الموضوع: ساعدوني انا في ورطه وواقع فيها

المشاركة الأصلية كتبت بواسطة أحمد كمال

طيب


غمض عينيك و تخيل معايا المشهد ده كمان كام سنة


سيادتك تتخانق معاها لأي سبب .... انت رافض حاجة هي عايزاها

تيجي تروح من الشغل تاني يوم تلاقي عيالك مفلوقين من العياط جنب امهم و امهم مبلبعة بلاوي زرقة .... و انت طبعا زي المجنون هترمي العيال - اللي عمر نفسيتهم ما هتبقى سوية - عند اول جار و تجري بيها على اقرب مستشفى


دي عيشة سودة

غير انها مش طبيبة عشان تعرف انها مش هتموت

أنا مش قادر أطول عشان داخل من الموبايل

بس عايزك تتخيل لحد ما ارد عليك تفصيلياً

مش عارف يا استاذ احمد اصل مش من الاكتئاب بيحصل معاه رغبه في الهروب

انا من رايي اضافة لكل كلام الافاضل السابق
انك لازم تسيبها ... و تفهمها ان ده لمصلحتها وكفايه بهدله لنفسها
وانت كمان تركز في موضوع والدك ربنا يشفيهولك
انا عارف ان احساس النداله هينقح عليك
لكن لازم تعرف ان حياتك معاها بعد الجواز هتخلي النداله دي اقل حاجه ممكن تندم عليها
وكمان لو الموضوع ده خلاك تقصر في اي حاجه ليها علاقه بوالدك اكيد انت عمرك ما هتسامح نفسك طول عمرك .. ولا جوازك منها و لا اي حاجه هتريحك .. و بجد ربنا يقومهولك بالسلامه و حطه في عنيك .. ده طريقك دلوقتي للجنه
ملحوظه رخمه :حاول تركز في الحروف اللي بتكتبها عشان بياخد وقت طويل تخمين انتا عايز تقول ايه

لو نسايبك ماخدكش بالحضن لما يشوفوك ويعاملوك زي ابنهم واكتر يبقي نسب متعب
وبعدين الناس اللي تعمل في بنتهم اللي من دمهم ولحمهم كده يبقي شوف انت لو اختلفو معاك في حاجه بعد الجواز ممكن يعملو فيك ايه؟

رايي انك تسيبها خالص تشوف نصيبها وانت تخلي بالك من والد شفاه الله وعفاه وتركز في شغلك وان شاء الله ربنا بكرمك بصاحبة النصيب ويمكن تكون هيا برده

وياريت رجاء بس بلاش كلمة كلب عشان اي حد مش هيحب حد يقول عليه كلب وهو رايح يتجوز

يا جماعه والله شاكر كل ردودكم دي ربنا يخليكم بجد الناس هنا ربنا يخليها ويحرسها

بالنسبه لموضوع والدي انا في السعوديه حاليا وهو في مصر وهو اللي طلب ما اجيش ساعت العمليه او بعد كده وانا مردتش ازعله - هوه بيعمل كده انا فاهم ليه علشان لا قدر الله هوه مقدرش يجي يبقى انا ضمنت مكان هنا علشان اخواتي الاصغر مني-

واستاذ ليجيند بجد انا شاكر ليك دعوتك وانا عارف انها من قلبك بس انا مش في مصر انا في السعوديه وانا سعيد جدا بدعوتك دي

واستاذ شداد انا مقصدش اشتم حد بعينه انا اقصد اي حد معدي ومستغرب من الناس اللي ممكن تروح وتقرا فاتحه على طول من غير ما يعرفو الناس ولا البنت دول

وبعتذر عن أخطاء الكتابه اصلي بكتب بسرعه