والله يا استاذ Migo123 الحاجه الوحيده اللى فى كلامك اللى متفق فيها مع حضرتك ان مصر بلد التناقضات اما باقى الكلام لا طبعا والامثلة اللى حضرتك ضربتها مش مقياس ابدا ومردود عليها زى سعر فدان الارض وصل لـ200 الف بيحصل بس مش معنى كده ان الناس معاها 200 الف بيحصل بيع وشراء اه بيحصل بس ازاى؟ عيل خلص تعليمه وجيشه ركب مركب وطلع ايطاليا اشتغل باليورو عامل فى مزرعة مواشى حرم نفسه من كل حاجه وبعت لابوه الفلوس اشترى فدان ارض لان الناس دى بتقول كله زايل مبيفضلش غير الارض مع انه لو اشترى ميكروباص الميكروباص هيجيبله فى شهر اللى الفدان بيجيبه فى سنه. وواحد تانى اشتغل عمره كله فى الخليج راجع بـ200 الف اشترى فدان ارض ولا جوز بناته. واحد تالت اشترى فدان الارض عشان هو عنده محل بقاله جملة ومشغل عنده 20 واحد بيدى الواحد فيهم 10 جنيه فى اليوم ويلم الوفات على قلبه.
طيب يا باشا الـ3 اصناف دول اللى انت بصيت عليهم بس دول 3 وسط مليون هتعمم عليهم.
مشكلة الغنى انه مش عايز يشوف الفقير الواد اللى بينفخلك كاوتش عربيتك وبتسيبله جنيه قولى هيجيب الفدان ده فى كام مليون سنه؟ عامل البنزينه اللىالغنى بيسيبله الربع جنيه وهو باصصله فيه هيجيب الفدان دا فى كام مليون سنه؟ بتاعة الطماطم اللى انا بفاصل معاها فى خمسين قرش هتجيب الفدان دا فى كام مليون سنه؟ ياه دا احنا بقينا مبنحسش ببعض بقى عامل البنزينه واقف فى الحر والريحة اللى خرمت صدر اهله عشان الربع الجنيه بيدارى القرشين عشان الحسد خايف اقولك حرام عليك تزعل منى المحاسب ولا الموظف اللى بياخد 500 جنيه ولا حتى 1000 جنيه مخبى القرشين وخايف على نفسه من الحسد.
المفضلات