مية سبعة و عشريناية على أدي

**دموع الثلج** · 19-03-2008 10:41 PM

الف مبروووووووووووووك يا علالالالالالا فرحت لك والله عقبال العربيه اللى نفسك فيها يارب

وخلى بالك من نفسك ومن الطريق ومن سواقين المكروباص وكمان من سواقه الرجاله

لاحسن سوواقتهم بعيد عنك نووص كووووم اليومين دوووول
وعاملين لنا زحمه على الفاضى بالشارع

الف مبروك يا قمر

**SEATLOVER** · 20-03-2008 12:12 AM

الف مبروك يا عُلا و عقبال السيريون إن شاء الله

**hazem_khidr** · 20-03-2008 04:40 PM

الف الف مبروك يا علا
ربنا يديكي خيرها و يحميكي من شرها
127 عربيه جميله جدا و ظريفه
خدي بالك من مراياتك و ما تستعجليش علي الجري
بس اهم حاجه اعرفي عجل عربيتك رايح فين
لو فهمتي الجمله دي كويس ربنا حيسترها معاك و مش حتبقي السبب في اي خبطه لا قدر الله.
اتعلمي ازاي تعدي اي طوبه او بلاعه مجاري في نص العربيه و لو عاليه تعرفي ازاي تفاديها

**theking2690** · 20-03-2008 04:48 PM

الف الف مبروك على العربيه يا علا و على فكره ال127 من اسهل العربيات فى السواقه و اى حاجه فى ال127 انا تحت امرك ديه شافت معايا ايام و لكى ان تتخيلى انى مره كنا راكبين فيه 8 متسألينيش ازاى بس ده اللى كان حاصل وهى عربيه اصيله و هتخليكى تحبى السواقه جدا جدا بس اهم حاجه فى ال127 تاخدى بالك منها انها بتسخن بسرعه يعنى لازم كل يوم قبل ما تمشى تبصى على الميه بتاعت الريداتير

**حماده عزو** · 20-03-2008 05:11 PM

ألف مبروك عليكى
وربنا يديكى خيرها وبعافيكى من شرها

**aliabutaleb** · 20-03-2008 05:19 PM

ألف ألف مبروك يا علا
مش هاقدر أزود على نصايح أساتذتنا هنا طبعاً
هازود بس على نصيحة أخونا ذا كينج بخصوص سخونة العربية
إنك مش كفاية تبصي على الرادياتير في أول كل يوم
خللي عينك كمان على مؤشر الحرارة بحيث إنها متزيدش عن الحد الطبيعي اللي هو حسب ما قيل لي نص المؤشر

**sab3aawy** · 20-03-2008 05:42 PM

المشاركة الأصلية كتبت بواسطة OlaOsman

طبعا بعد ما دوشتكوا كتير بالسيريون و وهمتكوا بيها.. أحب أقول لكوا على مفاجأة ;)

و هي اني جبت 127

مبروك يا ست الكل وعندى ليكى هدية صغيرة

هتلاقيها فى الرابط ده :)

http://nilemotors.net/Nile/showthread.php?t=3576

بالنسبة لمسالة الصدقة فهى حاجة بينك وبين ربنا لأنها ليست فرض ولكن نوع من انواع الشكر لله على نعمته، وبالتالى انتى ومقدرتك تطلعى جنيه تطلعى 1000 زى ربنا ما يقدرك

وربنا يباركلك فيها وارجو ان هديتى الفكاهية-واكرر انها فكاهية ولا شئ غير ذلك-تكون عجبتك

**OlaOsman** · 20-03-2008 10:05 PM

ياجماعة و الله انتوا أسعدتوني جدا بتهنئتكم و شدكم من أزري.. ادعوااااااااااااااااا لي :o

كان نفسي أرد عليكوا نافااااااار نافااااااااااااااااار.. انما الوقت مش هيساعدني.. بس احب اشكركم جميعا و يا رب يكرمكوا و يدخل على قلبكم السرور كما أدخلتموه على قلبي :)

**OlaOsman** · 20-03-2008 10:19 PM

اما موضوع سبعاوي اللي لينكه في مشاركته فباقول له اني قريته.. قريته يا أستاذ سبعاوي قبل ما أقرر اشتري ال 127 و برضه اشتريتها :p

بس موضوع توووووووووووحفة و يعقد من 127.. بس هو مين :D