ملحوظة:
الفيورا والسوبر فيورا كلتاهما من
انتاج سيات وليست فيات.
عرض للطباعة
ملحوظة:
الفيورا والسوبر فيورا كلتاهما من
انتاج سيات وليست فيات.
احتمال بس ... لاأظن صحته
هسأل ليكوا عن الموضوع ده
صعب تلاقي حد فاهم النقطة دي الا ناس قليلة خالص
http://www.museoseat.com/modelos/fur...20fura_013.jpg
جرب هذا الموقع، اضغط هنا
انا باقترح ان كل واحد تعرض لمشكلة او عطل مع ال127 يعرضها و يذكر ازاي حل المشكلة دي علشان يكون مرجع لبقية الاعضاء المالكين لل127
لاءا .. انا ارفض التعصب الديني و الفكري و العربياتي كمان.. هوه كل من اشتري عربيه يعمل رابطه و نادي و بتاع نيهعهعهعهع :D :D :D
عاوز اجيب واحده والله .. قدامي 127 بافكر اشتريها بس صاحبها مش عاوز يبيع (بتاعه عمي اصلاً و معاه من الزيرو هههه) و بافكر اركب فيها موتور اونو 1000 سيسي :cool:
مبروك العربيه يا حج احمد و ان شاء الله تبقي وش السعد (ماتسميهاش زوبه .. احنا مسميين بتاعتنا زوبه .. سميها انت ام السعد ) :D
شكلي كده هانضم للنادي النهاردة ان شاء الله :rolleyes:
يا جماعة الموضوع دة لية أسمة (نادي محبي ومالكي 127......... )متكرر مرتين؟الاول مرة مبتدى بمشاركة الآخ نادر والثانى مبتدى بمشاركة الآخ أحمد نوارة
شدي حيييييييييييييييلك يا عولا :)
=بالنسبه لل 127 علشان اللخبطه اللي الناس فيها
اول موديل منها كان سنه 73 و كان فوانيسه الخلفيه رفيعه و باب واحد و الزجاج للباب الخلفي كان شبه زجاج ال 132 ال s .
بعد كده نزل ال 127 توب و هنا في مصر بيتقال عليها الماني بس انا اشك و نزلت بتعديلات طفيفه و تعريض الفوانيس الخلفيه و تغيير الاكصدامات و الكلام دا سنه 76 او 77 و زجاج الباب الخلفي للموديل دا و الفيورا و السوبر فيورا يشبه ال 132 ال 2000 من حيث الرسم فقط و ليس الحجم و نزل منها موديل من تعديا ابارث و كان 70 حصان و نزل بلون اسود و برتقالي فقط و كان موتورها 1300 .
بعد كده نزل من فيات الفيورا و كانت بتتجمع في شركه النصر برضه .
في الفتره دي فيات بدات تلغي التسميه المعتمده علي الارقام (127 و 127 و 131 و 132 )للانتقال الي تسمميه باسماء مختلفه(اونو و ريتمو و ريجاتا و ارجينتا )
ف كان لل 127 نصيب و تم تسميها فيورا.
بعد كده شركه سيات اخدت حق الانتاج في سنه 84 علي ما اعتقد و كانت تسميتها فيورا GL و هنا في مصر بقي اسمها سوبر فيورا و كان الفرق بينها و بين الفيورا في ان الفانوس الامامي اصغير بفارق بسيط و مساحه خلفيه و RBM و عداد ايكونوميتر ديجيتال .
الايكونوميتر دا عداد كان متوافر بشده في عربيات فيات و كانت تقليعه من تقاليعها و نزل في السوبر فيورا و الاريجانتا و الريجاتا السوبر
و في السوبر فيورا عباره عن خط لمبات مائل علي شكل حرف L مقلوب علي شمال السواق
فايدته انه بيقولك لما بتدوس علي البنزين بطريقه جامده ان كده انت بتستهلك كميات وقود كبيره بالمنظر دا
يعني لو قارص علي نقله او ماشي كتير علي سرعه ثابته تلاقيه بدأ يطلع من المنطقه الخضرا
كم هي سعادتي لهذه المناقشات المفيده الرائعه والمعلومات الجديده القيمه من الأحبة الخبراء في المنتدى ..
بالنسبة للون الأحمر الذي استخدمته في الكتابه (بدون قصد) .. فأعتذر للمشرفين الأعزاء عن استخدامه مع اني لم اكن اعلم انه مقصور على المشرفين..
