يعنى محدش رد يا جماعة الموضوع دة مهم جدا جد جدا ارجو سرعة الرد مع خالص شكرى
عرض للطباعة
يعنى محدش رد يا جماعة الموضوع دة مهم جدا جد جدا ارجو سرعة الرد مع خالص شكرى
اللي عايز يغير موتور 127 ..يجيب موتور اونو 1000 سي سي
بيركب عادي من غير مشاكل
متشكر جدااااعلى الكلام الجميل دة لكن انا عايز اعرف ممكن يمنع استخراج ترتخيص للفيورا مستقبلا ولا لا ارجوك ترد علشان انا عايز افهم:):):):):)
الاستاذ hashem1999
لسه كاتب امس بنود القانون الجديد للمرور فى المنتدى العام
[quote]
العربيات القديمة مش هتتسحب ياجماعة اتا ملاحظ ان لسه فى ناس بتتكلم عن ان الحكومة هتسحب الغربيات القديمة وتمنع ترخيصها
مع ان مجلس الشعب خلاص اقر قانون المرور الجديد الاسبوع الماضى وحسم الموضوع ده واعلنوه فى الجرايد والتليفزيون
وكانت بنود القانون كالتالى
عدم الترخيص نهائيا لاى مقطورةوالتنبيه على مالكى المقطورات بتعديل السيارات ومنع سير المقطورات
عدم الترخيص لاى سيارة ( اجرة ) مر عليها 20 سنة والتسهيل لمالكها بشراء سيارة جديده بنفس النمر وبيع القديمة ملاكى
عدم تحويل سيارة ملاكى الى اجرة وقد مر عليها 10 اعوام من الموديل
مضاعفة غرامات المخالفات وتغيير بعض المخالفات الى غرامة وحبس ومنها
السير فى طريق عكسى حبس وغرامة
تجاوز السرعة فى الطرق غرامة وحبس
القيادة بدون رخصة والقياده لمن هم دون ال18 سنة غرامة وحبس
والسيارات القديمة او الجديده يتم فحصها فنيا فى المرور لتجديد ترخيصها
الف مبروك لكل ملاك السيارات القديمة على التخلص من القلق اللى كان هيجننهم من سحب سيارتهم وانا اولهم
وياريت ماحدش يصدق اى كلام فى الموضوع ده تانى لان اى موضوع بينشروه الاخوة الاعضاء عنه بيكون منشور
================================================== ==========
[QUOTE/]
حضرتك لو كنت قريت الموضوع كويس وبتأنى كنت فهمت انى متحيز جدا للعربية 127 وبشكر فيها جدا لكن انا كان قصدى ان ال الفيورا او ال 127 عموما مشاكلها زى اى عربية قديمة واعطالها كثيرة نسبيا لاى سيارة جديدة لكن انا انصحك وبشدة لشراء 127 ولكن خليك فى الفيورا ويكون فتيس 5 سرعات.
بالمناسبة انا رحت بيها دمياط من العاشر من رمضان فى الجو الحر دة ومرة واحدة بدون توقف (225 كم ) وكانت ما شاء الله زى الفل والحرارة معقولة.
الف لف شكر يا باشا وبادن الله هجيب الفيورا ويا رب يكبر نادى محبى ومالكى 127 و يبقى ملاد للجميع:):):):):)
مع احترامى الايطالى ايطالى..الفيورا تقليد الايطالى وليه اجيب تقليد وعندى الاصل ..اللى يركب الايطالى يعرف انه طظظظظظظ فى الاسبانى
مع كامل احترامى لسعادتك. اولاً مفيش لا ايطالى ولا اسبانى كلة حضرتك متصنع فى مصر من السبعينات وبص فى رخصة عربية سعادتك هتلاقيها مكتوبة (نصر 127) قلليل جدا جدا جدا العربيات الايطالى. وبعدين انت جبت منين موضوع التقليد دة :) انا اول مرة اسمع عن الموضوع دة
ثانيا ومن المعروف عند كل الناس بالخبرة والممارسة والتجربة ان الفيورا والسوبر فيورا احسن بكتير جدا جدا جدا من ال 127 العادية والسوق والسعر هما الفيصل.
واحب اقولك انى مش متحيز لايهما لانى فى النهاية احب ان عربيتى تكون كويسة وسليمة وميهمنيش هى متصنعة فين وعموما انا كانت راكب فيات 131 ايطالى ايطالى وكانت فوق الممتازة بشوية.
