الحكم فى قضيه هشام طلعت مصطفى و محسن السكرى

**ahmed76** · 28-09-2010 02:38 PM

المشاركة الأصلية كتبت بواسطة أشرف العدوي

و ممكن يطلع حسن سير و سلوك في احتفالات 6 أكتوبر الي جاي

وانا اؤيد رأى حضرتك بشده
بس مش 6 اكتوبر اللى جاى على طول اوى كده
ممكن عيد تحرير سينا او عيد العمال على بال ما الناس تنسى شويه

ها يا اتش احنا كنا بنشد ودنك بس

**makka** · 28-09-2010 02:38 PM

متفق معك فى انه سيخرج بافراج صحى بعد فترة ليست بالطويلة

**م. حاتم السباعي** · 28-09-2010 02:41 PM

لك الله يا امة محمد

ولن اعلق سوي بأن الله علي كل شئ قدير

م.حاتم السباعي

**newuser2009** · 28-09-2010 03:04 PM

هيا سنه السجن فعلا ب 10 شهور ؟
و هل فعلا في حاجه اسمها نص المده
لو كده هوا قعد سنتين في السجن
يعني كلها سنتين و يخرج؟

**SaberMan** · 28-09-2010 03:09 PM

و ممكن سنه و نسمع أنو خد عفو الريس .

**SaberMan** · 28-09-2010 03:12 PM

الظاهر انو مرضيش يدفع

**Sherif Khalifa** · 28-09-2010 03:33 PM

سؤال سازج من مواطن اكثر سزاجة (الهوا انا)

هيا مش دى قضية قتل عمد ؟
يعنى الحكم يا يكون اعدام يا برائة
هوا مش كدة حكم باضل ؟ و لا انا فاهم غلط
ولا دا حكم باطل علشان يتطعن فية تانى

ياريت حد من بتوع القانون يفهمنى

**MoOoD** · 28-09-2010 03:52 PM

يا باشا شكراً على الخبر أولا
وكده أكيد هيقعد كام سنه وبعدين يخرج بدعوى الظروف الصحيه
على العموم كفايه عليه المجزره إلى إتعملتله فى مشروع مدينتى
كده الشركه خلاص على ما أعتقد

**dr_asaos** · 28-09-2010 04:04 PM

الحكم شكله موسيس ..يعنى بالفعل هو يحمل ادانة لهشام خلاص..وبكده يرضى الرأى العام وفى نفس الوقت مايتعدمشى وبالفعل كده كده هياخد افراج صحى..ودمتم بود..وعلى فكرة انا القضية دى ماتهمنيش اقولكو ليه..عشان اهل سوزان نفسهم ماهانتشى عليهم وقبضوا الثمن خلاص..يبقى احنا مالنا..ربك يمهل ولا يهمل وخلاص ...انما مشكلتى فى الاعترافات المادية بتاعة هشان انه كان بيديها مصروف 200 الف دولار شهريا واودع مليون استرلينى فى حسابها عند الخطوبة يا حلاوة يا ولاد ودفع مش عارف كام الف فرانك لما اتفسحوا مع بعض ولما قعدت فى فندق البلازا ده انفق عليها ببذخ..والله دمى بيضرب فى السقف لما بسمع الكلام ده...الفلوس دى كلها منين؟ طلعت مصطفى هو احد اسباب ارتفاع سعر السكن المتر بيبقى فى الواحات وتلاقى صاحبه ماسك فيه وبيقولك بألف جنيه المتر!! المتر فى مدينتى بكام؟اللى هيا فى الصحراء ؟ طيب يا سيدى واحد هيقولى ماتخدشى فى مدينتى مادام انته موش قدها اقولك المشكلة مش كدة المشكلة ان فى عمارات بتبقى ادام المقابر وتلاقى المتر قرب على 3000 جنيه يبقى انا اتأثرت ولا لاء؟ ومتر الشقة موش الارض فى التجمع بكام؟ قرب 3000 جنيه برضه وكمان فى الصحراء بدون اى مواصلات وتلاقى المتر برضه الشقة موش الارض فى حتة زى اللى على الخليفة المأمون المتر ب9000 جنيه على التراب ويزيد السعر لما المقاول يلم شوية فلوس ويطلع بالمبنى ويصبح المتر موش اقل من 10000 ج يعنى الشقة المية متر اصبحت بمليون هىهىهى!! الشباب موش عارف يتجوز وموش الفقراء والغلابة بس اللى انضروا دى الطبقة الوسطى كمان اختفت والبيه هشام اللى ربنا فتح عليه بيجرى ورا سوزان تميم وبيديلها مصروف 200 الف دولار شهريا ومليون استرلينى عربون محبة والحمد لله عن نفسى مستور وراجل طبيب بشرى بئالى6 سنين ومرتبى 650 ج يعنى اممم 65 كيلو طماطم بحالهم او اكتر شوية وبقول انى افضل كتييييييييييير من غيرى والحمد لله...وشباب مصر المكافح فى الحالة دى يروح يصوم اعمالا لحديث الرسول صلى الله عليه وسلم... حسبى الله ونعم الوكيل