اقتباس المشاركة الأصلية كتبت بواسطة AmrStYliSh مشاهدة المشاركة
معلش انا ممكن اكون هاخرج بره الموضوع بس انا كنت عايز اعرف من حضرتك بس السر اللى ورا عدم اقتناعك بالسيراتو خصوصا ....يعنى ليك موقف وحش معاها !!!! واحد راكب سيراتو ضايقك مثلا!!! واحد خبطك بعربية سيراتو !! يعنى يا ريت حضرتك تقول لانى بصراحة استغربت جدا لانى كل مادخل اقرأ موضوع فيه كلمة سيراتو (مجرد كلمة) بالاقى مشاركة حضرتك و طبعا دايما مش لصالح السيراتو الكلام ده اتكرر فى موضوعات كتير و قدام عربيات متنوعة يعنى فيه الموضوع اللى في قسم المقارنات بتاع تيدا ولا سيراتو سيادتك اتفضلت و شاركت برايك الا وهو التيدا واتناقشت كمان مع اخ فاضل كان بيرشح السيراتو (مع العلم ان حضرتك كاتب بنفسك انك ماسوقتش التيدا) و موضوع تانى صاحبه محتار بين البوما و السيراتو بردو كان رايك لصالح البوما و دى كلها اراء شخصية طبعا حضرتك حر فيها بس سيادتك بردو مش بتبن اسباب اختيارك الا بحاجة واحدة ان دى يابانى و دى كورى!!!!! موضوع تالت و ده بقى كان الذ لان صاحبه محتار بين البوما و اللانترا و السيراتو و طبعا حضرتك حطيت ترتيبك للعربيات زى اللى قولته 1-اللانسر 2-اللانترا 3- السيراتو يعنى حتى السيراتو ماوصلتش لمكانة اللانترا عند حضرتك رغم انهم هما الاتنين (كورى) اما الموضوع اللى انا بارد على حضرتك فيه ده فبصراحة مشاركة حضرتك غير مفهومة يعنى صاحب الموضوع محدد اختياراته و متردد بين موديلات معينة سيراتو و وسول و كروز حضرتك شاركت و رصيت موديلات لماركات تانية خالص و بتقوله دول احسن و حتى بعد كده رجعت قولتله طيب خليك فى الكروز ....... (انا لغاية دلوقتى عديت 5 او 6 عربيات فى نفس فئة السيراتو كلهم احسن منها حسب راى حضرتك) السؤال هنا بقى هل فيه عربية اسوأ من السيراتو ولا هيا فى ذيل القائمة ؟؟؟ بس عموما كويس ان حضرتك لاحظت ان اللى بيبقى معاه مبلغ يشترى السيراتو بيبقى ممكن موديلات و ماركات تانية كتير بس اكيد هو اشتراها لمجموعة اسباب معينة....
بالنسبه لموضوع التيدا و السيراتو
انا اخترت التيدا علي اساس انها ياباني يعني جوده خامات و تصنيع افضل من الكوري و دي نقطه مهمه ناس كتير بتغفل عنها ده غير ان التيدا مش منتشره الانتشار الرهيب بتاع السيراتو فده هيدي تميز لاي حد بيملكها و انا مخترتش السيراتو عشان كوري ده غير عيوب الصناعه اللي ظهرت فيها و انا مش متأكد انها عيوب صناعه ممكن تكون عيوب فرديه زي الحدفه الشمال و العفشه الناشفه بطريقه مبالغ فيها خصوصا مع الجنط 17 و كمان عشان منتشره انتشار مبالغ فيه فممكن تلاقي اي شخص اي كان بيمتلكها بس ده له ميزه ارتفاع سعر اعاده البيع و انتشار قطع الغيار

بالنسبه لموضوع اللانسر و السيراتو
انا اخترت اللانسر البومه و ليست الشارك لنفس اسباب اختياري للتيدا بس اللانسر منتشره انتشر فظيع زيها زي السيراتو فمقدرش اتكلم في النقطه دي و لا نقطه قطع اعاده البيع او قطع الغيار

بالنسبه لموضوع الالنترا و السيراتو
الاتنين كوري اه بس انا شايف ان خامات الالنترا افضل من السيراتو و دي نقطه مهمه اساسيه علي الاقل بالنسبه لي ده غير ان الالنترا بالشكل الحالي اقدم في السوق من السيراتو الجديده فده بيدي ثقه فيها اكتر بس طبعا اللي جاب السيراتو كسب شكل مميز و كماليات كويسه في الفئه sx او ال ex علي الاقل فقط

اما بالنسبه للموضوع اللي احنا بنرد فيه
لو انت معاك 200 الف هل هتروح تجيب ياباني ؟ و لا هتروح علي طول تجيب الماني ؟ نفس الفكره هنا انا شايف ان ال 130 الف يتحطوا في عربيه اوروربيه او يابانيه علي الاقل بدل ما يتحطوا في عربيه كوريه و لا ايه رأي حضرتك ؟