الموضوع: الزبالة في شوارعنا

المشاركة الأصلية كتبت بواسطة lamboz

حضرتك ليه مجبتش سيرة الشعب؟! أنا كنت عايش في الكويت ومفيش قانون زي ده .والشوارع نضيفة الحمد لله.الفكرة في الناس...يعني مثلا هو هلاقي كام ظابط في الشارع عشان يديني مخالفة؟!ماأنا ممكن ارمي زبالة من البلكونة أو من العربية أو وأنا ماشي ومحدش يشوفني .هيحصل إيه ساعتها ؟ هي هي ...أنا مع حضرتك إن ده حل جميل بس قبل الحل ده لازم نبدأ بنفسنا...مافي قانون ضد السرقة والنصب والقتل والمرور والركن والسرعة وكل حاجة ..هل كل الحاجات دي مش بتحصل؟وجود قانون مش الحل الوحيد

عشان إذا كان هو الحل كان زمانك شفت شوارع القاهرة حاجة تانية بعد قانون المرور الجديد مثلا.بس اللي حصل انهم مقدروش يسيطروا على الناس برده ولسة تقريبا 90% من الشعب بيمشي على مزاجه ومش في باله أي قانون ولا أي حاجة ...وده عشان مش في كل شارع ولا كل وقت ولا كل مكان في ظابط..وده طبيعي في كل حتة.

الحاجة اللي هتحل المشكلة دي إننا نغير نفسنا وبعد كده نقول بقى عايزين قانون عشان في قلة من الشعب ماشية غلط مش كلنا ماشيين غلط.

المشاركة الأصلية كتبت بواسطة lamboz

يعني مثلا أنا هسأل حضرتكم كام سؤال.

كام واحد بيشيل جزمته معاه ويحطها في مكانها المخصص جوه الجامع؟
كلنا بنشوف منظر الجوامع عامل إزاي من برة ...

كام واحد لما بيخلص أكل مثلا من أي مطعم وجبة سريعة بيشيل الكل بتاعه يرميه وميسيبوش على الطرابيزة ويقوم ويبقى منظرها يقرف ويكره الواحد في الكل اللي هو شايله ورايح يقعد مكانه؟؟

كام واحد بيتكلم بحترما؟؟ده احنا حتى لما بنطب مساعدة من حد بنطلبها بطريقة زبالة ...مثلا : إذا عايز تعرف طريق بتاع مكان ...بنقول " بقولك إيه يا كابتن. بقولك إيه يا باشا ...اسمع عايز أروح كذا ...إلا هو كذا منين..

مش مثلا نقول " إذا سمحت. ..من فضلك ....معلش حضرتك بس أروح كذا منين ..."

دي شوية سلوكيات جت على بالي دلوقتي ....واحنا بنعملها بطريقة غريبة ...بالإضافة للسواقة والزبالة وكده ...

لاااازم نغير نفسنا يا جماعة واللهِ ده هو الحل.

+111111111111111 حضرتك كلامك مظبوط 100 % وانا بؤيدك لكن الناس هنا لازم يتفرض ويتحطلها قوانين وقواعد تمشي عليها علشان احنا هنا مش في الكويت ولا في الخليج الي الناس هناك ابسط مثل بيلتزموا بقواعد المرور وبيحترموا بعض اثناء القياده في الشوارع,, واي نعم هنلاقي برضه تجاوزات من معظم الناس لكن ده لا يمنع من ان الزباله هتقبل بنسبة كبيرة وللاسف والله كل حاجة او عاده او تصرف سئ تقوم بيه الناس ده ناتج عن غياب التوعيه ونسبة الامية والجهل العاليه بجانب السلبية واكرر السلبيه الشديدة والي اصبحت ترعببببببببببب ومش عارف هتوصلنا لفين , يعني على سبيل المثال اوقات كتير بتحصل حاجات في الشارع الي انا ساكن فيه كمشكلة الزبالة الي احنا بنتكلم عليها او الانتشار الغير طبيعي للكلاب فبقف في البلكونه واقول يعني مفش واحد عنده دم وبيفهم عاوز يتصرف فبقوم متصل بالجهات المختصه من اجل حل المشكله وايضا الحكومة مشتركه معانا في الجرائم دي لانهم ساعات بيبقوا متواجدين والله وولا حياة لمن تنادي ,,, ربنا يرحمنا من الي احنا فيه ويهدينا

المشاركة الأصلية كتبت بواسطة salmabash

مش ممكن كمية الزبالة في الفيلم دة ، حاجة تحزن و الله ،

انا فعلا حاسس من اسلوب كتابتك انك خلاص مش طايق البلد لاني للاسف من كتر السلبيات نفسي اعيش في بلد تانيه اهلها بيتعاملوا احسن مننا بس دة مش حل
الحل اننانغير البلد دي و بعد كدة حيبقوا هما اللي عايزين ييجوا عندنا

بس انا الحقيقة مش معاكوا في نقطة واحدة بس مع اني نفسي اعملهل ، الا و هي الصعايدة اللي بيضربوا الناس لاننا كدة مابنحلش المشكلة و لكن بننقلها للشارع اللي جنبنا و دة متهيألي مش حل كويس بل علي العكس بنأذي الجيران اللي جنبنا

