سؤال عن كيفية الحفاظ على تيل الفرامل لأطول فترة ممكنة ؟؟

**pioneerahmed** · 28-09-2010 09:05 PM

المشاركة الأصلية كتبت بواسطة a.saad

pioneerahmed
ممكن ايضاح للاتى

ازاى الموتور هيبوظ لو مشيت على الغيار وانت مش دايس بنزين

انا قصدى ان مثلا العربية ماشية على الغيار الرابع و السرعة 80 كم اقوم مسقط نقلة على التالث

**pioneerahmed** · 28-09-2010 09:06 PM

المشاركة الأصلية كتبت بواسطة mohabelnegm

حضرتك رحت لبعيد أوى..موتور و فتيس و تسقيط نقلات! و ماقرتش كلامى بعناية...أنا ماجبتش سيرة" تسقيط نقلات"الفكرة كلها أنى على سبيل المثال ماشى على الرابع و داخل على مطب و شايفه من بعيد.. بدوس فرامل خفيف فالعربية بتهدى سرعتها بشكل تدريجى و بتنزل سرعتها للمستوى الطبيعى للتالت ببغير للتالت و بستمر فى دوس الفرامل خفيف و العربية سرعتها بتقل للسرعة المناسبة للتانى فبجيب التانى و باخد المطب بهدوء...لأن فى ناس بتكون داخلة على مطب وهى على الرابع مثلا فبتعمل الخطأدة أنها بتخلى العربية على المور و بيقعد يدوس فرامل لغاية لما يوصل للمطب و دة اللى بياكل التيل بشكل سريع ... و فى ناس بتجرى و بتفرمل فجأه قبل المطب بدوسة عنيفة على الفرامل و يقوم جايب تانى و ياخد المطب و دة برضة بياكل التيل و الكاوتش كمان.

اة اسف انا مفهمتش كدة

**moh19227** · 29-09-2010 12:56 AM

المشاركة الأصلية كتبت بواسطة tutankhamoun

أي شئ أستخدامه الكثير بيقلل عُمره الأفتراضي
و بالتالي لما تستخدم أي شئ بأقصى قدرة معمول لها ..... بيقل عمره في أقل وقت

يبقى أيه الحل للحفاظ على أجزاء السيارة و منهم التيل ؟

الحل طبعا القيادة الهادئة المحترمة المتأنية ( مش زي سواقة سواقين الميكروباظ و الشباب الشوماخري )

أنت عارف طريق مثلا كويس
و عارف أن فيه مطب على بعد 500 متر
تهدي العربية قبل المطب بشوية و بعدين لما توصل على المطب هاتلاقي نفسك مش محتاج فرامل جامدة علشان تهدي
و بالتالي أنت حافظت على 3 حاجات

أستهلاك بنزين أقل لأنك مفضلتش دايس لغاية المطب .
أستهلاك تيل أقل
أستهلاك طنابير أو ديسكات الفرامل أقل طبعا

منظومة الفرامل مش تيل بس
فيه كمان الطنابير اللي التيل بيقفش فيها ......... و بالتالي حاجتبين بيحكوا في بعض
بس علشان التيل مُعرض للتآكل أكتر فبنشعر به أكتر و لكن الطنابير هي كمان بتتأكل مع الفرامل القوية على طول .

أرجوا أني أكون أفدتك و ربنا يستر طريقك و يبعد عنك الشواخرية المصريين و سواقين الميكروباظ و النقل بجميع أنواعه
و ربنا يأخد الكائنات الضالة اللي على الطريق مورهاش غير أذيه غيرها .

++++++++++++1111111

**tutankhamoun** · 29-09-2010 07:19 AM

المشاركة الأصلية كتبت بواسطة د.محمود صلاح

بالنسبة للأوتوماتيك مالوش حل ,, استهلاك التيل بيزيد عن المانيوال .

بالنسبة للمانيوال القيادة الهادئة بدون تسرع مفاجيء يتبعه فرمله بدون داعي تحافظ على التيل .

كما أن في المانيوال استخدام الغيار العكسي بيساعد في فرملة العربية بدون فرامل وبالذات في المنازل .

دكتورمحمود صلاح ... التحية العطرة
فعلا في الأوتوماتيك التيل بيعيش أقل من المانوال .

بس له حل ....

لما تفرمل و أنت ماشي على 100 و عايز توقف العربية في 20 متر غير لما تفرمل و أنت ماشي على نفس السرعة بس مساقة التوقف زادت ل 500 متر
أستهلاك الفرامل في المرة أولى هايكون أزيد طبعا بكتير و أستهلاك البنزين و أستهلاك الطنابير أو الديسكات .

و بالتالي الفرمل في الأوتوماتيك أسهل
تشيل رجلك من على البنزين .......... و تسيب العربية تمشي شوية من غيره هاتلاقي فرامل الموتور بتهدي العربية لوحدها
و بعدين تستخدم الفرامل حسب الحاجة .

مشكلتنا في مصر أن الناس بتجري و خلاص ........ كله عايز يجري بس و محدش عايز يهدي و كله عايز يطير من على المطبات .

**Ali_Abo_Amr** · 29-09-2010 02:26 PM

شكرا يا جماعة على الردود...
كده انا فهمت ان ما فيش مشكلة انى افضل ضاغط على الفرامل فترة طويلة لحد ما العربية تقف براحتها افضل من انى اروح ضاغط فجأة جامد علشان العربية تقف فى اقل فترة واقل مسافة ....

**mohabelnegm** · 30-09-2010 05:55 PM

المشاركة الأصلية كتبت بواسطة hossam99

خطأ فادح بدل ماتاكل تيل
تاكل بلي وديسكات وتروس والذي منه ومفيش مانع من حبه سلطات حواليهم:pointiy2[2]:

والله لو أنى بدى العربيه غيارات مناسبه للسرعة اللى أنا ماشى عليها و بريح العربية فى الغيارات زى ما كتالوجها بيقول دة بيؤدى للى حضرتك بتقول عليه دة!!!!!!ياريت تقولنا أيه الصح من وجهة نظرك بدل التريقه......أنا مابفتيش و لو مش متأكد من معلومة ماباكتبهاش.