موتور الانوس

**Xpert** · 21-03-2008 10:20 AM

القاعده العامه : اشتري موتور استيراد من حد مضمون احسن ..
بيتعمر و مش بيعيش علشان قطع الغيار مش تمام .. مش بيعيش علشان الخلوص مابيتظبطش تمام .. بيتعمر و مش بيعيش علشان انت في بلد حراميه ..
هاتلك موتور استيراد .. و خلي الموتور القديم عندك .. و لما يبوظ الاستيراد يبقي عندك 2 تصلح منهم واحد .. و ماشي بالنظام ده ...
البساتم اللي موجوده مش اصلي و دي مابتعشش ..
المواتير عامه بتتعمر .. الا لو لقيت عيب في البلوك نفسه ... انما المشكله مش في المواتير .. المشكله في قطع الغيار و الصنايعيه ..
و عموماُ استني لحد ما العضو محمد ممدوح يدخل يشوف الموضوع علشان هوه ادري مننا
و اكرر النصيحه بتاعه الراجل الطيب : طالما لسه هاتشتري ابعد عن العربيه و ان شاء الله ربنا يكرمك بعربيه احسن ..

**Ahmed Hassan** · 21-03-2008 11:05 AM

بدل هتشتري زيرو توكل على الله. و بعدين يا سيدي متقلقش من موضوع العمره ده.. دي حاجه لسه بدري عليها جدا يا راجل... دي عربيه زيرو.

**ahmedsrs** · 21-03-2008 11:31 AM

لا العفو موجعتش دماغى ولا حاجة انا تحت امرك هو بس الفكرة انه عاوزين الكل يستفاد من الموضوع

**Nader** · 21-03-2008 11:33 AM

انت بتتكلم على عربية زيرو؟؟!

انسى حكاية العمرة دي دلوقتي واستمتع بالعربية

اي موتور لة عمر افتراضي وبعد كدة يا يتعمر

يا يتغير حسب رغبتك او حسب لو كان اتعمل لة عمرة

واحدة او اكثر قبل كدة او لأ.

**Xpert** · 21-03-2008 11:57 AM

بص يا سيدي ... اي اله شغاله بتنزل اجزائها محكمه مع بعض بس برضه بيبقي فيه فرق بسيط قوي و هوه ده الخلوص ..
بمعني .. البستم ده عباره عن راس الومونيوم مدوره الشكل .. بتتحرك فوق و تحت في اسطوانه مجوفه .. طبعاُ البستم بيركب في الاسطوانه دي باحكام .. بس بيبقي فيه فرق بينهم .. و هكذا بالنسبه لكل الاجزاء الميكانيكيه

**P407** · 21-03-2008 12:02 PM

كل الناس دى مش عارف أقولكو ايه والله بس لو بقارن بين lanosوvernaكل واحدة فيهم بتتميز عن التا نيه بأيه

**ahmedsrs** · 21-03-2008 06:34 PM

شوف الرابط ده http://www.nilemotors.net/Nile/showthread.php?t=670

**MMamdouh** · 23-03-2008 01:03 PM

لو حتجيب زيرو انسى العمرة... الدايو مواتيرها معمرة لو بصينها فى مواعيدها

اى موتور بيتعملة عمرة بس الفكرة انت عملت ايه فى العمرة؟؟

يعنى ممكن مرة تغير طقم بساتم و شنابر و مرة تانية طقم سبيكة... يبقى عملت عمرتين لكن كل واحدة غير التانية... فى غيرك ممكن يخرط البلوك مرة و اتنين و تلاتة و دة غلط

كل دة مش مشكلة... المشكلة فى اللى حيخرط و يفك و يركب؟؟ لان فى الغالب مش حيتعمل شغل صح و حترمى فلوسك فى الارض

السؤال الاهم بكام؟؟؟ العمرة حتكلف بتاع 2000 جنية مثلا؟؟؟ ب 3500 ممكن تجيب مكنة 1600 سى سى بفتيسها و كونترولها و ضفيرتها

MMamdouh

**noni67** · 24-03-2008 11:45 AM

ما دمت هتشترى زيرو وهتعمل الصيانه فى مواعيدها والزيوت المقررة فى كتالوج السيارة أبشر
أنا بعت اللانوس موديل 2000 بعد ما عملت بيها 985000 كيلو متر يعنى قرابة المليون كيلوا من غير ما امد ايدى داخل المحرك بتاتا وكانت سوداء ولا رشتها لا برة ولا جوه
اقصى حاجه عملتها فيها انى زودت شحنى الفريون 100 جرام وغيرت كاوتش مرة طبعا وغيرت 2 مساعد خلفى ولسة بايعها من سنة تقريبا لواحد صديقى ولسة بيستعملها لحد الان وكمل بيها المليون وشوية فكة يعنى العداد صفر معاه تانى وكانت لانوس S بس كنت كل 5 الاف اروح التوكيل اعمل الصيانة المقررة بالكتالوج حتى السيور كانوا يقولوا لى دى لسه حلوه اقول غيروها ما دامت جه وقتها

مشاهدة نتائج الإستطلاع: ايه رأيك مع التوضيح والمفروض العمره بتتعمل كل قد ايه

الموضوع: موتور الانوس

LinkBack

أدوات الموضوع

عرض

-

-

-

-

-

المواضيع المتشابهه

اغسل موتور الانوس ازاي

صوت موتور الانوس و شوية إستفسارات

كيفية تعديل موتور الانوس ليصبح بكامتين

عمر موتور الانوس ا ...حقيقة ولا اشتغالة

صوت موتور الانوس كده طبيعي ولا ايه؟

الكلمات الدلالية لهذا الموضوع

المفضلات

المفضلات

ضوابط المشاركة