ممكن مساعدة فى تسعير عربيتي

**bassol2000** · 20-04-2011 01:38 PM

بصوا يا جماعة انا والدي اشتري لي نيسان صني .. جميل .. هو عربيه جميله اوى بس كانت مفاجاه . و انا ماكنتش عاوزها و عاوز اغير ل ميتسوبيشي لانسر " الاسباب ... لانسر=صني .. بس صني كلاسيك .. لانسر شبابي "
و ياريت ماحدش يقول لا ازاى اللانسر اسرع او النيسان اسرع او الكلام ده انا جربت العربيتين .. تقارب عالي .. بس انا حابب شكل اللانسر
عربيتي مواصفاتها كالآتي
Nissan Sunny
Year : 2010
Color : Black
license plate : Alexandria
Mechanical Specs : 1600 CC Engine , Manual Transmition
Extra Features : Parking Sensor , ABS , EBD , EB , Air Conditioning , Power Mirrors , Power Window , Central Lock , pre-tensioner Seat Builts
Only 20 000 Kilometer ,, Regularly Maintained
كل حاجه فيها فابريكه ... كل الفوانييس و الفوج لايت مافيش اى حاجه اتغيرت .. اتخبطت فى الاكصدام و روحت عملته فى التوكيل .. الخبطه كانت و انا ماشي على الدولي و جزء من كاوتش عربيه خبط فى الاكصدام بس طبعا بسرعه عليا و كسر حته منه .. و الفوج لايت وقع .. شيلت الفوج لايت و روحت التوكيل ركبوه و عملو الاكصدام ..
بزياده على العربيه غير الباركينج سينسور .ياريت لو تفضلتم و عرفوني هى تعمل كام رخصة ساريه طبعا .. دى لسه 2010 هى فعلياً عربية كويسه جداً و عملية .. بس باختصار انا شاب و بحب ادلع العربيه و كده اللانسر هى هى اخت الصني بس الفارق ان اللانسر ليها اكسسوارات اصلية كتير اكتر من الصني " انا بحب الاصليات بس "
شكرا مقدماً

**albashaalmohan** · 19-05-2011 03:15 AM

انا اسف جدا انت بتدلع قوي انا اعرف ناس معاها فيات 124 موديل 76 وبتسجد لله شكر علي النعمه الي هم فيها
ارضي بما قسمه الله لك تكن اغني الناس ..... ولاتتبطر علي النعمه حتي لاتزول ولا تلاقي الصني ولا اللانسر ولا بابا

**mohamed9999** · 19-05-2011 02:26 PM

المشاركة الأصلية كتبت بواسطة albashaalmohan

انا اسف جدا انت بتدلع قوي انا اعرف ناس معاها فيات 124 موديل 76 وبتسجد لله شكر علي النعمه الي هم فيها
ارضي بما قسمه الله لك تكن اغني الناس ..... ولاتتبطر علي النعمه حتي لاتزول ولا تلاقي الصني ولا اللانسر ولا بابا

ليه كده بس يا اخى هو الراجل غلط فى ايه
الراجل معاه الصنى و بيطلب تسعيرها وفضفض بشويه كلام من حقه برضو وبعدين كل واحد و نصيبه اللى معاه صنى و اللى معاه 128
بس انت كان كلامك حااااااد جدا مع الراجل
عموما لصاحب الموضوع ادخل على كونتكت كار وشوف مواصفات عربيتك ومثيلاتها عامله ازاى contactcars.com

**TOOLA** · 20-05-2011 03:44 AM

المشاركة الأصلية كتبت بواسطة albashaalmohan

انا اسف جدا انت بتدلع قوي انا اعرف ناس معاها فيات 124 موديل 76 وبتسجد لله شكر علي النعمه الي هم فيها
ارضي بما قسمه الله لك تكن اغني الناس ..... ولاتتبطر علي النعمه حتي لاتزول ولا تلاقي الصني ولا اللانسر ولا بابا

ايه البتقوله للراجل ده,, العربيات نعمة من نعم الدنيا اعطاها الله لمن اراد و بدام الراجل قادر يغير ايه المشكلة مكفرش يعنى زيى البيتجوز اكتر من واحدة أو بيغير شقة معنى كده انه بيتنمرد, بدام مش جى على نفسو و بيصرف فى حدود المعاه و مابيهملش نعمة ربنا يبقى يعمل الهو عاوزو, اسلوب غريب ومستفز فى الحديث و النصيحة.

**tarekmomo** · 20-05-2011 06:23 PM

تعمل فى حدود 78000

**mxz911** · 21-05-2011 02:14 AM

بس هوه حضرتك لسه مكتشف انك عاوز تغير المفاجأه دلوقتى بعد 20 الف كيلو متر !!؟؟

عموما ربنا يوفقك

**EZABY** · 21-05-2011 02:47 AM

انا اسف جدا انت بتدلع قوي انا اعرف ناس معاها فيات 124 موديل 76 وبتسجد لله شكر علي النعمه الي هم فيها
ارضي بما قسمه الله لك تكن اغني الناس ..... ولاتتبطر علي النعمه حتي لاتزول ولا تلاقي الصني ولا اللانسر ولا بابا

ليه كده يعني؟؟
انا مش فاهمك بصراحه وخايف أوصف كلامك بصفه تمس الشخصيه واتوقف فيها

بالنسبه لصاحب العربيه حاول تكون فكره مبدئيه عن السعر من مواقع الاعلانات زي كونتاكت وكده وبعدها تنورنا في القاهره وتنزل السوق