حمله لتوعيه باهمية المرايا اليمين

**shooter123** · 02-10-2010 04:52 PM

بيبقي شئ مستفز جدا لما اشوف عربية ماشية والبيه قافل المرايا اليمين

طيب يا محترم حتشوف اللي جي علي يمينك ازااااااااااااااااي؟؟؟؟؟؟ ؟؟؟؟؟؟؟؟؟؟؟؟؟؟؟

حيعتمد علي مراية الصالون؟؟؟؟؟؟؟؟؟؟

اولا مرايا الصالون نقتطها العمياء كبيرة جدا

ثانيا اكيد في ستاير او فاميه وبالتالي الرؤية مش حتبقي واضحة اصلاً

في مرة شفت واحد راكب بروتون وقافل المرايا جيت جمبه وشاورتله علي المرايا وقلتله علي فكرة لو فتحتها مش حتدفع عليها ضرايب
وحتساعدك كتير اوي في السواقة

الراجل تنح زي ما يكون انا بتكلم صيني مثلاً

يا جماعه المرايا اليمين دي مهمه جدا زي الفرامل مثلاً
والنبي محدش يمشي قافلها وبالذات البنات لاني ملاحظ ان اللي بيقفلها غالبيتهم من الجنس الناعم

والله والله دي مهمه جدا وحتساعدك في السواقة

**omar-saad** · 02-10-2010 05:00 PM

تعرف انى لو ماعندبس مراية يمين فى العربية
ممكن مامشيش بيها
لغاية ماتتصلح
لانى بعتمد عليها اكتر من مراية الصالون

**shooter123** · 02-10-2010 05:07 PM

المشاركة الأصلية كتبت بواسطة momo_sunny

تعرف انى لو ماعندبس مراية يمين فى العربية
ممكن مامشيش بيها
لغاية ماتتصلح
لانى بعتمد عليها اكتر من مراية الصالون

ده عشان انت بتعرف تسوق
لكن والله في ناس بتمشي قافلها لاحظ كدا وحتلاقي كلامي صح

**charming** · 02-10-2010 05:23 PM

ما هو اللى يعمل كدة يأما يبقى غشيم سواقة يأما يبقا سارق العربية اللى راكبها او بيكون عشمو كبير بالناس انها هية اللى تاخد بالها لما يرمى عليها عميانى

**AmrStYliSh** · 02-10-2010 05:31 PM

ياااااااااااااااااااااااا اااااااااه يا باشا طيب كنت اعمل الحملة دى اولى للمراية الشمال ده الواحد بشوف مناظر عجيبة والله بتبقى عربية جديدة و قافل المرايات اليمين و الشمال و مقضيها حدف على الغلابة اللى زينا لحد ما يسمع صوت الكلاكس تيييييييييييييييييييييييي ييييت او صوت طرااااااااااااخ......و فيه ناس فاتحاها ممكن تقول استايل او روشنة او هو شايف الناس فاتحاها فهو عامل زيهم لكن مش بيبص فيها و ده بقى اخطر من الاولانى لانى بافتكره شايفنى لكن بيبقى عامل كمين....و اخر نوع بقى اللى بيبقى شايف و بيحدف و ده بيبقى لذيذ اوى لانك بتبصله فى المراية تلاقيه شايفك و بردو بيحدف و النوع ده متوفر فى التاكسى و الميكروباص اكتر و ده راجع لقلة الادب....اما بقى الستات فبيبقوا الذ تحدف عليك شمال تديها كلاكس تقوم حادفة على اليمين يديها واحد تانى كلاكس ترجع تحدف عليك و هكذا بقى لحد ما توصل ........ربنا يصبرنا على ما ابتلانا

**beetleMOSH** · 02-10-2010 05:34 PM

طيب بالنسبه ان اصلا عربيتى نازله استوك كده من غير مرايه يمين

هى مرايه شمال بس

ابقى مبعرفش اسوق برضه

هى فعلا مشكله و اتعودت اكون حريص جدا جدا فى موضوع اليمين ده
و كمان بقيت كل شويه ارمى ب عينى على مرايه الصالون عشان ابقى واخد بالى من اللى على يمينى و هو جى من بدرى

**Moustafa_Kamel** · 02-10-2010 06:59 PM

يا ريت كمان المرايه الشمال لان معظم بتوع التاكسى لا عندهم يمين و لا شمال

**mahmoud_afifi** · 02-10-2010 11:35 PM

المشاركة الأصلية كتبت بواسطة momo_sunny

تعرف انى لو ماعندبس مراية يمين فى العربية
ممكن مامشيش بيها
لغاية ماتتصلح
لانى بعتمد عليها اكتر من مراية الصالون

انا قبل كده كنت عامل حادثه بعربية اخويا وكان الجنب اليمين اتبهدل والمرايا اتكسرت اصلا. ما كنت بروح الكليه عشان مش عارف اسوق من غير المرايه اليمين

بشوف ناس كتير في الزحمه بتقوم قافله المرايات عشان ماتتخبطش. ليهم حق بصراحه عشان برضه بنفس العربيه النحس في المطريه ميني باص حكلي المرايه اليمين حكه غبيه شال اللون تماما من الجنب.
بس مالهمش حق يقفلوها في الطريق السريع و المفتوح