سبعة اشياء تقتل الحب للمتزوجين فقط

**compuland** · 09-05-2009 12:07 PM

سبعة اشياء تقتل الحب ، من الافضل ان تبتعدوا عنها :

الاستهزاء وجرح المشاعر
السخرية من المظاهر الجسمية او الاجتماعية تولد الكراهية في النفس لانها تقلل من شأن الطرف الاخر , وبالتالي ينعدم الاحترام ويحل محله النزاعات والمشادات , فمن اهم ادوار الزوجه في حياة زوجها حفظ كرامته في حضورة وغيابه واشعاره الدائم بالثقة بالنفس ودفعه الى النجاح , وذلك لا يتأتي يالمواخذة الدائمه والتعليق السلبي على سلوكه ومظهره بطريقه مؤذية ...

الانشغال الدائم عنه
اهمال الزوجه لزوجها سواء داخل المنزل او خارجه (بالعمل والصديقات وممارسة الهوايات ) تشعرة بالنبذ والفراغ لا سيما ان كان ليس لدية ما يشغله , لذلك يجب الانتباه ,ولوكان ذلك على حساب بعض الاهتمامات الاخرى , حتى لايشعر زوجك بالاهمال وبالتالي الفتور العاطفي ...

الغيرة الشـديدة
الغيرة اذا تجاوزة الحدود تهدد العلاقه الزوجية بشده وقد تصل بشريكي الحياة الى منحدرات سيئة العواقب كالعنف وتكذيب احدهما للاخر باستمرار والشك وذلك يعتبر اقوى مطب مهلك للعلاقه بينهما ...

نصائح الاخريات
استماع الزوجه الى جميع النصائح التى وجهها لها الصديقات والزميلات على اختلاف وتفاوت ثقاتهن وصدقهن في النصيحه يؤدى بها الى التشوش والتخبط في الافكار فكل زوج له طباع وافكار تختلف عن زوج الصديقه او الزميلة لذلك حاولي ان تتفهمى زوجك بنفسك فالعلاقه بينكما خاصه ولا تشبهها اي علاقة بين اثنين اخرين فاهتمي بحفظ اسرارك وخصوصياتك ولا تطلبي المشورة الا من اهل التخصص والثقة ...

عدم التقدير
قد يكون لزوجك طموحات واحلام تحتاج الى مسانده ومساعده ولكن عدم تفهمك لهذه الطموحات قد يترجمها الزوج انك لا تقدرينه كما يجب ويعتبر عدم مشاركتك له ولو بعبارات التشجيع نوعا من الاحباط ويعد ذلك من اكبر الاخطاء التى تقع فيها الزوجات وقد تدمر حياتهن الزوجية ثم يتساءلن بعد ذلك عن السبب !!

التسلط والديكتاتورية
تعتقد بعض الفتيات ان امتلاكها للقرارت في الحياه الزوجية سيحقق لها الامان وراحه البال ولكنها اذا تفهمت رأي زوجها واحترمته فان ذلك سيعود عليها بالنجاح الاكبر كزوجه وربة منزل فالحياة الزوجية مشاركة بين طرفين متساويين في الواجبات والحقوق وليست الديكتاتورية تحكمها الزوجه وينفذ احكامها الزوج ..

الشكوى المستمرة
اذا استشعر الزوج ان زوجته دائمة الشكوى و تكثر الحديث عن المشكلات التى تجد لها حلاً فقد يمل من التحدث معها وربما يلجأ الى ((الصمت الزوجي)) طلباً للسلامة وراحة البال فالزوج يشعر بالرضا عن اختياره لزوجته حينما يلمس فيها التعقل والذكاء والقدرة على اتخاذ قرارات حكيمة في مواجهة المشاكل المنزلية البسيطة ويثق في ان لدية من يعاونه ويؤازره في الحياة لا من يضيف الى اعبائه حملا جديدا بالزواج

