العربيه بتبطل لوحدها

**aid904** · 17-03-2008 10:58 PM

عربيتي 127 غيرت أمبارح جلب وباب للكاربيراتير عند الحاج أبراهيم شبرا - المهم الميكانيكي اللي فكلي الكاربيراتير وطي الموتور شويه. من ساعتها العربيه بتبطل لوحدها . فيه ناس قالولي علي الموتور تاني _ وناس قالولي طقم سليكونات . روحت للكهربائي قالي دي مش أعراض سليكونات دة الموتور يعلى شويه . أعمل أيه أفيدوني العيب فين كاربيراتير - موتور - ولا سليكونات الدينامو

**WalidAdel** · 17-03-2008 11:21 PM

انا من راي ان العيب دة في الكربراتير في حاجه اسمها بيك السلانسيه ده لو وسخ بعمل كده في العربيه هوه عن ان الموتور يفضل داير و هوه سلانسيه من غير ما تدسلوا بنزين يعني
انا من راي تروح للميكانيكي تاني تعلي العربيه شويه راحت المشكلة خلاص مرحتش يبقي بيك السلانسيه دا لازم يتنظف

**aid904** · 18-03-2008 02:21 PM

مش عارف أقولك أيه يا أخ walidadel وطبعا الرائع الاخ سبعاوي تمام زي ما قولتم عليت العربيه وكله تمام .....ألف شكر
مع أني عارف رأي الاخ سبعاوي في ال27 بس برضه مبخلش علينا . الحمد لله كنت هأقلبها توك توك

**peranha** · 22-03-2008 09:21 PM

ايه الهجص ده مين اللي قالك سليكونات الدينمو ... يا باشا الدينمو وظيفته يشحن البطاريه فقط ومالوش وظيفه تانيه يعني جنابك لو بطاريتك كويسه تقدر تمش يومين تلاته من غير دنمو بس البطاريه هتفضي ومن غير بطاريه تقدر تمش علي الدينامو بس العربيه هتدورها زق ...قصدي اشرحلك وظيفة الدينمو والبطاريه ..البطاريه بتدي شحنه للبوجيهات ولو مش موجوده الدينمو بيحل محلها وفي الوقت نفسه بيشحن البطاريه . تشوف بأه فلتر البنزين ودورة الكهربه وضبط الاسبراتير في الهوا والبنزين