اقتباس:
المشاركة الأصلية كتبت بواسطة a_samy
المفروض أن القايمه (لو أتعملت)يتكنب فيها الحاجت اللى العروسه أشترتها عشان تضمن حقها(تقولش داخله حرب ولا حتتجوز نصاب)...ماشى...طب ليه يتكيب فيها بقى الحاجات اللى العريس كمان بيشتريها؟.
.
وفى ناس تانيه مش كاتبه ولا قايمه ولا مؤخر حتى،طب يعنى الأهل اللى مش كاتبين قايمه ومؤخر دول مش عاوزين يحافظوا على حق بنتهم ولا ايه؟
في حال إن العريس دفع مقدم مهر (دفع مهر مقدم 15 ألف ولا 20 ألف مثلاً) في هذه الحالة لا يكتب ما إشتراه هو في القائمة
أما ما إشتراه أبو العروسة فيكتب في قائمة المنقولات كإثبات أمانة على العريس
وهذا أمر ليس تخوين لكن ربنا أمرنا إننا إذا كان بيننا دين أن نكتبه
وكذلك أيضاً يكتب مؤخر مهر حسب الإتفاق بينهما
----------------
طيب لو في حال إن العريس دفع مقدم مهر (دفع مهر مقدم 15 ألف ولا 20 ألف مثلاً)
وقام أيضاً بشراء جميع منقولات وعفش الشقة من جيبه الخاص خالص مالص
في هذه الحالة لا يكت قائمة نهائياً
ولكن يكتب مؤخر مهر حسب الإتفاق
----------------
طيب لو في حال إن العريس دفع مقدم ومؤخر مهر مع بعض كلهم مقدم (دفع مهر مقدم 30 ألف ولا 35 ألف مثلاً)
وقام أيضاً بشراء جميع منقولات وعفش الشقة من جيبه الخاص خالص مالص
في هذه الحالة لا يكتب قائمة ولا مؤخر لأنه دفعه مقدم كله
----------------
طيب نرجع للواقع الغالب
العريس لم يدفع مقدم مهر ولا مليم
العريس إشترى بالكثير نصف عفش الشقة ومنقولاتها
العروسة أو أبوها إشتروا باقي العفش
في هذه الحالة يتم عمل قائمة مكونة من جزئين
جزء القائمة الأول ما إشترته العروسه وهو ملك لها
جزء القائمة الثاني ما إشتراه العريس وهو بدل مقدم مهر للعروسه أي أنه أيضاً ملك لها (وهذا لمصلة العريس أولاً وهو ما سأوضحه بعد أسطر)*
ويتم كتابة مؤخر في عقد الزواج حسب العرف
جزئي القائمة يكتبوا في ورقة واحدة وليس ورقتين ويفصل بينهم بخط وخلاص
----------------
* لماذا قائمتين
لأنه لو حصل وقامت الزوجة بخلع الزوج ترد للزوج ما إشتراه وهو ما هو مكتوب في الجزء الأول من القائمة
لو الزوج مات في أي وقت وجاء أهل الزوج ليأخذوا ورثهم فالقائمة بالكامل من الجزئين هي حق للزوجة وكذلك المؤخر وذلك قبل تقسيم الورث
والمفروض أن الزوج يكون كاتب وصية بهذا الأمر حتى لا يؤكل حق مؤخر زوجته وهو يلبس في حيطة جهنم والعياذ بالله
وحالة الطلاق وحالة موت الزوج واحد مفيش فرق
----------------
لذلك الأستاذ الذي يقول إنهم بيعملوا القائمة عشان بيناسبوا نصاب
لأ طبعاً
ده إثبات للحقوق حتى لا تضيع
----------------
وبرضه سامحني نحن في زمان خراب الذمم
يعنى اللي قاعد يقول على نفسه أمين النهاردة
ممكن مع أول خناقة وغضب يتحول إلى حرامي نوري وشيخ منصر
اقتباس:
المشاركة الأصلية كتبت بواسطة a_samy
مع إنى مش عاوز أظلم البنت على طول الخط لأن ساعات الأهل هما اللى بيصروا على الحاجات دى بحجة أنهم بيحظوا حق بنتهم.
يا جماعه الزواج مشروع إجتماعى غرضه الحفاظ على النسل وليس مشروع تجارى غرضه الخروج منه بأكبر المكاسب.
الإصرار على هذه الأمور لا يعيبهم في شيء
والحقيقة طالما أنه في داعي للقائمة فأنا أعيب على الآباء الذين لا يكتبوها حتى لا يغضب البيه العريس وأعتبرهم تنازلوا عن حقوق بنتهم
----------------
وكما قلت سابقاً لو العريس أمين بيوثق حق غيره من غير ما يطلبوا هذا التوثيق
يعي هو اللي يصر على كتابة القائمة حتى لو هما رفضوا
عشان لو حصل أي حاجة أو مات تكون الحقوق محفوظة
طالما هو دخل بيت الناس وقبل مساعدتهم في الزواج يبقى يثبت ويوثق حقوق بنتهم بكل راحة نفسية لو هو أمين
----------------
لكن يبقى داخل البيت على الناس والناس تشيل أكثر من نصف تكاليف زواجة ويجي على القائمة ويعمل راجل وكرامته توجعه
كرامته بتوجعه عشان هو مش فاهم حاجة في أي حاجة
لو فاهم إن دي حقوق الناس كان أداها بنفس راضية
----------------
أو يسلك الطريق الأوضح والأطول
ويدخل على الناس
ويدفع المقدم كاش
ويجهز بيته من الألف إلى الياء
وكده لو حد قاله قائمة يقول لأ بصوت عالي
ولو عايز يدفع المؤخر كمان مقدم يبقى 100% ومحدش يكتب عليه حرف لا مؤخر ولا قائمة
----------------
لكن طالما الظروف الإقتصادية لا تسمح
يبقى يمشي صح ويوثق الحقوق بنفس راضية