اية اخبار الكروز معاكم؟

**kamalsalem** · 06-10-2010 10:36 PM

مين اللي بيقول الفانوس ب 3800 حنيه؟ ده انا انزل وقتي اغيره واركب صيني

اللي كان بيقول العفشة ناشفة بصراحة اه.. انا هنا معايا كورولا 2010 ناعمة عنها كتير.. بس الكروز بتنعم مع الاستعمال

المقابلة امتى بقت في سوق السيارات؟ الواحد هنا ولا دريان عليكم

اشوفكم على كل خير ان شاء الله ومحضرلكوا موضوع مفاجأة مدمرة اول ما افوق

**titooooasg** · 07-10-2010 08:44 PM

العربيه جميله جدا واللى يقارنها بالسيراتو والالنترا بيظلمها بجد شوفو برا المقارنه بتبقى مع الهوندا سيفيك والسوناتا بالنسبه للعفشه جيده جدا مقارنه بسيارات فئتها والثبات قوى اقل مالسيفيك بحاجه بسيطه عشان السيفيك منخفضه اكتر التسارع بالنسبه للمحرك معقول استهلاك البنزين كان عالى سنه فالاول على مارجلى خدت عليها وجديا حاسس انها مريحه فالركوب اكتر مالتويوتا كامرى وتمشى شبابيه وعائليه فنفس الوقت وياريت لو تقدر تجيب التوب لاين او الهاى لاين لانها هتريحك على المدى البعيد وربنا يوفقك انشاء الله
[youtube]http://www.youtube.com/watch?v=b-uVxv-dQuo[/youtube]
[youtube]http://www.youtube.com/watch?v=a_P09pnAci4[/youtube]

وتقبل تحياتى

**dr_romio25** · 07-10-2010 09:43 PM

بصراحة انا كمان بفكر في الكروز بس في حاجة كنت عاوز استفسر من حضراتكم عليها

انا عاوز اجيب الهاي لاين بس العيب الوحيد الي فيها انها مش فيها سينسور خلفي وانا شايف ان ده من اهم الحاجات الي لازم تبقى موجودة في العربية عشان شنطتها عالية (وفي نفس الوقت مش هجيب التوب لاين وادفع فرق 10 الاف عشانه )

فهل ينفع اجيب الهاي لاين واركب فيها سنسور في الوكيل ولو نفع هيبقى السعر كام ؟

واشكركم جزيلا

**mbisar** · 08-10-2010 01:58 PM

اعتقد ان اللى معاه 120 الف جنيه و عايز يجيب بيهم عربيه صعب اوى يلاقى حاجه تنافس الكروز الا البومه و لكن الكروز بصراحه شكلها احلى بكتير و عامه انا انصح اى حد عايز يشترى عربيه جديده انه يعملها تست داريف حتى لو يأجرها يوم ولا حاجه و يركبها و يجربها عشان يبقا مقتنع بيها تماما

**montela** · 08-10-2010 04:17 PM

اسعار بعض قطع غيار الكروز من توكيل منصور
تيل امامي 450 جنيه
تيل خلفي لقم 705 جنيه
كشاف امامي 897 جنيه
فانوس خلفي 730 جنيه
تكمله فانوس خلفي 713 جنيه
واي خدمه‎:-d‎

**Hosam_Optrawy** · 08-10-2010 04:59 PM

المشاركة الأصلية كتبت بواسطة montela

اسعار بعض قطع غيار الكروز من توكيل منصور
تيل امامي 450 جنيه
تيل خلفي لقم 705 جنيه
كشاف امامي 897 جنيه
فانوس خلفي 730 جنيه
تكمله فانوس خلفي 713 جنيه
واي خدمه‎:-d‎

شكرا على الاسعار وفى انتظار المزيد

**shitos777** · 09-10-2010 04:58 AM

يا باشا شكرا ليك على قطع الغيار وياريت من حضرتك اعرف تمن المساعدين بكام والف شكر ليك

**TheStig** · 07-12-2010 12:30 PM

* * * * * * * * * * *

ممنوع كتابة اللغة العربية بالأحرف الانجليزية ومن لم يتوفر لدية لوحة مفاتيح أو نظام تشغيل يدعم اللغة العربية فعلية استخدام أحد المواقع التي تقوم بتحويل الأحرف الانجليزية إلى أحرف عربية