هو قطع غيار لفيورا بقت نادرة ولا اية يا جماعة انا مش عارف الاقيها من خوفى من منع التراخيص لها فى المستقبل ولا من من قطع غيارها افيدونىي جماعة سمعت ان التابلوة 1500 و المساعدين و الاكسدام 500و المرايات 400 اجيها ولا لااا
بسم الله الرحمن الرحيم
نظرا للتساؤلات الكثيره حول موضوع اعدام المركبات القديمه يوجد قانون نعم قد تم التصديق عليه كالاتى
ينص القانون على عدم ترخيص او تجدديد السيارات( الاجره) اقل من عشرون عاما (20 عاما) بمعنى ادق
السيارات الاجره التى تاريخ صنعها 1988 وها نحن الان فى 2008 فبالتالى لا يمكن التجديد لها او الترخيص
ولكن سوف يطبق القانون بعد سنتان من تاريخه حرصا على توفيق الاوضاع لدى اصحاب سيارات الاجرهواما بخصوص اعدام السيارات الاخره مثل ( الملاكى) فلم يرد ذكر اى قانون او حتى مشروع قانون فى شأن عدم الترخيص لها ولكن لاننا اكيد فى مصر.... فموضوع الاشاعات يتكاثر بشده حوله
ونرجوا من المواطنون عدم الافراط فى هذه الشائعه حتى لا يستخدمها اصحاب الزمه الفاسده من التجار فى انخفاض اسعار السيارات القديمه لجنى ارباح من الاشاعات.......
ويهدف المشروع الجديد لعدم ترخيص او تجدديد السيارات الاجره القديمه الى.........
المحافظه على البيئه من اثار الانبعاثات الضاره فضلا عن التشويه للشكل العام لحركه المركبات لدى السائحين فضلا عن عدم تعثر حركه المركبه من والى خدمه التوصيل
وتتوالى شركات البترول فى جمهوريه مصر العربيه مزيدا من الابحاث لاستخراج بنزين معدل لتقليل التلوث البيئى وقد نجحت
فى اجراء تعديل على اى سياره حتى تعمل بالغاز الطبيعى عن طريق التعديل فى السياره قبل مهندسين متخصصين لاى سياره كانت مستعمله جديده حتى نتوصل الى عالم نظيف........
وهذا وقد وجب التوضيح حتى لا تختلط الامور
والله اعلى واعلم بما ينتظره المستقبل من مفاجئات
والسلام عليكم ورحمه الله وبركاته
اما بخصوص التابلوه فانا لا اعتقد انه بهذا السعر لانه مبالغ فيه ولكن التبلوه من الاشياء المعمره التى لا يتم تغيرها اطلاقا الا فى اضيق الحدود
الف شكر يا باشا
salamo 3aliko 3ala kol el nas ely 3andohom 127 ...ya gama3a yareet mosa3da bas ana hamoot we 2ala2y el 3ema beta3et el 127 yareet law 7ad ye3raf betetgab menen ye2oli la2any 3amal bas2al betoo3 el esterad we mosh la2y ana 127 fura ya3ny el 3ema el fiber mosh el 7adeeed we shokran gdn gdn :)
هتلاقيها فى عزبة شلبى
هى الفيورا بتاخد كام ليتر زيت من غير تغيير الفلتر ومع تغيير الفلتر
أنا كتبت الرد لحضرتك فى موضوع استهلاك البنزين للفيورا
يا جدعان انا محتاج مراية فيورا يمين
وعايز مكنتين أزاز كهرباء
wan akaman 3ayez merayat fura yemen we shemaaaaaaal we mosh 3aref meneeen
يا جماعة للي بيسال عن مرايات الجنب للفيورا هي بقت قليلة جدا في السوق وبالتالي غالية جدا بس فيه بديل ممكن يتم تركيب مرايات الشاهين بيبقي شكلها شيك قوي علي الفيورا و مش غالية في نفس الوقت
127 ايطالى وبس بلا فيورا بلا فوريرا دة حتى اسمها ضعيف امبارح كت قاعد على كبوت السوبر فيورا والله العظيم لقيتة بيطقطق كانى قاعد على بلاستيك مع ان وزنى 70 كيلو! والله عربيتىكنا قاعدين عليها 3 على الكبوت ولا الهوا ولا اتحرك حتى! وبعدين السوبر الفيورا بعد ال80 كيلو بتتمرجح وبتبقى عاملة زى المراجيح واساسا انا مش بحبها. الايطالى عندى احسن بكتيرررر عن تجربة مع ان الايطالى بتاعتى مو74 والسوبر كانت 86 تخيلووووووووووو بس مش عارف عربيتى بتسخن جدا والموبينة بتاعة الاسبراتير بتبقى نار والعربية مش بترضى تدور ساعات!
