حمله لتوعيه باهمية المرايا اليمين

**amr100** · 04-10-2010 12:37 AM

فعلاً أهم مراية المراية اليمين في العربية علشان النقطة العميا انا اساساً مبعرفش اسوق من غير المراية اليمين

**misoalex** · 04-10-2010 01:25 AM

انا معاكم ان الى عنده مرايه وقافلها حاجه تغيظ بس لو العربيه نازله كده فابيريكه

بعنى الناس زمان كانت كلها غشيمه !!!!!

ياريت نعبر عن ارائنا بدون شتيمه حد عشان مش الحرفنه انى استخدم المرايتين ومعرفش اسوق من غيرهم

افرض المرايه اتكسرت حتركن العربيه وتاخد تاكس تشترى مرايه

لكن طبعا لو المرايه راكبه وشغاله يبقى فل حمشى من غيرها ليه

**mesaharaty** · 04-10-2010 01:18 PM

المراية اليمين أهميتها لا تقل عن المراية الشمال أو الصالون
دى عيون السائق

**shooter123** · 06-10-2010 04:40 PM

يا سيدي محدش قال شتيمة ولا حاجة ولا حتي قال علي الناس اللي عربيتها قديمة ناس غشيمة
بس احنا اليومين دول في سنة 2010 يعني حتي العربيات الصيتي نازل بمرايات يمين

**karimfahmy99** · 07-10-2010 11:42 AM

ممكن اقول تعليق صغير . بحكم انى كنت فى اوروبا و كنت بسوق هناك بعد طبعا عمل الاختبار و عدم اعترافهم بالرخصة المصرية و حتى كان معايا رخصة سواقة دولية بس برضة لازم اختبار . فتح المرايات دا اساسى هناك طبعا مع الفارق ان مفيش مرايات بتخبط فى بعض هناك . بس النقطة الاهم و الخطيرة هى انهم مش بيعتمدوا على المراية بس . بمعنى اول مرة عملت اختبار و داخل يمين بصيت فى المراية و لقيت فاضى دخلت يمين عادى كانت المفاجئة انى سقطت لية ؟ لان هناك لازم لازم تبص بعينك و تلوح رقبتك سواء يمين او شمال و لو معملتش كدة تسقط . و لو معملتش كدة برضة و معاك رخصة و حد شافك مخالفة . فأنا اتعودت ع الحركة دى خلاص و دايما رقبتى شغالة يمين شمال و بطلت هنا فى مصر افتح المرايات اصلا طبعا بسبب تخبيط المرايات . و فى الطوالى دايما معتمد على المراية النص عينى عليها علاطول . اللى اقصدة انها مسالة تعود من بداية السواقة انا عندى تقريبا 50 سنة و بسوق عربيات من زمان و مكنش فيها مراية يمين اصلا بس دايما معتمد على مراية النص و لغاية دلوقت ماشى بنفس النظام بصة فى مراية النص و لوحة رقبة و الحمد لله ماشى زى الفل . تقبلوا تحياتى

**fadymedhat** · 07-10-2010 02:04 PM

فى مصر هنا الناس بتمشى بالبركة...لازم احنا الى نتفادى أخطاء الغير...هنعمل ايه بقى.......

**karimfahmy99** · 07-10-2010 06:07 PM

المشاركة الأصلية كتبت بواسطة fadymedhat

فى مصر هنا الناس بتمشى بالبركة...لازم احنا الى نتفادى أخطاء الغير...هنعمل ايه بقى.......

نتفادى خطأ الغير دا كلام سليم مليون % . و ياريت ماشيين بالبركة الناس ماشية بالدراع . دايما نقول القيادة فن و زووووق . بس مش هنا الكلمتين دول خارج القاموس

**ibrahimsaad** · 08-10-2010 12:09 AM

بصراحه انا لايمكن اتحرك بالعربيه الا لما اطمن على الثلاث مرايات

**misoalex** · 08-10-2010 03:32 AM

المشاركة الأصلية كتبت بواسطة karimfahmy99

ممكن اقول تعليق صغير . بحكم انى كنت فى اوروبا و كنت بسوق هناك بعد طبعا عمل الاختبار و عدم اعترافهم بالرخصة المصرية و حتى كان معايا رخصة سواقة دولية بس برضة لازم اختبار . فتح المرايات دا اساسى هناك طبعا مع الفارق ان مفيش مرايات بتخبط فى بعض هناك . بس النقطة الاهم و الخطيرة هى انهم مش بيعتمدوا على المراية بس . بمعنى اول مرة عملت اختبار و داخل يمين بصيت فى المراية و لقيت فاضى دخلت يمين عادى كانت المفاجئة انى سقطت لية ؟ لان هناك لازم لازم تبص بعينك و تلوح رقبتك سواء يمين او شمال و لو معملتش كدة تسقط . و لو معملتش كدة برضة و معاك رخصة و حد شافك مخالفة . فأنا اتعودت ع الحركة دى خلاص و دايما رقبتى شغالة يمين شمال و بطلت هنا فى مصر افتح المرايات اصلا طبعا بسبب تخبيط المرايات . و فى الطوالى دايما معتمد على المراية النص عينى عليها علاطول . اللى اقصدة انها مسالة تعود من بداية السواقة انا عندى تقريبا 50 سنة و بسوق عربيات من زمان و مكنش فيها مراية يمين اصلا بس دايما معتمد على مراية النص و لغاية دلوقت ماشى بنفس النظام بصة فى مراية النص و لوحة رقبة و الحمد لله ماشى زى الفل . تقبلوا تحياتى

تمام كده حضرتك قولت المفيد وفعلالالالالالا لوحه يمين ولوحه شمال احسن من مليون مرايه لان المرايه مهما كان فيها منطقه عمياء لكن عينك والمرايه الى فى النص حتجيب كل حاااااجه

انا بقى اتعلمت الموضوع ده لما كنا فاكك العربيه عشان بعمل سمكره ودوكو ومكانش فيه مرايات وكنت بسافر بالعربيه غصب عنى للسمكرى لانه كان بره اسكندريه

يعنى من غير مرايات ومسافر وعادى واتعودت من ساعتها ان المرايات ممكن الاستغناء عنها الا مرايه الصالون

-

الموضوع: حمله لتوعيه باهمية المرايا اليمين

LinkBack

أدوات الموضوع

عرض

-

-

-

-

-

-

-

-

المواضيع المتشابهه

المرايا اليمين

المرايا اليمين اتكسرت

المرايا اليمين

المرايا اليمين للفيرنا

كفر المرايا اليمين.....راح

الكلمات الدلالية لهذا الموضوع

المفضلات

المفضلات

ضوابط المشاركة