طلعت مصطفي .. الرضا .. ام مقاسمة المكسب؟

**Hegazio** · 27-09-2010 09:34 AM

ياتري هل رضي الكبير عن من كان من اتباعه يوما .. ام قرروا مقاسمته؟
هل انتهت قرصة الودن؟ ام هي قرصة من نوع اخر؟
حاولت التفكير و لم اصل لشئء .... هل ( خلاص بقي يادرش بس ماتعملهاش تاني .. حلال عليك الأرض و الغاء الاعدام )
ام بص ادفع عشرة مليار فوق الترابيزة و 30 تحتها و انت الكسبان؟
طب هل لو 10000 واحد طلعو بكرة مثلا طريق مصر السويس بعد مدينتي بعشرة كيلو و قالو حقنا حناخده و الحكومة تاخد 10 جنيه ف المتر زي طلعت .. حيقدرو يوقفوهم؟
انا مش عارف ... مش باين للفجر طلوع ولا نيلة

**Hegazio** · 27-09-2010 12:46 PM

يعني الواحد يتمني الخير لكل مصر و المصريين يا اخي
و انا معاك ان الثمن الحقيقي مش 300 مليار وقتها .. لكن مش بالتمن اللي دفعه اطلاقا!!!!!!!
خصصت الحكومة 9 آلاف فدان (37.8 مليون متر مربع)
دفع 7 % من السعر اللي حضرتك بتقول عليه
يبقي حسبنهاله بالرخيص و دفع 7 % ؟؟؟؟!!!!!!

**kh_talaat** · 27-09-2010 01:37 PM

انتو بتتكلموا في اية

المشروع دة اكبر دليل على الفساد الرهيب اللي بقينا عايشيين فيه

يعني لولا الراجل اللي رفع قضية على الحكومة وكسبها ما كانت الحكومة عملت حاجة وكانت راحت الفلوس على البلد

وبعدين انهي تعمير واستثمار اللي بتتكلموا عليه دة لما شقة 100 متر في آخر الصحراء تبقى ب900 ألف جنية !!!!

انهي شاب بيبتدي حياته هيقدر يدفع المبلغ دة كله ويعيش في ابعد مدينة حوالين القاهرة الكبرى وفي شقة بالمساحة دي

**Ahmed.Ali** · 27-09-2010 01:51 PM

المشاركة الأصلية كتبت بواسطة kh_talaat

انتو بتتكلموا في اية

المشروع دة اكبر دليل على الفساد الرهيب اللي بقينا عايشيين فيه

يعني لولا الراجل اللي رفع قضية على الحكومة وكسبها ما كانت الحكومة عملت حاجة وكانت راحت الفلوس على البلد

وبعدين انهي تعمير واستثمار اللي بتتكلموا عليه دة لما شقة 100 متر في آخر الصحراء تبقى ب900 ألف جنية !!!!

انهي شاب بيبتدي حياته هيقدر يدفع المبلغ دة كله ويعيش في ابعد مدينة حوالين القاهرة الكبرى وفي شقة بالمساحة دي

مين قال ان المشروع للشباب خلي العرب و الاثرياء تشتري و المستفيد مصر
دي صحرا و عمرها مكانت هتعمر كدا الا لو طلعت مصطفي هو الي بناها
هي الناس مرحتش الرحاب قبل كدا؟؟؟

**hoky** · 27-09-2010 02:08 PM

المشاركة الأصلية كتبت بواسطة kh_talaat

انتو بتتكلموا في اية

المشروع دة اكبر دليل على الفساد الرهيب اللي بقينا عايشيين فيه

يعني لولا الراجل اللي رفع قضية على الحكومة وكسبها ما كانت الحكومة عملت حاجة وكانت راحت الفلوس على البلد

وبعدين انهي تعمير واستثمار اللي بتتكلموا عليه دة لما شقة 100 متر في آخر الصحراء تبقى ب900 ألف جنية !!!!

انهي شاب بيبتدي حياته هيقدر يدفع المبلغ دة كله ويعيش في ابعد مدينة حوالين القاهرة الكبرى وفي شقة بالمساحة دي

والله لو الشاب اللى بيبدا ء حياته دة مش معاه فلوس لمدينتي ميفكرش فيها عنده مليون مكان تاني ارخص بكتير زي بدر مثلا الشقه هناك ب50000 جنيه ولا نحول البلد كلها مساكن شعبيه هو ده التعمير ؟؟؟؟؟؟؟؟؟؟؟؟؟

**Ahmed.Ali** · 27-09-2010 02:12 PM

انا شايف ان طبيعي جدا لو اديت اي مستثمر تسهيلات كتير مقابل انه يبني مشاريع استراتيجيه طويل المدي
مشروع فيها فندق و مدارس و مولات و كافيهات و مطاعم كل ده شغال و كله بيدفع ضرايب و كله بستخدم عماله صدقوني العائد غير المباشر ضخم جدا و الاستثمار الخارجي كبير

**hon** · 27-09-2010 02:14 PM

ياجماعة الصفقة باينة
يايدفع 10 مليار وياخد حكم وميتعدمش فى قضيتة يا اما مايدفعش وينعدم
حسبنا الله ونعم الوكيل

**kh_talaat** · 27-09-2010 02:27 PM

المشاركة الأصلية كتبت بواسطة ahmed.ali

مين قال ان المشروع للشباب خلي العرب و الاثرياء تشتري و المستفيد مصر
دي صحرا و عمرها مكانت هتعمر كدا الا لو طلعت مصطفي هو الي بناها
هي الناس مرحتش الرحاب قبل كدا؟؟؟

اولا فكرة ان المشاريع العقارية تقام لتمليكها لغير المواطنين المصريين هي فكرة خاطئة تماما

فالمشروعات العقارية المفروض انها تقام في الأساس لأصحاب البلد لأن مالك الشقة سيستفيد من الدعم في الكهرباء والمياة والطرق وغير ذلك

وكتير من الدول العربية وعلى راسهم السعودية لا تسمح للأجانب ولا حتى العرب من غير السعوديين بأمتلاك شبر من ارضها

ولو سلمنا بأن دة هدف المشروع بالنسبة للحكومة انها تستثمر الصحراء وتبني مساكن للشباب بفلوس بيع الأرض فهل اللي اشترى الأرض دفع فلوسها اصلا للدولة

دة تمن الأرض كانوا متفقين في العقد القديم ان 7% من الوحدات يبقى للحكومة وهو دة مقابل ثمن الأرض

بالذمة دة كلام !!!! وعلى العموم الموضوع مش محتاج تفاصيل اكتر من كدة المحكمة خلاص حكمت ببطلان العقد ودة وفقا للقوانين المصرية

-

الموضوع: طلعت مصطفي .. الرضا .. ام مقاسمة المكسب؟

LinkBack

أدوات الموضوع

عرض

طلعت مصطفي .. الرضا .. ام مقاسمة المكسب؟ - انشر الموضوع فى :

-

-

-

-

-

المواضيع المتشابهه

حد جرب مركز (الرضا) قبل كدة اللى فى المريوطية هرم ؟

هشام طلعت مصطفي .. مش اعدام !!

الرضا

مصر و دول العالم و الرضا و التشاؤم

الكلمات الدلالية لهذا الموضوع

المفضلات

المفضلات

ضوابط المشاركة