الفيرنا ولعت يوم الاستلام

**ضيفو** · 25-03-2008 08:04 AM

احقاقا للحق انا هاقول التطورات هناوهاكررها فى موضوع جديد عشان مابقاش طرف فى ظلم حد اما حد يقرا الموضوع ده ومايدخلش يقرأ ااخر التطورات وتتشكل عنده فكرة مش كويسة

تيمو وهيما :انا كان رايى ان ممكن صحيح المهندسين او الصنايعية مش اد كده فى غبور ودى اللى بتخلى مشكلة اى عربية مستمرة معرفش بيلزقوا برغوتة لحد ما تطلع ويرجع العيب تانى ولا ايه؟
بدليل ان ناس فى المنتدى لجات لا ستاذ عاطف بمشاكل معينه واتحلت يعنى فى ناس بتفهم هناك اهو!!

كيمو نوبيرا( بتقول لو تقدرى تغيرى العربية) بجد وهو ده اللى حصل منهم اننا بنكلمهم عشان نعرف عملوا ايه فى العربية قالوا العربية تمام لكن لو نفسك شايلة منها عندنا عربية سودة هنجهزلك ورقها وتستلمها بكرة اللى كان المفروض 24مارس اتصل بينا الساعه 4 عشان نقلك تعالى استلم

طبعا قولنا هناخد غيرها عشان القلق واتصلنا فى الميعاد اعتذر واجل الاستلام ليوم الخميس 27 مارس وخيرنا بين الوان تانية خالص
كل ده مش مهم المهم انهم عرضوا علينا تغيير العربية من غير ما نطلب احنا اصلا

وبأمانة ربنا الاخوان فى المنتدى عرضوا انى اكلم الاستاذ عاطف اللى معانا هنا اتصلت ومردش
وبامانة ماتصلتش بحد خالص كانت الامور ماشية بفضل الله لوحدها

ياسر علام: هاختم بيك فعلا انا قصدت اقول الكلادم ده وهاكتبة دلوقتى فى عنوان جديد وكلامك زى كلام الاستاذ احمد انور وانا منطقيا مش مقتنعه انهم نصابين ومحدش بيتمنى لنفسه السمعه السيئة لكن فى حلقة مفقودة طالما فى ناس فاهمة شغلها وناس بتتصل بيها تحل المشكلة اكيد يبقى العيب فى افراد وهى دى المصيبة الكبرى
لان فرد واحد يبوظ سمعة شركة بحالها
وانا عشان اتعرضت لموقف سيء معاهم وجيت كتبته واما لقيتهم مهتمين بالمشكلة من غير اى توصية قلت احقاقا للحق لازم ادخل واقول برضة واوضح كمان مش تبقى كلمتين ع جنب
روح احجز الفيرنا ع خيرة الله وهى عربية كويسه بجد يكفى ان اتعمل منها تاكسى وربنا يباركلك فيها ويكفيك شر العيون:)

**arch_peter** · 25-03-2008 08:41 AM

دى مشكلة مصر كلها
ناس بتحاول تعمل حاجة مفيدة وناس تانى ضميرها مش قد كده يعملوا غلطات تبوظ كل المواضيع
لكن مش معنى كده فعلا ان غبور وحش او هيونداى وحشة بالعكس
الفيرنا عربية جميلة والمشكلة يمكن فى عامل او صنايعى او حتى مهندس واحد
والحمد لله انها جات على قد كده

**shady_elkady** · 25-03-2008 03:27 PM

ضيفو
اة الكلام دة حضرتك لو بتتكلمى على توكيل سيارات مش عجل عربية حصل فيها مشكلة قبل ما تعلق نمر و حاولوا يصلحوها و مش مرة اكتر من مرة دة كارثة ازاى اى انسان يرضى بكدا ازاى الوكيل يحاول يصلحها و ترجع تانى ازاىىى عاوز افهم وكيل اة و بعدين العربية دة مهما اتصلحت اكيد محدش هيكون متمن و هوا سيقها انا لما استملت الافيوا من منصور اتخدشت من السواق مرضيوش يسلموهالى و انا اصريت اخدها اكيد لو جابوا 1000 عربية مكنها مش هتغفرهم الغلطة دة و بعدين المفروض دة و كيل يعنى منظومة كبيرة و فية مرقبين يعنى لو عامل صغير غلط و محدش حس اكيد المنظومة كلها غلط

**ahmed1981** · 25-03-2008 04:21 PM

المشاركة الأصلية كتبت بواسطة shady_elkady

يعنى لو عامل صغير غلط و محدش حس اكيد المنظومة كلها غلط

طبعاً
وبالذات لو تكرر هذا الخطأ

**kimo-nubira** · 25-03-2008 04:40 PM

معلش يا جماعه مع احترامي لكل واحد معاه عربيه هيونداى غبور وكيل عايز وكيل

اخطاء بالجمله عربيات بايظه صيانه مش كويسه مش بيحترمو العميل حاجات كتير غلط

علي فكره انا مش جايب الكلام ده من عندي ده كلام ناس كتير من الاخوه الاعضاء ...

