ايه رايكم اكسنت اتوماتيك ولا بريليانس fsv اتوماتيك ؟؟؟

**Donzi** · 03-10-2010 01:02 AM

ايه رايكم يا جماعة في العربيتين دول ؟؟

انا اتفرجت على البريليانس و بصراحة العربية جميلة جدا جدا واسعة اوي في الصالون و الشنطة كمان و فيها كل الاوبشنز زي فوانيس الشبورة و الفرامل ال abs و المفتاح الذكي و كلو كلو و سعرها 82000 للاتوماتيك طبعا

وانا سالت كزا زميل من المنتدى اللي معاهم العربية و شفت كزا موضوع و كل اصحابها بيشكرو فيها و مفيش منها شكاوى ولا من التوكيل

اما الاكسنت فاغنية عن التعريف طبعا اذا كانت العربية ولا التوكيل غبور اللي سمعته سابقاه و سعر العربية الاتوماتيك 2010 برضو 82000 بس مفيهاش غير الاوبشنز الاساسية

ايه رايكم بقى ؟؟ صيني ولا كوري ؟؟؟؟؟؟؟؟؟؟؟

كل الناس خايفة من الصيني بس البريليانس سمعتها كويسة جدا و توكيلها محترم !!!

**mhmdalsaadany** · 03-10-2010 01:41 AM

لو سعر اعاده البيع مش فارق معاكي اتكلي على الله وهاتي البرليانس بجد العلربيات دي محترمه جدا وبجد كفايه توكيلها المحترم جدا جدا

**mr_sameh** · 03-10-2010 01:50 AM

فعلا مقارنة محيرة بين اوبشن البريليانس واسم الاكسنت
توكلي علي الله في البرليانس

**tito_1980** · 03-10-2010 11:19 AM

النيو اكسنت افضل طبعا
و شوفت بنات كتير راكبينها

**Donzi** · 03-10-2010 02:54 PM

انا سالت ناس ركبو العربيتين و قالولي ان الاكسنت عفشتها ناشفة شوية بالذات من ورا اما البريليانس فانعمة جدا و مريحة

بالنسبة لسعر اعادة البيع فانا لو جبت عربية كبيرة كدة يبقى مش مخطط انها تتباع غير كمان فترة طويلة و مش عارفة بقى على المدى الصويل اعادة بيع البريليانس هاتبقى ايه !!!

هاتجنن خلاص

واخر ما هافضل محتارة كدة لا هاجيب دي ولا دي و هارجع للبيكانتو و اخلص نفسي وبلاها عربيات كبيرة

**tito_1980** · 03-10-2010 05:08 PM

الاكسنت عفشتها ناشفة شوية بالذات من ورا

هو مين اللي قال لحضرتك المعلومه دي ؟ بالعكس الاكسنت عفشتها طريه جدا من ورا

بلاها عربيات كبيرة

علي رأيك و اهي البيكانتو اسهل ليكي في الركنه و اوفر في استهلاك البنزين

تفنى الهموم

ما اللي قال الجمله دي اكيد مش عايش في مصر او علي الاقل معداش علي مصر

**Donzi** · 03-10-2010 05:22 PM

المشاركة الأصلية كتبت بواسطة eng_ahmed_90

هو مين اللي قال لحضرتك المعلومه دي ؟ بالعكس الاكسنت عفشتها طريه جدا من ورا

حد اعرفه معاه العربية

علي رأيك و اهي البيكانتو اسهل ليكي في الركنه و اوفر في استهلاك البنزين

والله انا محتارة حيرة ما بعدها حيرة اصل انا كان معايا i10و عملت بيها حادثة و راحت و الكل عمال ينصحني بلاش عربيات صغيرة مع انها في الاستعمال زي ما انت بتقول بالظبط موفرة جدا و سهلة في الركنة و السواقة

ما اللي قال الجمله دي اكيد مش عايش في مصر او علي الاقل معداش علي مصر :i_angr1[1]:

لا يا سيدي اللي قال الجملة دي عايش في مصر و انا مؤمنة بيها جدا جدا و عن تجربة ..... بس انت خليها على ربنا و مش هاتفرق بقى مصر ولا كوالا لمبور

**Donzi** · 03-10-2010 07:54 PM

ايه يا جماعة فين اراء ملاك العربيتين ؟؟

عاوزة اوصل لقرار بقى

**ahmedsamir5edr** · 03-10-2010 08:01 PM

الأكسنت مضمونه أكتر و قطع غيار ارخص

-

الموضوع: ايه رايكم اكسنت اتوماتيك ولا بريليانس fsv اتوماتيك ؟؟؟

LinkBack

أدوات الموضوع

عرض

ايه رايكم اكسنت اتوماتيك ولا بريليانس fsv اتوماتيك ؟؟؟ - انشر الموضوع فى :

-

-

-

-

-

المواضيع المتشابهه

هل سانديرو اتوماتيك ام سكالا 2011 اتوماتيك ام صنى اتوماتيك

مواصفات بريليانس fsv اتوماتيك 2011و2012 فى مصر ضرورى جدا

بروتون ساجا اتوماتيك ام هيونداي اكسنت اتوماتيك...... رأيكو ايييييييييييييييه ؟؟؟؟

نيو اكسنت اتوماتيك x كيا ريو اتوماتيك

ياريس اتوماتيك و لا نيو اكسنت اتوماتيك

الكلمات الدلالية لهذا الموضوع

المفضلات

المفضلات

ضوابط المشاركة