تجربتى للاسف عند الحاج سمير بيومى

**drmomoking** · 06-10-2010 02:32 PM

من يومين كنت عاوز اجيب بطارية سايلة 70 امبير لحماى طبعا انا على كلام الاعضاء هنا رشحتلة اننا نجيبها من عند الحاج سمير بس حماى ساكن فى حلوان قاللى خلاص اسال عليها انا عند الحج سمير و هو يسال عندو ولو لقينا الفرق عند الحج سمير يستاهل يجى ياخودها من عندو

المفاجاة اللى صعقتنى انها فى حلوان ب 220 جنية و عند الحج سمير ب 290 جنية حماى قاللى كدا وانا طبعا مصدقتش نفسى قمت واخد نفسى و نازل على احمد سعيد لانو قريب منى بكام البطارية ب 250 جنية مع العلم انى بستغلى كدة كدة اى حاجة من احمد سعيد لانى عارف انهم مغلاوانية وعلى الرغم من كدة ارخص من الحج سمير ب 40 جنية كاملين فى نفس البطارية وطبعا حماى جبها من حلوان ارخص 70 عنة الغريب كمان ان الكوتش عندة اغلى من معظم اللى سالت عندهم زى اشرفكو و الرومانى و اولاد سليمان بحوالى 20-25 جنية فى الفردة ودة خلانى استغرب اكتر

فياريت حد ياجماعة يفهمنى هل هوا بيدى اسعار كويسة لزباينة بس و لا اية ولا لازم الفصال لانى روحتلو بالاساس عشان اخد سعر كويس ومن غير فصال لانى مبحبوش بس للاسف صدمت فى فرق الاسعار وشكرا ليكم

**د.محمود صلاح** · 06-10-2010 03:35 PM

لا زم الفصال بالطبع وبتبيع البطارية القديمة ب 40 ج تقريباً ..

أنا اشتريت كلورايد منذ حوالي شهر سائلة 55 امبير ب 200 ج شامل فرق البطارية القديمة

**mr_sameh** · 06-10-2010 05:07 PM

طيب هي نفس بلد المنشا

**drmomoking** · 09-10-2010 10:00 AM

المشاركة الأصلية كتبت بواسطة mr_sameh

طيب هي نفس بلد المنشا

هى هيا يا فندم ودة اللى جننى واللى جننى اكتر انى صغرت نفسى قدام حمايا لانى قعدت اقولو فيى شعر كانو صحبى او قريبى او معرفة جمدة ودة من اللى بسمعة من كلام الناس فى المنتدى بس الواحد مش بيتعلم ببلاش وكويس اننا ما اشترناش الاول وبعدين حمايا سال كان منظرى بقى اوحش

**drmomoking** · 09-10-2010 10:04 AM

المشاركة الأصلية كتبت بواسطة د.محمود صلاح

لا زم الفصال بالطبع وبتبيع البطارية القديمة ب 40 ج تقريباً ..

أنا اشتريت كلورايد منذ حوالي شهر سائلة 55 امبير ب 200 ج شامل فرق البطارية القديمة

ما هو يا دكتور انا مليش فى الفصال عشان كدة قولت اروح علية على طول وبعدين مهما فاصلت دة فرق 70 جنية هوا فى حد بيفاصل فى 70 جنية و الراجل اللى جبناها منو فى حلوان ولا كلمة فصال ولا 5 جنية حتى زى ما قال خدناها

**mahmoud5777** · 09-10-2010 10:54 AM

والله انا نفسى الشعب المصرى يبطل خصلة الفصال دى وبالتالى التجار يبطلوا يزودوا السعر تحسبا للفصال بس ماندخلش فى قصة الفصال الاول ولا السعر الاول
وإلا هانبقى زى اللى اختلفوا على البيضة الاول ولا الفرخة