**ضيفو** · 30-03-2008 05:17 PM

المشكلة ان غبور يعرف مشكلته فين عشان لو ناوى يحلها ..ويحافظ ع مبيعاته ع المدى الطويل وميفرحش بالمبيعات والارقام اللى بنسمعها دلوقتى

هل المشكلة فى العربية نفسها؟؟ ولا فى التوكيل ؟؟او فى الناس اللى بتشتغل فى التوكيل ؟؟

احنا فى مصر ع طول بنعمم يعنى بنضرب الكل عشان واحد بس اللى بيبقى غلطان

ربنا يرحمنا والناس تعرف ان فى دنيا واخرة وحساب والحساب ممكن فى الدنيا كمان

**Hossam.Hamdy** · 30-03-2008 07:29 PM

عربيات هيونداى عربيات كويسه جدا و سمعتها كويسه جدا فى كل انحاء العالم..
المشكله متواجده فى العربيات اللى متقفله فى مصر الفيرنا يعنى....فيها مشاكل كثير ومش بتحصل مع كل الناس..ممكن الواحد يجيب العربيه وميحصلش فيها حاجه ...
بس المشكله ان لازم يكون داخل فيها تصنيع محلى زى الشكمان و الطنابير و الجنوط ...واحنا الحمد لله معندناش حد بيعرف يصنع حاجه زى بلادها...
المشكله الثانيه
الصنايعيه فى التوكيل في منهم الفاهم و فى اللى مش فاهم خالص ...والمهندسين برضه بعضهم يقولك العربيه كويسه مفهاش حاجهوبعدين لما روحت فرع ابو رواش المهندس حليلى المشكله...
يبقى لازم يتعمل تدريب للناس ده كويس يبعتوهم دورات تدريب فى كوريا...يجيبو مهندسين من كوريا يدربو الناس ده...
لازم يحلو المشاكل ده عشان هما هيبوظو سمعة العربيه وسمعتهم نفسهم...
وفى سوء تعامل مع العميل و برود ولا مبالاه فظيعه زى ما يكون رايحين نصلح بالمجان...بس لو رايح عن طريق معرفه او مكلم استاذ عاطف بتتضبط غير كده نفض لنفسك
على فكره فى ناس كثير كان نفسها تشترى هيونداى و مش بتشتريها بسبب غبور...
انا عن نفسى بحب الهيونداى جدا خاصة الفيرنا و الجيتز و الالنتر الشكل القديم بس لو غبور فضل كده الواحد هيفكر الف مره قبل ما يشترى منهم تانى

**ضيفو** · 30-03-2008 07:41 PM

ممكن دورات تدريبية ..ممكن حوافز للناجحين واصحاب الكفاءة بس( من غير لعب)

وخصومات للى يتعرف عنه انه مش جدير بالمكان اللى هو فيه مهندس بقى فنى ان شالله البواب حتى

برضه حكايه ابورواش وقليوب هما نفسهم عارفين ان فى فرق بينهم طب ده معقول

انا عن نفسى بعد ما حيتهم ع انهم قالوا نغيرلكم العربيه لكن برضة مافيش فايده مافيش كلمة تتصدق

خلاص ربنا معاهم عشان احنا زهقنا

**liquidator** · 30-03-2008 08:09 PM

يا جماعه أنا الحمد لله معايا ماتريكس الكوري بقالها 3 سنين و عامله 70 ألف كيلو و الحمد لله لحد دلوقتي مفيش أي مشكله فممكن يكون فعلا السبب هو التقفيل المصري ...
صحيح غبور في مشاكل كتير بس من وجهة نظري الشخصيه مفيش حد مثالي و غبور أحسن من غيره كتير لو شفتوا مثلا توكيل بروتون عز العرب بيعمل في العملاء ايه وللا توكيل كيا اللي أسعار قطع غياره و مصنعياته معديه بشكل وحش علي الرغم ان فيه قطع غيار مشتركه كتير بين كيا و هيونداي لانهم شركه واحده ...
للأسف باختصار مشكله غبور تكمن في سوء الاداره و الرقابه بوجه عام و قلة عدد المهندسين و الفنيين علي حجم السيارات اللي بتروح التوكيل .. يعني المهندس بيجيله في اليوم حوالي 30 عربيه ... يعني هيقطع نفسه وللا هايعمل ايه ... فلازم يزودوا عدد الناس اللي بتشتغل هناك و ده اللي بيعمله غبور دلوقتي و في مصادر موثوقه في غبور أكدتلي ان الشركه محتاجه ناس كتير جدا خلال ال 4 سنين اللي جايين دول و في مهندسين و صنايعيه كتير هايتعينوا ... المهم بقي انهم يتعينوا علي أسس علميه و من غير وسايط و خلينا نقول في أقل نطاق ممكن من الوسايط لاننا ببساطه في مصر ...
و ربنا يسهل

**Ahmed Anwer** · 30-03-2008 09:31 PM

المشاركة الأصلية كتبت بواسطة Hossam.Hamdy

عربيات هيونداى عربيات كويسه جدا و سمعتها كويسه جدا فى كل انحاء العالم..
المشكله متواجده فى العربيات اللى متقفله فى مصر الفيرنا يعنى....فيها مشاكل كثير ومش بتحصل مع كل الناس..ممكن الواحد يجيب العربيه وميحصلش فيها حاجه ...
بس المشكله ان لازم يكون داخل فيها تصنيع محلى زى الشكمان و الطنابير و الجنوط ...واحنا الحمد لله معندناش حد بيعرف يصنع حاجه زى بلادها...

