أستهبال التوكيل...بس أنا مالي!!

**blackknight** · 27-09-2010 11:58 PM

سؤال رفيع : يا عم نورمال هو يعنى انت بتقول مخبوطة 3 مرات فى نفس المكان سيبها زى ماهى بقى , اكيد دى العين اللى بتيجى فى كل كيداهم ؟؟؟ و بعدين ليه تدفع فى التأمين و تتحسب عليك حادثة و بعدين تيجى مع تجديد التأمين يبقى ليك history معاهم و يزودوا فى قيمة تأمين السنة الجديدة ؟؟؟

**waleedelpiloot** · 28-09-2010 12:07 AM

انا مش معاااااااك خالص يا نورمال فىالى انتا عملتوا دة معرفش انتا فكرت كدة ازاى
كنت تاخدها توديها لسمكرى يعلمها فى ساعة وياخد 100 جنية بلشاى ما انا عملت كدة فى عربيتى وكانت متبهدلة ساعة ما غيرت الدنجل بس قولت هعما السمكرة برة التوكيل عشان الوقت ومش هتيجى على 100 200 جنية دول بس عربيتى تبقى معايا

بصراحة انا مش فاهمك !!!!!!!!!!!!!!!!!

**aaet1** · 28-09-2010 12:40 AM

المشاركة الأصلية كتبت بواسطة normal

هو بس خلينا متفقين أنى مش مهم بالنسبالى السعر
حتى لو 10000 أنا مش دافع منهم حاجه
فأنا مش معترض على السعر ولا هعترض
التوكيل و التأمين يضربوا فى بعض بقى ويعصروا بعض
مشكلتى بالتأكيد تكمن فى الوقت
ودا الى مش عارفله حل
وأكيد مينفعش اجيب الدوكو من التوكيل واعمله بره أعتقد مش هيرضوا
كمان أنا التعاقد هيخلص على أخر السنه وأنا مش ناوى أجدد معاهم
فعلشان كدا مردتش أستنى على الخبطه أكتر من كدا

بص يا بيه طبعا بعد الاحساس بالفرسة من اللى حكيته عن استهبال الوكيل .... دول لو بيصنعوا عربية جديدة هياخدوا وقت أقل ... ولكن بخصوص انك تجيب اللون من الوكيل وتعملها بره وبخصوص اللون آه ممكن تجيبه أنا لسه مافيش شهرين عربيتى كانت عندهم فى التصليح وأنا ماشى طلبت 100 جرام من اللون يكونوا معايا قلت اهه يمكن ينفعوا فى حاجة وأخدتهم فعلا ... حسب ما أتذكر انه كان بيقول الكيلو بيعمل حوالى 500 جنيه

**BOOGIE** · 28-09-2010 01:09 AM

المشاركة الأصلية كتبت بواسطة aaet1

بص يا بيه طبعا بعد الاحساس بالفرسة من اللى حكيته عن استهبال الوكيل .... دول لو بيصنعوا عربية جديدة هياخدوا وقت أقل ... ولكن بخصوص انك تجيب اللون من الوكيل وتعملها بره وبخصوص اللون آه ممكن تجيبه أنا لسه مافيش شهرين عربيتى كانت عندهم فى التصليح وأنا ماشى طلبت 100 جرام من اللون يكونوا معايا قلت اهه يمكن ينفعوا فى حاجة وأخدتهم فعلا ... حسب ما أتذكر انه كان بيقول الكيلو بيعمل حوالى 500 جنيه

كدا يا نورمال ممكن تخلص العربية فى يومين تجيب اللون بعد ما تتفق مع بتوع الضمان و تتعمل برة التوكيل و تبقى العربية تحت اشرافك

انا كنت قريت ان فى زميل عربيتو اتبهدلت لما سبها فى التوكيل بس مش فاكر كان بيعمل اية فى التوكيل بظبط

**bolok** · 28-09-2010 01:28 AM

انا كنت حقلك نفس اللى زملنا قالوا ..
هي لو في الاكصدام يبقى اكصدام جديد افضل ومش بعيد تلاقيه ارخص
الا بقى اذا كانت في الجنب الوراني ... او فوق الاكصدام

**Donzi** · 28-09-2010 01:38 AM

المشاركة الأصلية كتبت بواسطة aaet1

بص يا بيه طبعا بعد الاحساس بالفرسة من اللى حكيته عن استهبال الوكيل .... دول لو بيصنعوا عربية جديدة هياخدوا وقت أقل ... ولكن بخصوص انك تجيب اللون من الوكيل وتعملها بره وبخصوص اللون آه ممكن تجيبه أنا لسه مافيش شهرين عربيتى كانت عندهم فى التصليح وأنا ماشى طلبت 100 جرام من اللون يكونوا معايا قلت اهه يمكن ينفعوا فى حاجة وأخدتهم فعلا ... حسب ما أتذكر انه كان بيقول الكيلو بيعمل حوالى 500 جنيه

+111111111111111
تمام جدا كدة بدل ما تقعد من غبر العربية شهرين على حاجة صغيرة زي دي حرام قوي

**Hosam_Optrawy** · 28-09-2010 07:32 AM

التصليح فى توكيل كيا نار انا عارف :) اسمع الارقام دى

واحد صاحبى معاه كيا ريو اشتراها من 6 شهور كدا ومأمن عليها برضه

نزل يوم لقاها اتخبطت وهى راكنه

الخساير الرفرف اتكحت والفانوس اتخربش والاكصدام برضه اتكحت حاجه بسيطه

طبعا العربيه قعدت شهر بس بصراحه رجعت زيرو

التكلفه 8 الاف

الحادثه التانيه ودى كانت كبيره شويه لانه عملها على الدائرى والحمد لله ربنا نجاه من الموت

الخسائر اكصدام ورفرف وباب امامى بالعتب

التكلفه 25 الف