معلش على تأخري في الردود ولكني مشغول جدا عند الميكانيكي والكهربائي والسمكري والعفشجي من امبارح ..
مرحبا بالجميع في النادي وربنا يجمعنا دايما على الخير والفائده
هههههههههههههه .. لا والحمد لله .. بس أنا موسوس شويه .. حبيت اعمل عليها (تشيك) قبل الأستخدام .. يعني طقم شنابر ... بوجيهات .. تظبيط الفرامل .. الفتيس ..شد الفرشه .. غسيل .. تشحيم ... يعني حاجات من دي
اه لاء لو شيك عادي يبقي تمام .. ماتنساش بقي فك الكربراتير و نضفه و اكشف علي البيكات .. طقم ابلاتين و كوندنسر .. و فلتر هواء و بنزين و الكلام ده .. صيانه دوريه للمكنه .. سيبك من الباقي معاها لما تقول بس .. ماتغيرش مساعدين الا لو بايظه .. ماتسمكرش الا لو الخبطات كترت شويه .. و كدا يعني ...
يعني مش كل ما يظهر خدش تعالجه .. غلط علي الجيب يا معلم :d
كلامك أوامر يا إكسبرت باشا ...
بالنسبة للأسعار :
طقم بستم 180 جنيه
طقم شنابر 90 جنيه
جوان وش السلندر 8 جنيه
قاعدة مكنه 25 جنيه
كوع مياه 25 جنيه
كاتينه بالتروس 65 جنيه
جوان كارتير 10 جنيه
فلتر زيت 10 جنيه
بلية دبرياج 40 جنيه
بالمناسبة ياخبراء التعامل مع الميكانيكيه .. أعطي للميكانيكي كام على الفك وتركيب الحاجات المذكوره والتنظيف والتظبيط ؟؟؟
تمام .. أنا قلت علشان نمشي على نظافه ومنحملش هم وقرف كل شويه .. مش كده أحسن ؟؟؟
المكنه كانت حالتها 60% .. يبقى بعد كده حالتها كام في الميه ؟
اه يعني انت واخد العربيه موتورها تعبان .. لاء يبقي ماشي كده .. بس تسري عليك احكام عمره المواتير و التليين و الكلام ده خد بالك منه ;)
ايوة يعني تخلي بالك متخليش العربية تسخن
وتسوق على مهلك ومتقرصش على الموتور
والتسارع يبقى واحدة واحدة وكدة يعني.
بالمناسبة اعمل موضوع جديد وسمية
اسعار قطع غيار الـ127 وحط فية اسعار
الحاجات اللي انت اشتريتها وغيرك هيحط
اسعار قطع الغيار والاكسسوار اللي يعرفها
وبكدة هيكون عندكم مرجع لقطع الغيار واسعارها
وهرتب مع الادارة تثبيت الموضوع باذن الله.
انا من ممتلكي ١٢٧
واحب انضم للنادي الجميل ده
فكره ممتازه بجد
انا معايا 127 فيورا موديل 86 خمسة غيار العربية لذيذة بجد بس عاوز اصرف عليها شوية
عشان بتعملي صداع لان صوتها عالي الموتور و العفشة
بس عاوز اعرف لو عاوز اجيب موتور جديد وجير بوكس واحطلها تكييف تكلفني كام العملية؟
انا كان معايا 127 نصر 2 باب مو82 والدى كان جايبها زيرو وبعتها فى سنه 2005
اجب اضيف حاجه سمعتها قبل كده من والدى
شركه النصر بالتعاون مع شركه سيات انتجت ال127 سنه 1982 اول انتجها لل127 2باب بعد ايقاف انتاج السيات 133
وكان سعر ال127 2 باب فى هذا الوقت 3,500 وبعد اسبوعين بالضبط من انتاج ال2 باب نزلت 4 باب وظل الاثنين يباعوا جنبا الى جنب حتى نهايه سنه 82 ومن هذا التاريج تم ايقاف 127 2 باب -على فكره الفرق بين ال4 وال2 باب فى هذا الوقت 500 فقط فكان كل الى بيشترى بياخذ ال 4 باب
ظلت ال127 تنتج حتى العقد التانى من سنه 84 وانتجت بعدها الفيورا ..............