**نور العمر** · 09-05-2009 01:28 PM

الاستهزاء وجرح المشاعر .. لو الست بتعمل كدة تبقا متستاهلش تستمر على ذمة زوجها .. ولو هو بيعمل كدة يبقا ما يعرفش قواعد الاحترام ... قلتها احسن بقا .. وساعات بيكون لكل فعل رد فعل .. ونصيحتي للست إللي تتعرض لده .. متخوضيش في الردود وسيبي الأمور لله ... حيجيبلك حقك ... تأكدي

الانشغال الدائم عنه دي موجودة عند الطرفين

الغيرة الشديدة دي موجودة عند الطرفين

نصائح الاخريات ( طبعاً دي لازم تبعد عنها أي ست ) بس بقت موضة بين الرجال وبعضهم .. ونصائح الراجل للراجل بتيقا أنيل وأدل (sorry)

عدم التقدير موجودة عند الطرفين .. وكتيير من الرجالة المصريين ما يحسوش بعظمتهم إلا بتهميش دور زوجاتهم رغم إن الرسول صلى الله عليه وسلم قال ( وأمركم شورى بينكم )

التسلط والديكتاتورية معلش دي عند الراجل أكتر .. دي عشقه الاول بداية على أخواته البنات ... حتى زوجته وابناؤه

الشكوة المستمرة دي عند الطرفين .. هو بيشتكي من كل حاجة بتعملها .. وهي بتشتكي إنه ما بيعجبهوش العجب وما بيحسش بيها ولا بيقدرها

في النهاية .... يا ريت .. يا ريت .. كل واحد بما يرضي الله ... يشوف إللي ليه وإللي عليه ... والباقي على ربنا

**compuland** · 13-05-2009 11:02 AM

بصى يانور
ربنا قال
بسم الله الرحمن الرحيم
"وخلقنا لكم من انفسكم ازواجا لتسكنوا اليها"
صدق الله العظيم
حق الزوجة فى كلمه من انفسكم
يعنى الزوج المفروض يعامل زوجته وكانها حته منه لانها من نفسه
وحق الزوج فى كلمه لتسكنوا اليها
يعنى الزوج لازم يحس انه فى بيته اللى مش بيرتاح غير فيه

قوليلىبقى مين بيعمل كده النهارده

معظم الستات اول لما جوزها يرجع
اتأخرت ليه
وبعده حدوته طويله
عايزين بقى حاجات من تحت
ولما يرجع خد بقى شيل الواد
انا تعبانه طول النهار معاه
وبعدين الوليه امك اتصلت وبتقول ......

الراجل بقى عايز ينام ويستريح بعد عناء يوم طويل سواء فى الشغل او المواصلات
وحتى لو معاه عربيه هيطلع عينه فى الزحمه و يتخنق على مايلاقى مكان يركن فيه

فيروح عشان يستريح
تلاقى مراته بتقوله
اه مهو البيت اصلوا لوكانده تأكل وتنام
ولو حد من اصحابك جالك هتقوم تجرى

ده حال معظم البيوت المصريه
مين بقى المظلوم

**نور القمر** · 13-05-2009 11:45 AM

المشاركة الأصلية كتبت بواسطة compuland

ده حال معظم البيوت المصريه
مين بقى المظلوم

الست طبعا

بس مش الرجل اللي ظلمها
ظروف الحياة الصعبة ظلمت الاتنين
ظلمت المجتمع كله

**SeiffoZ** · 13-05-2009 01:13 PM

المشاركة الأصلية كتبت بواسطة نور العمر

التسلط والديكتاتورية معلش دي عند الراجل أكتر .. دي عشقه الاول بداية على أخواته البنات

حرام عليكى!! إنتى لو تعرفى بعانى أد إيه مع إخواتى رغم إن انا الولد الوحيد ...
كنتى غيرتى رأيك علطول

**compuland** · 15-05-2009 04:08 PM

ظروف الحياة الصعبة ??
الشماعه اللى بقت ماليه دنيا

حتى وان كانت ظروف الحياة الصعبة
اعتقد انها بتبقى أصعب على الرجل لان هو المسئول الاول عن البيت والكيان الزوجى كله
فبيقى فى دماغه 7650 حاجة
البيت
مراته
العيال
المصاريف
الشغل
احلامه الشخصيه
والى أخره