معاك حق يا أ / حسام ،،

انا قبل كده كنت ذكرت ف المنتدي ان الفيرنا واخده المركز التاني في الإعتمادية في تقييم JDPOWER اللي بيتم بعد ثلاث سنين من استخدام

العربية سنة 2006 ،، و ده تقييم واقعي

المفاجأة انها احتفظت بالمركز الثاني كمان مرة سنة 2007 ،،

و اياريس خرجت من اللسته و محلتش محل الإيكو

و يمكن ده يفسر إزاي التاكسجيه و اصحاب مكاتب الإيجار بيفضلوها

و إزاي ناس بتقول فيها شعر و ناس بتسبها ،،

و تلاقي العيوب متنوعة و كل واحد بعيب شكل ،، مش عيب ثابت ،،،

المشاركة الأصلية كتبت بواسطة liquidator

صحيح غبور في مشاكل كتير بس من وجهة نظري الشخصيه مفيش حد مثالي و غبور أحسن من غيره كتير لو شفتوا مثلا توكيل بروتون عز العرب بيعمل في العملاء ايه وللا توكيل كيا اللي أسعار قطع غياره و مصنعياته معديه بشكل وحش علي الرغم ان فيه قطع غيار مشتركه كتير بين كيا و هيونداي لانهم شركه واحده ...
للأسف باختصار مشكله غبور تكمن في سوء الاداره و الرقابه بوجه عام و قلة عدد المهندسين و الفنيين علي حجم السيارات اللي بتروح التوكيل .. يعني المهندس بيجيله في اليوم حوالي 30 عربيه ... يعني هيقطع نفسه وللا هايعمل ايه ... فلازم يزودوا عدد الناس اللي بتشتغل هناك و ده اللي بيعمله غبور دلوقتي و في مصادر موثوقه في غبور أكدتلي ان الشركه محتاجه ناس كتير جدا خلال ال 4 سنين اللي جايين دول و في مهندسين و صنايعيه كتير هايتعينوا ... المهم بقي انهم يتعينوا علي أسس علميه و من غير وسايط و خلينا نقول في أقل نطاق ممكن من الوسايط لاننا ببساطه في مصر ...
و ربنا يسهل

المشاركة الأصلية كتبت بواسطة ضيفو

المشكلة ان غبور يعرف مشكلته فين عشان لو ناوى يحلها ..ويحافظ ع مبيعاته ع المدى الطويل وميفرحش بالمبيعات والارقام اللى بنسمعها دلوقتى

هل المشكلة فى العربية نفسها؟؟ ولا فى التوكيل ؟؟او فى الناس اللى بتشتغل فى التوكيل ؟؟

احنا فى مصر ع طول بنعمم يعنى بنضرب الكل عشان واحد بس اللى بيبقى غلطان

ربنا يرحمنا والناس تعرف ان فى دنيا واخرة وحساب والحساب ممكن فى الدنيا كمان

معلهش يا جماعة ،،،

للأسف غبور مش مقتنع بإن فيه مشكلة في التجميع المحلي غير المكونات المصرية ،،

ده احساسي من الكلام مع مسئولين في غبور ،،

لكن مش معترف تماما يعدم وجود مشكلة في جودة التجميع نفسها و لا في الكواليتي كنترول ،،

عشان تكون فاهمين هوا معتبر الضمان هوا الكواليتي كنترول ،،

بمعني اخر ان العربية لما تمشي في الشارع و العميل يكتشف مشكلة يرجعلي

و انا ملتزم بالضمان ،، و هحل المشكلة ،،

طبعا نظام قمة الفشل ،،

بخصوص مشاكل الصيانة ،،

دي مشكلة عامة في مصر في كل الفنيين عدم القدرة علي اكتشاف الخطأ ،،

حتي لو النية سليمة ،،

ما بالك بقه مع كبر الحجم و سوء الإدارة المصرية في السيطرة علي هذا الحجم ،،

بتكون النتيجة مأساة ،،

يعني يطلع عينك من الزحمة و الإنتظار و تعطل بالأيام و ممكن واحد ينسي عربيتك علي الونش ،،

و كمان في الآخر المشكلة ماتتحلش ،،

طبعا أي عميل من حقه ساعتها هوا اللي يولع مش العربية ،،

الموضوع: الفيرنا ولعت يوم الاستلام

LinkBack

أدوات الموضوع

عرض

احقاقا للحق هيونداى متعاونة -

-

-

-

-

-

-

المواضيع المتشابهه

الصيانة ولعت

المروحة ولعت

النوبيرا ولعت بيا

العربية ولعت

الكلمات الدلالية لهذا الموضوع

المفضلات

المفضلات

ضوابط المشاركة