الموضوع: اخيرا خلصت تعديل المرسيدس والحمد لله

المشاركة الأصلية كتبت بواسطة loai-omar

ادا انت في الكوييييييييييييييييييييي ييت

انا كنت عايش هناك طول عمري في الفروانيه

انا شايف انت حولي


تطلع على شارع الخليج كده بقلب :)

ربنا يباركلك فيها

بس امتى حاتعلق اللوحات الجديدة؟

انا كمان عايش بالفروانية والصور بتاعت السيارة قدام العمارة فالفروانية :):):) اما بقى اللوحات الجديدة ان شاء الله بركبها مع التجديد ( الفحص الفني ) بعد اسبوع تقريبا !! وان شاء الله بنزل مصر باللوحات الجديدة :p

المشاركة الأصلية كتبت بواسطة FLYINGPEUGEOT

sooooooooooooooo spruce
وربنا يباركلك فيها ويحفظهالك
ومتنساش تكتب عليها ....عضة اسد ولا نظرة حسد....:D:D:D
وعقبال ما اخلص انا كمان

تسلم يارب بس انا مش عارف اكتب علية اية بصراحة لسة بفكر .... بس اكيد مش ( عضة اسد ولا نظرة حسد ) :):):):) وان شاء الله تخلص انت كمان ونشوف عربيتك وهي منورة المنتدى

المشاركة الأصلية كتبت بواسطة onna

ماشاء الله جميلة اوى يا تهامى

لابنا يباركلك فيها و يديك خيرها و يبعد عنك شرها يا رب

تسلمي يارب وبجد متشكر اوووي على كلامك الجميل ... وانا مبسوط اوووي لانها عجبتك لاني عارف رأيك فالتعديلات عموما على السيارات وانك مش بتحبي التعديلات على السيارات ... لاكن الحمد لله ان تعديلاتي البسيطة عجبتك :)

على ما اظن ا باشا الفوانيس الماميه عايزه تتنضف و تتلمع كويس عشان شكلها مشبر شويه...ولا هى مش واضحه فى الصوره

المشاركة الأصلية كتبت بواسطة Hossam.Hamdy

على ما اظن ا باشا الفوانيس الماميه عايزه تتنضف و تتلمع كويس عشان شكلها مشبر شويه...ولا هى مش واضحه فى الصوره

فعلا عندك حق بس انا مستني تاخد تراب الطريق بالمرة وانا نازل مصر "" وان شاء الله لما اوصل بفكها وانظفها فمصر باذن الله

المشاركة الأصلية كتبت بواسطة مدحت منيب

تهامى باشا : انت قلت لى فى الدوكو ملحوظه هامه جدا ما حدش علق عليها ولا خد باله منها ..
حضرتك اديت العربيه ثلاثة اوشاش دوكو و الرابع الوش الملمع ..

زمان قبل موضة الافران ما تكتسح الكار .. كان البويه بتتاخد فعلا 3 وش .. و انا حضرت مرة 6 وش لعربيه

امريكى بعد حرق كل البويه القديمه بالنار حتى رجعت على الصاجالاصلى ..

دلوقت كل ما اسأل بوهيجى على موضوع الكذا وش يقول لى ما ينفعش .. اقول ليه يا عم يقول لى

بوية زمان شكل و بوية دلوقت حاجة تانيه .. و حتى لما اقول لهم انا ها جيب ال6 كيلو على حسابى

و كل المستلزمات ، يعتذروا ..
و ادى حضرتك جايب بوية دلوقت و عملت 3 اوشاش .. يعنى طلّعت كل البوهيجيه بتوع مصر

بيقولوا اى كلام ..لو سمحت تفصيل لعملية الرش .. شويه عشان اعرف ارد لما اتكلم عن ثقة .

يعنى اللى شفته و انا صغير : رشه ثم صنفة ناعمه و تجفيف .. تانى يوم كذلك و تالت كذلك

ادى البويه اللى بتعيش 30 سنه..... رأيك يا باشا لو سمحت , اجرك على الكريم

تحياتي ليك أستاذ ( مدحت ) واحب اوضح لحضرتك وكل اصدقائنا المراحل الصحيحة لصبغ السيارة ( الدوكو ) اولا وضع المعجون للاماكن التي تحتاج لمعجون ومبدأيا بيكون معجون لونة احمر واعذروني لو مش بعرف اسماء المعجون العلمية ولاكن هو لونة احمر واعتقد بيسموة فمصر معجون حديد ودة بعد ما بيحطة لازم يسيب السيارة بالشمس يوم كامل وبعد كدة بيتم سنفرة المعجون بكل اتقان ... وبعدين بيتم وضع معجون تاني لونة ازرق مدي شوية اخضر ودة بيكون المعجون النهائي وممكن يترك لمدة ساعتين او ثلاثة وبعد كدة يتم سنفرة المعجون بسنفرة ناعمة مع ماء بشامبو غسيل السيارات وذلك لازالة اي مواد ممكن تعمل طابقة عاذلة على صاج السيارة وتتسبب في عدم ثبات الدوكو على الصاج .... وبعد التأكد من كل جزء بالسيارة قد اصبح نظيف ومتساوي تماما تجهز السيارة للدخول للفرن ويتم لزيق الورق ولاكن هذة المرة ليس للصبغ ولاكن لرش وجه الاساس .. وهو وجة بمادة لونها اخضر وبتكون خشنة وذلك اساس للون الاصلي ولكي يظهر اي عيوب فالتجهيز من ناحية ( السمكرة او المعجون ) وتخرج السيارة من الفرن وينزع عنها كل الاوراق ويتم تلقيط كل العيوب البسيطة الظاهرة بعد الاساس ويتم تنعيم الاساس مرة تانية بنفس الطريقة وهي السنفرة الناعمة والماء بالشامبو .... ثم تجهز مرة اخرى للدخول للفرن ( وضع الورق والتلزيق ) وتدخل الفرن وتاخد اول وش ثم تترك نصف ساعة ... ثم الوش الثاني وتترك نصف ساعة اخر وبنفس الطريقة الوش الثالث ... واخر وش وهو الرابع يتم اضافة الملمع وترش السيارة بالكامل ويراعي كل جزء فيها مهما كان بسيط او صغير وتترك السيارة من ساعتين إلى ثلاث ساعات داخل الفرن .... وبعدها اقدر اقولك مبرووووك عليك الصبغ .. انا هنا فالكويت باخد علية كفالة لمدة 3 سنوات من الكراج ( الورشة يعني ) :)