فعلا حضرتك أنا مش طايق أعيش هنا ابدا,,عارف حضرتك...أنا من 3 سنين بظبط كنت بتخانق عشان أنزل مصر وكنت عملت مشاكل كبيرة جدا مع أهلي وتقريبا يعني محصلش قبل كده واتخنقت معاهم في حاجة اد الموضوع ده اد ماأنا كنت واخد فكرة خيالية عن مصر وإني هعيش مرتاح وسط أهلي وولاد بلدي وهاخد حقي مش زي ماكنت عايش برة وأكيد زي ماحضرتك عارف كل بلد أهلها مش بيحبو أي حد دخيل عليهم وخصوصا إذا كان زي المصريين اللي عيشين برة ...بجد حاجة تحزن وتكسف لحد ما بقى لما حد يحب يدياك ويشتمك يقولك "يا المصري " حاجة بجد تحزن..المهم.. بعد ماجيت اتصدمت صدمة رهيبة وواللهِ حولت اغير اللي اعرفهم كلهم بس فشلت..مفيش أي فيده..ربنا يسترها علينا يارب ويرحمنا من نفسنا قبل أي حاجة تانية.

ياريت كل الناس تتفرج على الفيديو يا جماعة وبالذات اللي بيقولوا معظمنا نضاف واكتريتنا بيرموا الزبالة في مكانها.

المشاركة الأصلية كتبت بواسطة kemoelord

+111111111111111 حضرتك كلامك مظبوط 100 % وانا بؤيدك لكن الناس هنا لازم يتفرض ويتحطلها قوانين وقواعد تمشي عليها علشان احنا هنا مش في الكويت ولا في الخليج الي الناس هناك ابسط مثل بيلتزموا بقواعد المرور وبيحترموا بعض اثناء القياده في الشوارع,, واي نعم هنلاقي برضه تجاوزات من معظم الناس لكن ده لا يمنع من ان الزباله هتقبل بنسبة كبيرة وللاسف والله كل حاجة او عاده او تصرف سئ تقوم بيه الناس ده ناتج عن غياب التوعيه ونسبة الامية والجهل العاليه بجانب السلبية واكرر السلبيه الشديدة والي اصبحت ترعببببببببببب ومش عارف هتوصلنا لفين , يعني على سبيل المثال اوقات كتير بتحصل حاجات في الشارع الي انا ساكن فيه كمشكلة الزبالة الي احنا بنتكلم عليها او الانتشار الغير طبيعي للكلاب فبقف في البلكونه واقول يعني مفش واحد عنده دم وبيفهم عاوز يتصرف فبقوم متصل بالجهات المختصه من اجل حل المشكله وايضا الحكومة مشتركه معانا في الجرائم دي لانهم ساعات بيبقوا متواجدين والله وولا حياة لمن تنادي ,,, ربنا يرحمنا من الي احنا فيه ويهدينا

كلام جميل جدا طب إيه رأي حضرتك وحضرتكم طبعا كل واحد مشارك معانا في الموضوع....

كل واحد فينا يوعد إنه مش هيرمي أي زبالة في الأرض مهما كانت صغيرة وإنه يحاول يفهم ويقنع الناس الاقرباء منه زي أهله ومراته وصحابه ويكون الوعد ده قدام ربنا أول حاجة وقدام نفسه.إذا كل واحد فينا عمل كده ..سواء مقتنع إن السبب هو الشعب أو الحكومة أو أي حد ..بس المهم يعمل هو كده اين كان السبسب بس هو يعمل كده وخلاص على الأقل لما ربنا يسألنا بعدين مش هنقول أصل الحكومة مجتش شالت الزبالة فـأنا عندت معاها ورمتها في الأرض...وياريت محدش ينسى إنه لما بيرمي الزبالة في الأرض بيتعدى على بلده وعلى كل واحد ساكن في البلد دي كلها وبيبوظ سمعتها وشكلها قدام كل الناس وأكيد دي حاجة ربنا هيحاسبنا عليها وساعتها مش هنالاي عذر نقله نهائي...تخيل إذا مكنش في جوامع في مصر مثلا يعني ..هل مكنش هنصلي عشان الحكومة مش عملة جوامع ؟! ...اعمل إنت اللي عليك على اكمل وجه وربنا يحاسب أي حد مقصر...المهم اعمل اللي عليك وبس.

وصدقووني واللهِ حنشوف مصر دي بلد تانية خالص خالص.

ياريت كلنا نشوف الفيديو اللي أنا حطيته.

معلش عشان الكتابة بس أنا معنديش عربي وباكتب ببرنامج مرن.

طيب يا جماعه لو فيه حد هنا من الاخوه يقدر يعمل جروب على الفيس بوك حملة توعيه وادراك بمدى خطورة الزبالة على صحتنا اولا وعلى مظهر بلدنا وعلى مدى سوء اخلاقيتنا وجهلنا على اعتبار ان الفيس بوك من اشهر مواقع ال sharing واكثره انتشارا بين الناس كلها سواء كانت شباب او كبار ولو بالفعل توجد حملة لذلك ارجو نشر اللينك من اجل مزيد من الانتساب والمشاركه في الجروب وشكرا