الموضوع: نادي محبي ومالكي 127.........

انا معايا 127 فيورا موديل 86 خمسة غيار العربية لذيذة بجد بس عاوز اصرف عليها شوية

عشان بتعملي صداع لان صوتها عالي الموتور و العفشة

بس عاوز اعرف لو عاوز اجيب موتور جديد وجير بوكس واحطلها تكييف تكلفني كام العملية؟

المشاركة الأصلية كتبت بواسطة Abdm

يا جماعة الموضوع دة لية أسمة (نادي محبي ومالكي 127......... )متكرر مرتين؟الاول مرة مبتدى بمشاركة الآخ نادر والثانى مبتدى بمشاركة الآخ أحمد نوارة

يا جماعة هو لية محدش من الادارة رد على الموضوع دة وضم الموضوعين داخل موضوع واحد أرجو الاهتمام بهذة الملحوظة وشكرا

____________

الموضوع واحد ومكون من 8 صفحات حتى الان.

فهمني انت عاوز تضم اية؟

مشرف القسم.

انا كان معايا 127 نصر 2 باب مو82 والدى كان جايبها زيرو وبعتها فى سنه 2005
اجب اضيف حاجه سمعتها قبل كده من والدى
شركه النصر بالتعاون مع شركه سيات انتجت ال127 سنه 1982 اول انتجها لل127 2باب بعد ايقاف انتاج السيات 133
وكان سعر ال127 2 باب فى هذا الوقت 3,500 وبعد اسبوعين بالضبط من انتاج ال2 باب نزلت 4 باب وظل الاثنين يباعوا جنبا الى جنب حتى نهايه سنه 82 ومن هذا التاريج تم ايقاف 127 2 باب -على فكره الفرق بين ال4 وال2 باب فى هذا الوقت 500 فقط فكان كل الى بيشترى بياخذ ال 4 باب
ظلت ال127 تنتج حتى العقد التانى من سنه 84 وانتجت بعدها الفيورا ..............

انا شخصيا معايا سوبر فيورا موديل 1986وبقالها معايا سنة ونصف وعلى فكرة علشان فى ناس كتيراتكلمت فى موضوع السى سى فى الفيورا يا جماعة فى منها 903 و 995 1050 سى سى مفيش حاجة اسمها 950 خالص

اما عن العربية فانا هحكيلكو انا بعمل فيها اية وانتوا تحكموا

1-انا بسافر بيها 3 مرات فى الاسبوع من العاشر من رمضان الى الاسماعيلية ( 150 كم رايح جاى بخلاف الكيومترات الزيادة للمشاوير الشخصية فى العاشر.وعلى فكرة احيانا بعد رجوعى من الاسماعيلية قد اسافر للقاهرة
2- بسافر بيها مرتين او مرة فى الاسبوع من العاشر الى بور سعيد (300 كم رايح جاى)
3- اما عن يوم الجمعة فلازم طبعا افسح مراتى وابنى وبسافر من العاشر للقاهرة او الجيزة عند نسايبى
4- يوم السبت طبعا لازم حد يخترعلى اى مشوار :)

على فكرة انا مشوار اسماعيلية بياخد 10 لتر 90 ب 13 جنية وبور سعيد 20 لتر ب 26 جنية يعنى كمان لو حطيت 80 هيبقى اقل بكتير يعنى 9 جنية و 18 جنية بس انا عامل عمرة من 6 شهور وبحط 90 علشان احافظ على العربية وكمان علشان بسافر كتير وعايزها تنجز معايا ومتعطلش منى على طريق بسبب انسداد كاربرتير ولا حاجة. وبحط زيت نضيف علشان يحافظ على الموتور وعمرة يطول . غير كدة بعمل الصيانة العادية جدا اللى ممكن تحصل فى اى عربية على فترات متابعدة مثل دينامو - مارش - تقطيع بسبب طقم كهرباء او تنظيف كربراتير ... الخ.

يعنى الخلاصة ان العربية دى مبترتاحش ولا يوم فى الاسبوع وبتعمل حوالى 5000 كم فى الشهر.

اما الثبات جيد جدا مع سرعة معقولة مث 110 او 120 بالكتير

عيوب السيارة مثلها مثل اى سيارة قديمة
1- صوت عالى للموتور داخل الكابينة
2- هواء داخل من كل حتة :)
3- اعطال كثيرة نسبيا
4- شاسية ضعيف الى حد ما ( يظهر عيوبة فقط فى حال زيادة الحمل(الركاب) عليها لفترات طوية
5-صغيرة الحجم وخصوصا الشنطة

ولكن فى المجمل سيارة فوق الممتازة فى من وجهة نظرى المتواضعة وادائها بالنسبة لى كان اكبر بكثير جدا من الذى توقعتة من سيارة فى مثل فئتها. واترك باقى الحكم لكم بعد رائى الشخصى فيها.

نسيت اقولكو انة كان معايا قبلها فيات 131 ومش حاسس بفرق غير فى الحجم!!!!

المشاركة الأصلية كتبت بواسطة sherbini

كتيراتكلمت فى موضوع السى سى فى الفيورا يا جماعة فى منها 903 و 995 1050 سى سى مفيش حاجة اسمها 950 خالص

انا كان عندي سوبر فيورا موديل 87 وكان مكتوب في الرخصة 950 سي سي

انا فعلا من محبى 127 جدا وخصوصا البابين وقعدت فترة مش عايز اجبها عشان هى بصراحة عربية قديمة وفكرت فى شوية بدائل احدث بس لما شوفت عربية منها معروضة للبيع عندنا هنا فى اسكندرية اتفقت مع صاحبها على طول ....

المشاركة الأصلية كتبت بواسطة mohamed76

انا فعلا من محبى 127 جدا وخصوصا البابين وقعدت فترة مش عايز اجبها عشان هى بصراحة عربية قديمة وفكرت فى شوية بدائل احدث بس لما شوفت عربية منها معروضة للبيع عندنا هنا فى اسكندرية اتفقت مع صاحبها على طول ....

مبروك عليك مقدما، و أهلا بيك في نادي محبي و مالكي ال 127 :)