هقول ممتاز بس اقدر اقول جيد و فعلا ناس كويسه و محترمه ده اللي انا شوفتوا و علشان كدا انا دلوقتي بحاول ارد الجميل و اساعد الناس هنا في المنتدي زي ما غيري ساعدني في الاول و بجد انا دخلت منتديات تانيه كتير احنا هنا احسن من غيرنا مليون مره في منتديات تانيه تدخل تكتب سؤال يجيلك الرد بعد اسبوع مثلا ده اذا جالك صح لكن هنا ما شاء الله بجد في ناس زي الفل و كلنا هنا اخوات و بنساعد من قلبنا لا مستنيين مقابل ولا احنا واخدين رشاوي من التوكيل ولا المنتدي فقط بنقول اللي احنا شايفينه من مميزات و عيوب و العيوب قبل المميزات كمان و انا شايف ان بجد المنتدي هنا انجح منتدي في مصر و بالذات منتدي بروتون ربنا يوفقكوا و يجعل كل هذا في ميزان حسناتكم و انا بردوا هفضل اقول اني هعمل اللي عليا و لو في ايدي اي حاجه اعملها لأي حد او اساعدوا بأي حاجه هعملها
Protony 4 EverI Love Sagaلو لم اكن بروتونيا لوددت ان اكون بروتونيا
رقم العضوية : 69176
تاريخ التسجيل : 29Apr2010
المشاركات : 2,145
النوع : ذكر
الاقامة : cairo
السيارة: .Lancer EX 2008 F\O A\T
السيارة[2]: Proton Saga 2010 A\T
الحالة :
تحياتي لك اخي وبشدة على صراحتك المتناهية ولكن كنت اريد منك فضلا انك تبقى تشاركنا بالجديد عندك لعلو وعسى تكون عندك فكرة نستفيد بيها شئ جديد اكتشفته في السيارة اشياء من هذا القبيل وتحياتي لك اخي على موضوع المتناهي في التميز ودعني ارفع لك القبعة ..
[rmade]http://i94.photobucket.com/albums/l108/sayed911/alex-1.jpg[/rmade]
To Follow me on Twitter "Sayed_K_H
المفضلات