اقتباس المشاركة الأصلية كتبت بواسطة ayabooy مشاهدة المشاركة
طيب انا شايف ان 1100 سعر عالي جدا ( عارف ان سعر الكاربراتير كله عالي بس المبلغ مش قليل )
الاستيراد بكام
و الجديد ده صناعة ايه و الاستيراد المفروض يكون ياباني
الكاربراتير من العناصر المعمرة ديه حاجة
الكاربراتير ليه شركات بتصنعة كتير يعني ممكن تلاقي كاربراتير زي بتاعك بالظبط بس بيركب على عربية تانية
يعني بتاع الفيات 132 هو بتاع الرينو 18 ( رغم وجود فرق كبير في منظومة الكهرباء للعربيتين و السعة اللترية )
و برده عاوز اعرف تمن التصليح عندك كام
يعني في الـ 128 تصليحة بـ 80 ـ 90 جندي و الاستيراد من 120 - 140 ( اسف لو كانت الاسعار اتغيرت ) فطبعا بعد تفكير بسيط تجيب الاستيراد على الاقل خامات تصنيع مش خامات بديلة
و برده دور ايه الكاربراتير الي بيركب عندك من عربيات تانية ( عادتا بالمقاس )
و معظم الصنيعية بيعرفوا يتصرفوا في الحاجات ديه
و الله يعينك انا مقدر كم الحيرة ديه و خصوصا انك ناوي تبيع العربية بس واضح انها مش اليومين دول علشان نقولك اعمل ارخص حاجة و بيع
شكرا لاهتمامك ياباشا!

بالنسبة لأسعار الكاربيراتير ، فهي كالآتي:
1. سعر تصليحه: من 70 - 150 جنيه على حسب الورشة اللي هروحها
2. سعره استيراد : 250 جنيه (المفروض ياباني لأنه بيتشال من عربيات متقطعة جاية من بره)
3. سعره جديد ياباني: 1100 جنيه
4. واحد صاحبي قال لي فيه كاربيراتير جديد تايواني ب500 جنيه ، بس مش لاقيه خالص.

أما بالنسبة للكاربيراتير اللي بالمقاس ، فأنا مش عارف اللي ممكن يركب عندي غير نوع عربيتي ، بس لو فيه كده كان بتاع قطع الغيار قال لي علطول (لأني بتعامل مع بتاع قطع غيار ياباني وكوري وصيني)

بالنسبة لبيع العربية: بإذن الله فهي مش قبل سنة من دلوقتي إن شاء الله ، بس نية البيع موجودة.