اقتباس المشاركة الأصلية كتبت بواسطة eng_ahmed_90 مشاهدة المشاركة
بالنسبه لموضوع التيدا و السيراتو
انا اخترت التيدا علي اساس انها ياباني يعني جوده خامات و تصنيع افضل من الكوري و دي نقطه مهمه ناس كتير بتغفل عنها ده غير ان التيدا مش منتشره الانتشار الرهيب بتاع السيراتو فده هيدي تميز لاي حد بيملكها و انا مخترتش السيراتو عشان كوري ده غير عيوب الصناعه اللي ظهرت فيها و انا مش متأكد انها عيوب صناعه ممكن تكون عيوب فرديه زي الحدفه الشمال و العفشه الناشفه بطريقه مبالغ فيها خصوصا مع الجنط 17 و كمان عشان منتشره انتشار مبالغ فيه فممكن تلاقي اي شخص اي كان بيمتلكها بس ده له ميزه ارتفاع سعر اعاده البيع و انتشار قطع الغيار

بالنسبه لموضوع اللانسر و السيراتو
انا اخترت اللانسر البومه و ليست الشارك لنفس اسباب اختياري للتيدا بس اللانسر منتشره انتشر فظيع زيها زي السيراتو فمقدرش اتكلم في النقطه دي و لا نقطه قطع اعاده البيع او قطع الغيار

بالنسبه لموضوع الالنترا و السيراتو
الاتنين كوري اه بس انا شايف ان خامات الالنترا افضل من السيراتو و دي نقطه مهمه اساسيه علي الاقل بالنسبه لي ده غير ان الالنترا بالشكل الحالي اقدم في السوق من السيراتو الجديده فده بيدي ثقه فيها اكتر بس طبعا اللي جاب السيراتو كسب شكل مميز و كماليات كويسه في الفئه sx او ال ex علي الاقل فقط

اما بالنسبه للموضوع اللي احنا بنرد فيه
لو انت معاك 200 الف هل هتروح تجيب ياباني ؟ و لا هتروح علي طول تجيب الماني ؟ نفس الفكره هنا انا شايف ان ال 130 الف يتحطوا في عربيه اوروربيه او يابانيه علي الاقل بدل ما يتحطوا في عربيه كوريه و لا ايه رأي حضرتك ؟
كلام حضرتك منطقى بس انا بصراحة (رايى الشخصى) مش بحسبها ببلد المنشأ انا بحسبها بالموديل نفسه يعنى فيه عربيات يابانى ماحققتش نجاح فى مصر (بصرف النظر عن الاسباب) و ده يخلينى ادخل معايا فى معادلة الشراء اهم حاجة الانتشار (عشان سعر اعادة البيع و سعر قطع الغيار و توافرها) و كمان الصيانة بتاعتها لما تكون عربية منتشرة اكتر من مركز صيانة هيشتغل فيها...اخيرا بس كان عندى تعليق صغير ان خامات النترا مش احسن من السيراتو ولا حاجة الاتنين تقريبا نفس المستوى و بتتفوق السيراتو بالكماليات اللى لو حاولت اجيب الالنترا بيها سعرها هيعدى السيراتو ده غير ان شكل السيراتو انا شايف انه تصميم من التصاميم الروعة فى عالم السيارات زيه زيى تصميم الكريستالة (اللى انا بصراحة شايفه احلى من التصميم الحالى بردو) و دى نقطة تحسب للسيراتو لانى على المستوى الشخصى ماحبش اكون راكب عربية و الاقى عربية نفس الفئة و نفس السعر معدية قدامى و رقبتى تتلوح عليها ....بس ده راييى بصراحة