شكرا على الرد وانا فعلا هروح اظبطها الاسبوع القادم
عرض للطباعة
شكرا على الرد وانا فعلا هروح اظبطها الاسبوع القادم
موضوع جميييل قرأته من الأول للآخر ,,,
دعوة لفتح وإحياء الموضوع ,,
السؤال الأول : - ما هى نمرة الكارتيرة اللى كل شوية أقرأها فى اعلانات الفيورا ؟؟؟ وايه الميزة يعنى لما يقول " نمرة كارتيرة " ؟
السؤال الثانى : - سعرها كم هذه الايام لموديل 86 مثلا سوبر فيورا ؟ لأنى قرأت رينج مختلف تماما من 11 الف الى 19 الف !!
السؤال الثالث : -انا سمعت ان من عيوبها انها بتتفسخ من ناحية الكارتيرات ؟ صحيح الكلام ده
السؤال الرابع : - تكاليف الرخصة السنوية كم ( تكاليف كل سنة ) ؟ وتكاليف عقد البيع المسجل كم ؟
السلام عليكم :ارجو ممن لديه خبرة مساعدتى انا عندى127 نصر واشتريت بوجيهات ngk رقم BP6EY STOCK NO.6036 وغير مزكور فى الخلفبلموديل ال127 فهل لايوجد لها بوجيهات مخصوصه ام هدة تنفع معها وارجو اخبارى بافضل نوع كبلات للبوجيهات
http://www.nilemotors.net/Nile/image...ons/report.gif http://www.nilemotors.net/Nile/image...tons/quote.gif http://www.nilemotors.net/Nile/image...iquote_off.gif http://www.nilemotors.net/Nile/image...quickreply.gif
انا هجاوب بس على موضوع السعر فعلا ال127 سعرها بيبدا من 9 الاف وبيوصل ل20 الف كمان وده لاسباب كتيير
1:ان في عربيات بتكون حالتها فابريقه ومش ماشيه كتير ((مش متهانه))وبتكون نمر فخده او كرتيره وبتكون مش محتاجه مصاريف وموتورها مش عامل كيلوات كتير لذلك لازم يبقى سعرها عالي.
غير بقى اللي بتكون هلكانه وفيها بارومه وموتورها مفوت وعايزه مصاريف ادها يبقى اكيد سعرها هيبقى رخيص.
وحاليا متوسط اسعار 127 الكويسه بيكون 15 ممكن يزيد الفين او يقل الفين حسب الحاله.:002:
السلام عليكم والله يا جماعة انا اخويا لسة جايب 27 توب 4 باب والعربية والله اول سوقتها جميلة جدا جدا جدا و مشيها حلو اوى وسهلة جدا فى الركن دى كسبت عربيتى اللى فيها باور بس العربية فيها حاجة غربية بما انى مش بفهم اى حاجة فى 27 فا قولت اسال اللى عندهم خبرة فيها اولا الفرامل تقيلة اوى و نشفة محجرة حتى لو العربية دايرة ويادوب بتهدى بالعافية دى اول حاجة فيها تانى حاجة لما بدوس فرامل بحس ان العربية دهرها كله بيلعب و بعنى العربية لما بدوس فرامل اكنها بتعوم كده ممكن اعرف ده يبقى اية واية اللى عيب اللى فيها ؟؟ و شكرا
نمرة الكارتيرة هى لوحة المعدنية اللى بتبقى مثبتة على صدر العربيات - عليها نمرة الشاسية - بتبقى فى الفيورا متثبتة على كارتيرة العجل يعنى لما تفتح الكابوت تلاقيها متثبتة قدام المساعد بتاع العجلة اليمين
الميزة ان المكان ده البارومة بتمشى فيه و لما بنصلح العربية من البارومة الرقم ده بيتشال و يدق على القايم و معنى كده ان اللى رقمها ثابت انها مرشتش دواخل او مفيهاش برومة
و الله انا سمعت ان الاسعار رخصت عن كده , معرفش غاليت تانى ولا لااقتباس:
السؤال الثانى : - سعرها كم هذه الايام لموديل 86 مثلا سوبر فيورا ؟ لأنى قرأت رينج مختلف تماما من 11 الف الى 19 الف !!
