ضياع حق ملاك التويوتا mmt

**moosaleh** · 26-09-2010 10:42 PM

السلام عليكم
انا حبيت ياجماعه بس اعمل تنشيط لمشكله الفتيس mmt وحبيت اعرض بعض النقط الخاصه بالموضوع :-
1-الواضح اننا على ابواب 2011 يعنى هيبقى عديت سنتين على اخر موديل للmmt ولذلك خايف القضيه تسقط بالتقادم.
2-السياره بتجربتى ليها ممتازه ماعدا مشكله الفتيس واللى واضح انه هيحتاج صيانه دوريه تقريبا كل 10000واقل صيانه هي عمل معايره يعنى ضبط سوفت ويير ياترى بقى بعدالضمان ما ينتهى هيبقى ايه الحال بكام بقى الصيانه دى .
3- اناغيرت القطع الجديده حسب قرار الوكيل وخضوعا لجهاز حمايه المستهلك اسف للفظ خضوع هو مش كده طبعا هو مسكن لغايه الضمان مايخلص .
4-اثبتت تجارب الملاك ان لا جدوى من تغيير القطع الجديده.
5-من رأيى الشخصى ان الحل هو تقديم شكوى اخرى لجهاز حمايه المستهلك ورفع قضيه امام القضاء المصرى والتنسيق لابد ان يكون جماعى وليس فردى واكيد ده هيبقى ملزم للشركه المصنعه للبحث عن حل ترضى به جهاز حمايه المستهلك وليس المستهلكين بالطبع لان عدد 6500 سياره بيعت بمصر ليس الرقم اللى يهز تويوتا ولو حتى بطلت تصدر لمصر من الاساس مش هتتهز برده .
6-الشركه ملتزمه بتوفير قطع الغيار لمده عشره سنوات فقط بالاضافه ان الوكيل محتكر قطع الغيار دى وايضا لاحظوا هما بس 6500 سياره يعنى مين تاجر قطع غيار فى مصر هيقدر يستورد قطع غيار للفتيس ده مع قله الطلب عليه .
7-سمعت اشاعه من داخل التوكيل ان بعض العملاء تم استبدال سياراتهم بأخرى فتيس اوتوماتيك عن طريق مفاوضات غير معروف تفاصيلها بس الكلام ده يحتمل الصواب والخطأ .

**mr_sameh** · 27-09-2010 08:20 PM

بالنسبة لسقوط القضيه مش هتسقط بالتقادم مادام منظوره امام المحكمة

**د.محمود صلاح** · 27-09-2010 11:05 PM

النقطة السابعة لم أسمع عنها من قبل .. والأحرى هو تبديل الفتيس وليس السيارة ..

**moosaleh** · 28-09-2010 09:07 PM

انا اعتقد ان من الصعب تبديل الفتيس لان العربيه ضيفيره الكهربا والاجزاء الالكترونيه مختلفه تماما بالنسبه للmmt والاتوماتك بس اتمنى فعلا انهم يعرفوا يبدلوا الفتيس وانا اللى انا سمعته فى التوكيل من تغيير السيارات امر غير مؤكد

**wwaeel** · 30-09-2010 12:10 AM

بالفعل تم تبديل العربيه باتوماتك عادي لبعض الناس وفي 2 انا اعرفهم شخصيا خدو ثمن العربيه بس مخصوم 1 جنيه عن كل كيلو مشيوه وطبعا دول جري وري حقهم وكان معاهم واسطه في جهاز حمايه المستهلك اما باقي الناس مخدوش غير كلمه جربو القطع الجديده الاول وبعدين نبقي نشوف انا جالي ان ايرور بعد القطع الجديده واعرف 3 كمان جالهم الان ايرور بعد القطع الجديده افضل حل نجمع نفسنا تاني(الناس الي جالها ايرور بعد تركيب القطع الجديده) كلنا ونروح مع بعض ونعمل شكوىجماعيه في جهاز حمايه المستهلك ونقفلهم منسكتش عشان ناخد حقنا لان جهاز حمايه المستهلك متضامن مع شركه تويوتا لان جهاز حمايه المستهلك حكم علي ابو الفتوح بالغرامه وحكم علي شركه سيت بالغرامه لعيبو اتفه بكتير من الموجوده في تويوتا ولحد دلوقت مش عاوز يغرم تويوتا

**moosaleh** · 30-09-2010 07:17 PM

يعنى كده الموضوع مش اشاعه بقى جهاز حمايه المستهلك مشترك مع تويوتا اجيبت فى الضحك على الناس ده مش جهاز حمايه المستهلك ده اسمه جهاز حمايه البائع الفهلوى وربنا يعوض عليكم اجمعين