اطرف موقف حصل فى حياتى

جبت فلتر بنزين عشان اغيره لانى بستعمل بنزين 80 . المهم . قولت يا واد ده الموضوع بسيط وروح لاى ميكانيكى يركبهولك . وفعلا روحت لواحد فى مصر القدمه فى سكتى
سلامو عليكو يا اسطه . وعليكم السلام يا باشا
عايز اغير فلتر البنزين . عينى يا باشا
قعد يقلب فى العربيه يمين وشمال فوق وتحت وبعد مده قالى يا باشا العربيه من غير فلتر
ازاى يا عم ده انا مغيره من 3 شهور . قالى والله من غير فلتر . التانك موصل بالموتور على طول والراجل اللى ركبهولك نصب عليك
طيب حلها ايه يا عم الاسطى . قالى حلها اننا نقطع الخرطوم اللى واصل للموتور ونركب الفلتر ونعمله دعامه فى الشاسيه عشان يمسك يا سلام سلم . قولتله لا يا عم انا هاروح للاسطى اللى ركبهولى اخرب بيته واجيلك تانى
روحت طاير على الاولانى وفعلا ركبه وادانى القديم وعرفت مكانه بالظبط ومستنى اعدى على الاسطى المحترف عشان اكسب فيه ثواب واعرفه مكان الفلتر
ودمتم سالمين