اى عربية قديمة مع اكل المطبات والمساعدين لو تعبانة بتفتح شاسية , بس الحوار ده منتشر فى ال 28 اكتراقتباس:
السؤال الثالث : -انا سمعت ان من عيوبها انها بتتفسخ من ناحية الكارتيرات ؟ صحيح الكلام ده
الرخصة مش فاكر بس كان كلام فارغ , عقد البيع معرفش و اللهاقتباس:
السؤال الرابع : - تكاليف الرخصة السنوية كم ( تكاليف كل سنة ) ؟ وتكاليف عقد البيع المسجل كم ؟
مهندس م. قاسم :- الف الف شكر
السيرفو هو جهاز بياخد ضغط هواء من الموتور لمساعدة عملية الفرملة و بالتالى العربيات اللى فيها سيرفو فراملها بتبقى طرية شوية
ريجلاش اقصد بيه ريجلاش الفرامل الخلفية علشان نتيجة التاكل فى التيل المسافة بين التيل والطنابير بتوسع وتحتاج اعادة ظبط
الله يخليك يا دكتور
احب اضيف معلومة بسيطة نسيتها و هى ان بعض العربيات بيبقى فيها بارومة و بعد ما تعالجها بيرجع يدق تانى رقم الكارتيرة لايهم المشترى ان العربية بحالة الفبريقة و دى اى سمكرى كويس يكتشفها باذن الله
طلما فيه عومان يبقى العفشة مفكوكة او الفرامل مش بتمسك او عجلة بتمسك قبل التانية ده فى حالة لو فيه حدفة
الموضوع شكله بسيط روح اكشف عند اى عفشجى و باذن الله المشكلة هتتحل
الحمد الله انا روحت لواحد بتاع العفشة و تقريبا غيرت العفشة كلها كانت المساعدين اللى ورا بايظين خالص و مقصات و بيض و دراعات اسكترا و جلب و الحمد الله تمام وانا فعلا لما رحت كشفت على الفرامل طلع العجلة اللى ورا شمال خرطوم زيت الفرامل مقطوع خالص بس لسة معملتهاش عشان الوقت كان متاخر انشاء الله حاعملها بكرا ويارب مايطلعش فيها حاجة تانية عشان انا زقهت من وقفة الصنايعية :d
انا قلت انضم بما اني بقيت من ملاك النصر 127
بس يا سيدى
طبعا اول حاجة هتسجل العقد من البائع فى الشهر العقارى فى حدود 70 ج
وبعد كدة تطلع على المرور
تشترى نماذج وورق فحص وتجديد رخصة بحوالى 40 ج
وتشوف اى شركة بتاعت تامين وتدفع تامين للعربية
وهى فى حدود 75 للسنة الواحدة ولو عاوز تدفع 3 انت حر
وبعد كدة تدفع الضريبة برضوا 1 او 3 سنوات وهى فى حدود 135 ج للسنة
وتروح لمهندس الفحص وتغمزوا كدة فى حدود 50 ج
وبعد كدة تطلع تقدم الورق فى الشباك وتنزل تانى تفك نمر العربية وتسلمها طبعا دها لو قديمة وتشترى الجديدة ب 115 ج
بس وتستنى النمر وتاخذها مع الواد اللى بيركب وكمان 10 ج
وبكدة يبقى الموضوع بخ يا معلم
اه وكمان تبقى تروح تختم الطفاية من بتاعوا الطفايات انها شغالة وما تنساش تاخذ المثلث وشنطة الاسعافات وطبعا هيقول ليكى مفبش دلوقتى تعالى بعد اسبوع او شهر واسال عنها وطنش يا معلم علشان مش هتجدها
وربنا يكون فى عونك
بيقى يوم زى الزفت
احب انضم ليكم و انا من ملاك 127 توب 2 باب و هى فعلا عربية جميلة و محترمة جدا مع ان اخويا على طول يضحك عليا عشان معاه بى ام بس بجد انا حبيت 127 جدا عربية محترمة و انا ظبت فيها حاجات كتير و لسة الباقى انشاء الله
عاوز عربيه 127 في حدود 8 8 ونص
لو عاوز 127 انتاج 82 و 83 اربعه باب بالمبلغ 8 ونصف يبقى قليل عليها وسوف تحتاج منك شغل كتير والسعر الطبيعى فى حدود من 11 الف للحاله الجيده جدا
السلام عليكم و رحمة الله و بركاته
عايز اسأل ..........
اين اعضاء نادى محبى و مالكى ال 127 ؟
بصراحه انا مش لاقى اى حد ... كل المشاركات قديمه
و لو فى اى حد من الاخوه الاعضاء يا ريت يخدمنى فى طلبى
انا بدور على مرايات السوبر فيورا موديل 87
شكرا للجميع
ان شاء الله سوف تجدها كما قلت لك واى سوال انا معاك لأنى معجون فى 127 من 83 وكنت شاريها زيرو
محدش قدامو 127 فابريكه يا جماعه وتكون نظيفه لحسن انا قررت اجبها للحاجه
وكدا وعاوز حاجه كويسه بره وجوه وجنوط
فى واحد هنا معاه سوبر فيورا بيضاء بجنوط عجبانى اوى
السلام عليكم
اخوانى الكرام
ارجوا المساعده فى المشكله التاليه
عندى سيارة فيورا م 85 والمشكله لمبة البنزين لا تضئ (التى تخبرنى ان البنزين اوشك على الانتهاء) وحاولت ان اجد السلك الخاص بها ربما يكون مقطوعا او شئ ما فلم أعرف
ارجوا المساعده فى ايجاد مكان السلك الخاص باللمبة او مكان توصيلها وشكرا
فى جزئين ممكن تدور فيهم:
1- السلك اللى خارج مع عداد البنزين والمنطقه دى
2- فى التابلوه نفسه ممكن اللمبه تكون محروقه او احد طرفيها غير متصل (غير مثبت او عليه تراب ) وده يبقى فى ظهر التابلوه
]ا جماعه هوا دلوقتى لو نزل قانون الاحلال
هتبقى على موديل كام انا مقلق اجيب عريبه لولدتى ويخدوها
اكيد وبشكرك بس قانون الاحلال ايه نظامو؟
للاسف كنت اتمنى انى اكون من ملاك ال 127 بس مش لاقى سياره كويسه
وحصلى نوع من الديقه بسبب الموضوع
انا بأفكر اشتري عربية في حدود بالكثير 12000 ومش عاوزاها تتعربني ولا تكون مصاريفها كثير
تقترحوا على ايه؟
لو العربية حالتها حلوة و غالية شوية مش مهم احسن من عربية محتاجة شغل و رخيصة لان التصليح حاجة مملة جدا و انا جربت الموضوع ده لان العربية معايا من 7شهور و كل الى عملته غيرت الفلاتر و الابلاتبن و الكوندنسر و البوجيهات و ربط العفشة و غيرت ترس و سير الكاتينة و الترموستات
المهم العربية تكون العفشة سليمة و ميكنش فيها اى لحامات و ميكنش فيها بارومة و ربنا يوفقك
يعني ايه؟:U_thin1[1]:
يعني رأي حضرتك ايه تحديدا؟
اعلى الرقم؟ ولحد كام؟ واي عربية؟
ايوة:M_yes[1]: