الموضوع: نازل احجز ساجا

الف الف الف الف شكر ليكو جميعاً

وده اللى حصل بالتفصيل

روحت عز العرب فرع الصحراوى ذى ما قولتلكو

وفحصت كل المكتوب فى الملف المرفق وهو بصراحه من تجميعى وبعضه من تأليفى

والاستاذ محسن كان محترم جدا قلتله انا عايز اجرب واحجز العربيه اللى انا هاخدها بمعنى انى هعاين عربيه واقوله عليها موافق فياخد رقم شاسيها ويحطه فى الملف

وبصراحه المدام كان عاجبها الاحمر وجابهولى من المخازن وكان لى هذه التعليقات مع الوضع فى الاعتبار ان السياره ممتازه بالنسبة للفئة السعرية بتاعتها

- كان فى فرق بين البابين اللى ناحية الشمال بالطول اكبر من الفرق اللى فى الناحية اليمين ( على إعتبار انى حنبلى) حوالى 5 مم من فوق لكن صحبى قالى ده رجلاش وممكن يظبطهولك

- فى بلاستيكه مغطيه مسمار تثبيت فى كرسى السائق كانت مقطومه بس انا شايف انها بسيطه ممكن يغيروها

- اخر حاجه عند فتح باب السائق كان تقيل شويه بس يمكن علشان متفتحتش كتير

بس بصراحه انا شايف انها حاجات بسيطه لكن ممكن غيرى مايتفقش معايا فى كده

فى النهايه حبيت ارخم شويه قلتله انى نفسى فى الفضى على اعتبار انه لونى المفضل والمدام عايزه العربيه لونها احمر هو بصراحه دور لقى كميه كبيره محجوزه فقالى ان الفضى جاى خلال اسبوع او 10 ايام وهتكون اخر دفعة لموديل 2010 وده حسب كلامه ( انا مش مسئول عن حقيقة التصريح ده ممكن يكون مش فايقلى )

فقلتله خلاص احمر احمر بس مش الموجود وخلاص فعلا لا انا بس كنت بحاول ارخم على المدام كلام فى سركو

وحجزت ودفعت العربون وكله تمام الحمد لله ولما استلم اكيد هرجعلكو بتقرير تانى

الف شكر ليكو " على فكره الموضوع ده خد ساعه ونص وصاحبى عجبته العربيه حدا خاصة اللون الاحمر"

وده ملف المراجعه يارب يعجبكو

MEGAUPLOAD - The leading online storage and file delivery service