الموضوع: نزلت التوكيل اتفرجت علي جين 2 2010 النهاردة وليا شوية ملاحظات

المشاركة الأصلية كتبت بواسطة mazen234

ياجماعه عشان اريحكو انا اشتريت عربيتي يوم 20-9 ولقيت فيها عيوب كتير تقفيل بس كلها عملتها في التوكيل وبسهوله جدا
طبعا هتسالو عن المشاكل هقولكو بالتفصيل ومعلومه العربيه بتشغل اسطوانات ام بي ثري وفيها اي بي دي
والزرارير هي هي بتاعت جميع الموديلات الفرق الساعه اتشالت وزراير المرايات بقت في الباب
بالنسبه للعيوب اللي قابلتني انا .... انا محدش ياخد كلامي علي كل السيارات
1- الفرش بتاعها مكنش متقفل من عند التابلوه
2- الزجاج اليمين كان ابطء من الشمال
3-تانك البنزين كان ساعات مش بيقفل بيعلق يعني
4-تانك الشنطه مكنش بيعمل صوت تكه عشان اعرف ان الشنطه فتحت
5- البابان فعلا كانت محتاجه رزعه (الشنطه تقيله نتيجه الزجاج الخلفي)هي كده يعني
مش فاكر تاني بصراحه
بس كلها حاجات بسيطه واتحلت بسرعه بس ديه كلها حاجات تافها مغيرتش فكرتي عن العربيه عشان انا بشتري عربيه مش كماليات
بالنسبه للموتور جميل ماشاء الله عليه ثبات ممتاز والعفشه ناشفه نتيجه انها رياضيه بس ولو حد عايز اي استفسار انا تحت امره

طيب الحمد لله ان انا ماطلعتش من كوكو تاني اللي لاحظته في العربية معظم الناس الحيادية ملاحظاه
والف شكر لردك والمعلومات والعيوب المذكورة بكل حيادية
شكرا مرة اخري

المشاركة الأصلية كتبت بواسطة Ichabod

بعد 50 الف كيلو . الزراير زى الفل و انا مطلع عينهم لعب على الفاضى و المليان .. بما فيهم زرار المرايات .. المراية اللى فى انص زى الفل و تقيلة جزمة .. ثبات و جرى و مطبات زى الفل .. بالذات موضوع المطبات ده ..

الدركسيون . شوية و هتتعود عليه . انا لما اركب اى عربية تانية دلوقتى بوطى دركسيونها علشان ابقى مستريح فى السواقة ..
للأمانة مش مضايقنى فى العربية غير ان التوكيل بيغير التيل فى الصيانات بتيل بيصفر .. او مبيصفرش بس مبيعش كتير ..

طيب الحمد لله وبسم الله ماشاء الله انهم مستحملين لحد 50 الف كيلو
اصل لما بصتلهم وانا معرفش بحس انهم مايعيشوش 15 متر مش كيلو
بس شهادتك تدل علي انهم لابأس بهم طالما بيأدو وظيفتهم علي اكمل وجه
والحمد لله انها مش بتحك في المطبات زي الكورولا
والف شكر لردك

المشاركة الأصلية كتبت بواسطة solghof

نزلت التوكيل اتفرجت علي جين 2 2010 النهاردة وليا شوية ملاحظات
لما بتيج تقفل الابواب او الشنطة لازم ترزعهم جامد شوية مش عارف ليه

تمام, بالذات الأبواب الخلفية, تقريبا عشان لسة الكاوتش مريحش, بس الشنطة مبتترزعش خالص ده بالعكس ده أنا بمسكها عشان بتبقى عايزة ترزع نفسها في الآخر.

الزراير اللي في التابلوه عاملة زي ماتكون زراير لعبة يعني لما بتلمس الزرار بتحس انك مش دايس علي حاجة

آه هي غريبة فعلا, بس بتؤدي الغرض.

زرار المرايات اللي في الباب تعبان جدا عامل زي الزراير بتاعة فانوس رمضان الزرار الصغير المشرشر ده

هههههه...عادي أنا مش شايف منها مشكلة, وبتؤدي الغرض برده.

المراية الوسطانية بتتحرك تحس انها خفيفة اوي يعني ممكن تحركها علي طولك تروح راجعة مكانها تاني يعني تقريبا عايزة تخشينة شوية

لأ ده أكيد فيها حاجة غلط, لانها عندي تقيلة جدا

مستوي الدريكسيون منخفض حتي في اعلي مستوي له مقارنة بالعربيات الاخري

ديه حقيقة فعلا بس هتتعود عليه.

والجميل ان ابعاد العربية لذيذة بس احس ان السقف واطي شوية رغم اني مش طويل اوي حوالي 175 سم وبضطر ارجع الكرسي علي الاخر

أنا 176 وبطلع الكرسي سِنة قدام.

بس العربية وسعها حلو ماشاء الله وشنطتها صغنونة شوية بس لذيذة
بس المراية الوسطانية وزرار المرايات دول اكتر حاجة قلقاني لأنهم هايبقي عليهم هرس كتير لان ممكن والدي يسوق العربية اكثر من مرة للتجربة برضو وممكن يستحلي سواقتها
الفرش شكله جميل بس بحس انه ممكن يفرول او يتقطع مجرد احساس وسواسي يعني بحس انه ممكن يفرول زي حتة السفنج لو نتفتها كده
بس طمنوني يااخوانا والنبي علشان انا بفكر احجز

بخصوص اسطوانات ال mp3 ياخونا لو نسخت الاسطوانة علي النيرو علي اسطوانة dvd+R او DvD-R عادي مش هاتفرق
ولا لازم اسطوانات 700 ميجا العادية
ولو نسخت نسخ عادي جدا data CD او data DVD وحطيت كل مغني في فولدر هاتشتغل عادي ؟؟؟ ولو في اسماء اغاني بالعربي فيها مشكلة ؟؟؟
ولا لازم كل الاغاني علي وش الاطوانة وبدون فولدرات او اسماء عربية
في الكورولا بينفع اي حاجة لو حطيت الاغاني علي رغيف عيش حتي وحطيته هايشتغل عادي جداا
ولو عايز اشغل اغاني من فلاشة اعمل ايه

المشاركة الأصلية كتبت بواسطة khpopo

الزارير انا شايف انها زى ماتكون تتش مالهاش تكه وده بالنسبالى كانت حاجه جديده مختلفه
شكلها متغيرش حتى الان
تعمل بكفاءه متناهيه

الدركسيون وضعيه رياضيه تصميمه كده رياضى

المرايه جامده جدى
ربنا يوفق

شكرا ياباشا لردك
ويبدو فعلا ان مشكلة الزراير دي في كل العربيات
ومشكلة المرايا الوسطانية دي مشكلة فردية في العربية اللي شوفتها تقريبا

المشاركة الأصلية كتبت بواسطة Tarek Gen 2

انا اوتو يا باشا و الاوتو بتاعها يابانى و جميل و مفيش منه قلق وانا من عشاق المانوال بس البلد مش من عشاقه وانا مش هعاند البلد بصراحة

و متتاسفش على حاجة يا باشا كلنا هنا عشان نفيد و نستفيد و احنا مبنطقش الكلمة الوحشة على عربياتنا الا لو ( افترا ) بس

فعلا الاتوماتيك في البلد دي دواء
بس هو مشكلته ان كل الضغط علي التيل بسبب الفرملة الكتير في الزحمة
كل حاجة علي حساب حاجة