اعضاء المنتدي المحترمين ، حبيت اتكلم علي مواضيع كتير اوي مضايقاني جدا فعلا بس قلت ابتدي بالموضوع دة الاول يمكن بمساعدة بعض نوصل لحل
الموضوع زي ما العنوان بيقول هو الزبالة و دة ينقسم لكذا قسم :

1-الناس اللي بترمي زبالة من العربيات في وسط الشوارع
2-الزبالة المتلتله في صناديق الزبالة في الشوارع
3-الزبالين اللي هما في الاصل شحاتين متنكرين في صورة زبالين و ما بيعملوش اي حاجة اصلا

رأيي اننا نقدر نتحكم في الاولي بس لغاية ما نشوف حل في الاثنين التانيين

انا اللي خلاني اكتب اني خلاص فاض بيه و حاسس ان بلدنا كلها بقت حته بيئه من كتر الشوارع ما هي مش نظيفه و دي الحقيقه مش مشكله الحكومه بس , احنا لينا دور كبير نتحكم في مدي نظافه الشوارع علي الاقل اننا ما نرميش حاجه الا في اماكن الصناديق حتي لو مليانه المهم نحصر الزبالة في مكان واحد و تتشال مره واحدة

يا ريت تساعدوني بارائكم اللي نوافق عليها كلنا و نبتدي ننفذها علشان ترجع بلدنا نظيفه