الأستاذ علي 333 ... مش هتلاقي موتور جديد .. فيه استيراد ( يعني مستعمل نضيف) بس اسمه برضه مستعمل .. احسن حاجه تعمل عمره عند ميكانيكي محترف (أمين) يخاف الله وهتبقى قريبه جدا من الماكينه الجديده ان شاء الله .. هتكلفك حوالي 1200 جنيه مع المصنعيه... والتكييف للأسف مليش فيه لأني مش ناوي عليه ومش بافكر فيه .. واظن ان احنا في مصر مش محتاجينه قوي كده زي دول الخليج .. غير ان السيارات دي الـ 900 او 1000 سي سي مش هتتحمل التكييف على ماأظن
انا شخصيا معايا سوبر فيورا موديل 1986وبقالها معايا سنة ونصف وعلى فكرة علشان فى ناس كتيراتكلمت فى موضوع السى سى فى الفيورا يا جماعة فى منها 903 و 995 1050 سى سى مفيش حاجة اسمها 950 خالص
اما عن العربية فانا هحكيلكو انا بعمل فيها اية وانتوا تحكموا
1-انا بسافر بيها 3 مرات فى الاسبوع من العاشر من رمضان الى الاسماعيلية ( 150 كم رايح جاى بخلاف الكيومترات الزيادة للمشاوير الشخصية فى العاشر.وعلى فكرة احيانا بعد رجوعى من الاسماعيلية قد اسافر للقاهرة
2- بسافر بيها مرتين او مرة فى الاسبوع من العاشر الى بور سعيد (300 كم رايح جاى)
3- اما عن يوم الجمعة فلازم طبعا افسح مراتى وابنى وبسافر من العاشر للقاهرة او الجيزة عند نسايبى
4- يوم السبت طبعا لازم حد يخترعلى اى مشوار :)
على فكرة انا مشوار اسماعيلية بياخد 10 لتر 90 ب 13 جنية وبور سعيد 20 لتر ب 26 جنية يعنى كمان لو حطيت 80 هيبقى اقل بكتير يعنى 9 جنية و 18 جنية بس انا عامل عمرة من 6 شهور وبحط 90 علشان احافظ على العربية وكمان علشان بسافر كتير وعايزها تنجز معايا ومتعطلش منى على طريق بسبب انسداد كاربرتير ولا حاجة. وبحط زيت نضيف علشان يحافظ على الموتور وعمرة يطول . غير كدة بعمل الصيانة العادية جدا اللى ممكن تحصل فى اى عربية على فترات متابعدة مثل دينامو - مارش - تقطيع بسبب طقم كهرباء او تنظيف كربراتير ... الخ.
يعنى الخلاصة ان العربية دى مبترتاحش ولا يوم فى الاسبوع وبتعمل حوالى 5000 كم فى الشهر.
اما الثبات جيد جدا مع سرعة معقولة مث 110 او 120 بالكتير
عيوب السيارة مثلها مثل اى سيارة قديمة
1- صوت عالى للموتور داخل الكابينة
2- هواء داخل من كل حتة :)
3- اعطال كثيرة نسبيا
4- شاسية ضعيف الى حد ما ( يظهر عيوبة فقط فى حال زيادة الحمل(الركاب) عليها لفترات طوية
5-صغيرة الحجم وخصوصا الشنطة
ولكن فى المجمل سيارة فوق الممتازة فى من وجهة نظرى المتواضعة وادائها بالنسبة لى كان اكبر بكثير جدا من الذى توقعتة من سيارة فى مثل فئتها. واترك باقى الحكم لكم بعد رائى الشخصى فيها.
نسيت اقولكو انة كان معايا قبلها فيات 131 ومش حاسس بفرق غير فى الحجم!!!!
انا فعلا من محبى 127 جدا وخصوصا البابين وقعدت فترة مش عايز اجبها عشان هى بصراحة عربية قديمة وفكرت فى شوية بدائل احدث بس لما شوفت عربية منها معروضة للبيع عندنا هنا فى اسكندرية اتفقت مع صاحبها على طول ....
:)هل الفيات 127 ستكون ضمن قانون المرور المصرى:rolleyes: الجديد اصل انا عايز اشترى واحدة ضرورى جدا وكمان الاخ العزيز بيقول مشاكلها كتير نسبيا يعنى بتكون فى اية بالضبط:)