كركرة في موتور السويفت

**wsamy** · 23-03-2008 11:30 AM

انا فعلا خليتهم عندي, خصوصا ان قطع الموتور معظمها سليمة, و ال كانوا طمعانين يخدوه بالكيلو يعني يشتروه مني بحوالي 100 جنيه . بس على مييييييين :d, انا رفعتها في محطة بنزين و قالولي انها بس فيها بيض و كبالين عايزين يتغيرواز بالمناسبة كل سنة و انتم طيبين.

**hazem_khidr** · 23-03-2008 02:46 PM

و انت طيب يا باشا.
البيض الواحده ب 45 جنيه
لو بيض مقص حتضطر انك تجيب المقص كله علي بعضه لانه البيضه متبرشمه فيه و ما بتتفكش.
المقص الجوز بيعملو 300 جديد تايواني و 200 استعمال ياباني

**nav man** · 24-03-2008 09:33 AM

السلام عليكم دىاول مشاركة ليا.والله العربية دي قوية انا بسفر بيها القاهرة كل اسبوعين وزي الفل المشكلة اللي عندك إن شاء الله تكون اسكاتر.فعلا خلي بالك من البارومة اوي دي مشكلتي معها وخصوصا اني من اسكندرية وانها ضيقة شوية بس عربية حاملة مئاسي.ربنا يباركلك فيها

**nav man** · 24-03-2008 09:02 PM

دي اسكاتر عن تجربة انا معيا سويفت 93

**kemo_nagy** · 21-04-2008 03:13 PM

المشاركة الأصلية كتبت بواسطة amr_elrashidy

الكهربا فى موتور العربية ليها دورة من اول البوبينة و الاسبيراتير و اسلاك البوجيهات و البوجيهات نفسها يعنى لازم كله يبقى سليم فى المجموعة دى و مظبوط بمعنى ميكونش فى تأخير فى الدورة او تقديم يعنى بمعنى ادق شرارة حرق البنزين تبقى طالعة فى وقتها مظبوط و ده طبعا لو البنزين من النوع المناسب للعربية..المشكلة ان كل جزء فى المجموعه ممكن يعمل مشكلة غير التانى بس برضو لازم الاول يكون بنزينك نضيف و اديك شوفت الفرق لما حطيت 92 لو روحت ظبط الكهربا حتلاقى عربية تانية و سحب تانى و نعومة تانية...للاسف انا اعرف واحد مهندس كهرباء بس بعييييد عن الهرم فى جسر السويس

انا معيا لانسر 99 و استاء التكيف بتسقف لكن فى العادى لأ تفتكر دى تكون كهربا؟ولو كدة فين عنوان الراجل الى في جسر السويس انا ساكن فى الف مسكن
والف شكر