اقتباس المشاركة الأصلية كتبت بواسطة eng_ahmed_90 مشاهدة المشاركة
ما ال 130000 دول ممكن تجيب بيهم حاجه ياباني او اوروبي محترمه
الياباني زي النيسان التيدا او المازدا 3 او حتي لانسر بومه
الاوروبي زي الفيات ايفو او جراند بونتو او الرينو فلوانس او سيات ابيزا
اقتباس المشاركة الأصلية كتبت بواسطة eng_ahmed_90 مشاهدة المشاركة
انا مش قصدي طبعا اقلل من قيمه اختياراتك او ادوشك
و لو مصمم علي الكوري خليك طبعا في الكروز
معلش انا ممكن اكون هاخرج بره الموضوع بس انا كنت عايز اعرف من حضرتك بس السر اللى ورا عدم اقتناعك بالسيراتو خصوصا ....يعنى ليك موقف وحش معاها !!!! واحد راكب سيراتو ضايقك مثلا!!! واحد خبطك بعربية سيراتو !! يعنى يا ريت حضرتك تقول لانى بصراحة استغربت جدا لانى كل مادخل اقرأ موضوع فيه كلمة سيراتو (مجرد كلمة) بالاقى مشاركة حضرتك و طبعا دايما مش لصالح السيراتو الكلام ده اتكرر فى موضوعات كتير و قدام عربيات متنوعة يعنى فيه الموضوع اللى في قسم المقارنات بتاع تيدا ولا سيراتو سيادتك اتفضلت و شاركت برايك الا وهو التيدا واتناقشت كمان مع اخ فاضل كان بيرشح السيراتو (مع العلم ان حضرتك كاتب بنفسك انك ماسوقتش التيدا) و موضوع تانى صاحبه محتار بين البوما و السيراتو بردو كان رايك لصالح البوما و دى كلها اراء شخصية طبعا حضرتك حر فيها بس سيادتك بردو مش بتبن اسباب اختيارك الا بحاجة واحدة ان دى يابانى و دى كورى!!!!! موضوع تالت و ده بقى كان الذ لان صاحبه محتار بين البوما و اللانترا و السيراتو و طبعا حضرتك حطيت ترتيبك للعربيات زى اللى قولته 1-اللانسر 2-اللانترا 3- السيراتو يعنى حتى السيراتو ماوصلتش لمكانة اللانترا عند حضرتك رغم انهم هما الاتنين (كورى) اما الموضوع اللى انا بارد على حضرتك فيه ده فبصراحة مشاركة حضرتك غير مفهومة يعنى صاحب الموضوع محدد اختياراته و متردد بين موديلات معينة سيراتو و وسول و كروز حضرتك شاركت و رصيت موديلات لماركات تانية خالص و بتقوله دول احسن و حتى بعد كده رجعت قولتله طيب خليك فى الكروز ....... (انا لغاية دلوقتى عديت 5 او 6 عربيات فى نفس فئة السيراتو كلهم احسن منها حسب راى حضرتك) السؤال هنا بقى هل فيه عربية اسوأ من السيراتو ولا هيا فى ذيل القائمة ؟؟؟ بس عموما كويس ان حضرتك لاحظت ان اللى بيبقى معاه مبلغ يشترى السيراتو بيبقى ممكن موديلات و ماركات تانية كتير بس اكيد هو اشتراها لمجموعة اسباب معينة....