الموضوع: ممكن مساعدة في تسعير عربيتي

مواصفات السيارة كالتالي:
-ماركة السيارة :فيات ريجاتا
-الموديل/السنة : 1989
-عدد الكيلومترات : -----
-حالة الصاج او الخوارج :رشة نضافة
-حالة الدواخل :رشة
-حالة الصالون : ممتاز
-الحالة العامة او التقييم العام للسيارة :جيد جدا
-حالة الكاوتش: ( جيد جدا )
-حالة البطارية : جديدة (في الضمان)
-السعر المبد ئي كام : يا ريت تساعدوني في التسعير
- اشتراط التسجيل او بتوكيل مش هتفرق
-حالة الموتور ممتازة لسة في التليين .

المميزات :
الموتور استيراد ركبته في شهر 6 اللي فات وطلع في مشكلة صوت تكتكة استلزمت عمرة جديدة .
ريداتير نحاس جديد من عند البستاني ب500ج.
كوتش حالته جيدة جدا
الصالون اكتر من ممتاز هو والطبلوه مش هتلاقي صالون ريجاتا انضف من بتاعي الطبلوه سليم والعدادات كلها شغالة
سمكرة ودوكو من مارس اللي فات .
سي دي بيشغل MP3,WMA ,WMV, DVD ,AUDIO , USB ,MMC خرج الصوت بتاعه 4*50 ماركة jvc وشاشة سوني ياباني اصلي ,وارد الامارات.
زجاج امامي كهربا الاصلي بتاعها وسريع في الفتح والقفل .
2 ريموت و سنتر لوك spy .
علبة دركسيون جديدة ومقصات في شهر 6 اللي فات
العيوب :
رشة دواخل لكن ما اعرفش ايه اسبب والله انا اشتريتها على انها فبريكة دواخل وبعد كدا اكتشفت انها رشة .
هتحتاج اتنين مساعدين ورا ، ودول ب 200 جنيه استيراد او 400 جديد نوعهم مونروا .
هتحتاج اكصدام خلفي .
ما عدا ذلك مش هتحتاج أي حاجة ان شاء الله .
السعر انا مش عارف والله .
هي تسوى كام ؟