مرايات الشاهين بيبقا شكلها كبير على العربية ومع مرور الوقت بتلاقي تثبتها مش حلو وبتتهز وكدة
انا مش معاك فى كلام الثبات انا كنت سايق عربية اختى فيورا 127 5 غيار وكنت رايح منهور بصراحة كان قلبى على ايدى. بس الحمد لله كنت ماشى 110 ومش حاسس باى مشكلة و من يومها معظم مشاويري بيها مع العلم ان عربيتى اوبل كورسا 2005
ومعايا كورسا 1.2 1995 محستش برق كبير غير فالصالون بس عى فعلا عربية ناعمة جدا
الحمد لله انا معايا موديل 1985 903 cc كل شئ فيها ممتاز ةالحمدلله بس عندى مشكلة وهى انى صوت الموتور عالى شويى ياريت حد يفدنى فى الموضوع ولكم جميعا جزيل الشكر
والله يا جماعة انا شايفه انها عربية حلوة وضغيرة ومناسبة جدا للمبتدئين اسعار قطع غيارها وتصليحها ميزعلش خالص وومكن تروشها بشوية حاجات هابلة وتبقي حلوة جدا انا انضم للنادي بتاعكو اسم عربيتنا خوخه علي فكرة
انا سيارتى نصر 127 معايا من 14 سنة ومرياحانى جدا. العربية بصراحة مفهاش اى مشاكل خالص.لدرجة انى مش بفكر اغيرها خالص .لانها عربية اقتصادية جدا جدا فى البنزين بتعمل حوالى 300 كيلو فى الصفيحة وبحطلها بنزين 80 و ماشية زى الفل و قطع غيارها رخيصة جدا وفعلا اى ميكانيكى بيعرفلها و حمالة اسية .عشان كدة انا مش لاقى عربية انتجت فى الوقت الحالى تشبة لها فى كل هذة المميزات واللى يلاقى عربية زيها ياريت يقولى .:k49:
اتفق معاك تماما رغم ان العربية ده معاى من سنة بس تقريبا ، بس عجبانى فعلا بالنسبة للبديل الجديد انا فعلا لما بفكر بزعل فعلا ان البديل الوحيد اللى يوفر كل ده هى الماروتى ده من وجهة نظرى وزعلان انا ما فيش من فيات بديل جديد بعر اقتصادى رغم انى شايف ان الكلاسيك بونتو عربية ممتازة فعلا بس للاسف مش فى الرنج ده خالص رغم ان سعرها ااق من قيمتها ده من وجهة نظرى
عيبها الوحيد مفيهاش تكييف والصيف بيبقى نار
انا وسام من مصر ومعايا 127 فيورا موديل 1984 ياريت بجد يا جماعه لو يتعمل النادى ده وعندى فكره جامده برده ياريت لو كلنا كدا نتقابل فى مكان وكله بالعربيه الجامده 127 متهايئلى تبقى فكره جامده اووووى وكلنا نشوف عربيات بعض ونتبادل الافكار بجد هتبقى فكره جامده
انا الحمد لله العربيه معايا كويسه ولسه جايبها حوالى شهرين وكنت بوريها لواحد صاحبى معاه دوجان وكان عايز يجرب 127 وكنت قاعد جمبه كنت ماسك فى اليد اللى فوق متخيلتش انها ممكن تجيب السرعه دى بسم الله ما شاء الله جابت معاه 135 بالظبط بس هوا قلق من الطريق لانه كان بيجربها على الاوتوستراد وقالى سعتها انها ممكن تجيب ودواسه البنزين لسه فيها ((بجد بعشق حاجه اسمها 127))
ياجماعه صدقوني ..... ال 127 أفضل سيارة في مصر .. بمعنى انها الوحيده التي تصلح للشعب المصري والشوارع المصريه والميزانية المصريه .. الا اذا كنت من أحبابنا اللي مش عارفين يعملوا ايه في الفلوس اللي معاهم . تقوم تشتري الأنواع اللي اسعارها ناااااااااااااااااااااااا اااار .... ربنا يبارك لنا في ال 127
فعلا ً يا رجالة عربية كويسة
عايزين نعمل مقابلة لكل مالكى الـ 127
خلاص اعمل موضوع فى المنتدى العام ونشوف أقرب مكان يناسبنا كلنا