الست الشاطرة بقى هى اللى تنسى جوزه كل ده من اول لما يدخل من الباب
مش تقوم مزوده الطين بله

الست الشاطرة هى اللى تخلى جوزها يبقى عايز يروح البيت عشان يشوفها وتشيل همومه مش تقوم تزود همومه هم جديد

**نور العمر** · 15-05-2009 04:18 PM

سبحان الله
ده انا بقا نسمة ومن كوكب تاني
ولا تنتوفة موقف من إللي بتقول عليه
بعمله مع زوجي ...
اتأخرت ليه دي في التأخيرات الشديدة إللي تخوف وعلى الموبايل وخلصت .. ولو في حاجة .. بطلبها منه على الموبايل يجيبها معاه
أو السوبر ماركت دليفري على طول
معنديش الولية أمك ( عيب ) ولا مامتك قالت ولا عادت .. ببلع الظلط
وبعمل ودن ( من طين وتانية من عجين ) واطنش ... عشان مبحبش هيافة الحماوات من الآخر ولا احب يكونو مادة حوار أو خناق ... ممكن نتكلم عن مناسبة تخصها ( نجيبلها إيه ) فقط لا غير
الولاد هما إللي بيحبوا باباهم وبيلعبوا معاه ... ولو مسك حد بيبقا بيبي على حجره لحد ما اجيب طلباته .. وبتبقا للحظات
احب جدا حاجتين ( إنه ينام الظهر ) ) عشان نوم المظلوم عبادة طبعا ) هههههههههههههههههههههه
وإنه يخرج بعد الظهر ... عشان لو في حاجة أعملها قبل ماييجي لإني بشتغل ....
إيه رأيك ..... نموذج مختلف .... وبردوا مفيش فايدة
هي تركيبة الدم المصري
ملهاش حل :k17:
ههههههههههههههههههههههههه ه

**نور العمر** · 15-05-2009 04:26 PM

المشاركة الأصلية كتبت بواسطة compuland

ظروف الحياة الصعبة ??
الشماعه اللى بقت ماليه دنيا

حتى وان كانت ظروف الحياة الصعبة
اعتقد انها بتبقى أصعب على الرجل لان هو المسئول الاول عن البيت والكيان الزوجى كله
فبيقى فى دماغه 7650 حاجة
البيت
مراته
العيال
المصاريف
الشغل
احلامه الشخصيه
والى أخره

الست الشاطرة بقى هى اللى تنسى جوزه كل ده من اول لما يدخل من الباب
مش تقوم مزوده الطين بله

الست الشاطرة هى اللى تخلى جوزها يبقى عايز يروح البيت عشان يشوفها وتشيل همومه مش تقوم تزود همومه هم جديد

طول ما انت بتعتبر زوجتك هم من هموم الحياة
عمرها ما حتبقا شاطرة في نظرك ولا حتريحك

لازم تبقا صديقة وام واخت وحبيبة
ولازم تشيل عنها همومها متكونش سبب لهموم جديدة عليها
لازم تحسسها إنها انسانة قبل اي شيء

**compuland** · 15-06-2009 06:16 PM

يعنى على الرجل أن يكون
1. صديق
2. رفيق
3. حبيب
4. أخ
5. أب
6. سيد
7. رئيس
8. كهربائي
9. نجار
10. سباك
11. ميكانيكي
12. مصمم ديكور
13. صاحب أسلوب
14. طبيب نفسي
15. مبيد حشرات
16. طبيب معالج
17. مستمع
18. ; مرتب
19. يعشق النظافة
20. عاطفي
21. رياضي
22. دافئ
23. يقظ ومتنبه
24. أنيق
25. ذكي
26. مرح
27. مبدع
28. حساس
29. قوي
30. يتفهم
31. يتحمل
32. متعقل
33. طموح
34. ذو مقدرة ومؤهل
35. شجاع
36.. مصمـِّم
37. صادق
38. يـُعتمد عليه
39. يمدحها بانتظام
40. يحب التسوق معها
41. محترم
42. غني جدا
43. لا يتسبب برفع ضغطها
44.. لا ينظر لغيرها من النساء

لأ حاجه بسيطه قوى ياسلام