إستفسار بخصوص فيرنا أتوماتيك 2004

**thatha** · 22-03-2008 01:57 PM

شوف هو في كوريا مافيش فيرنا فيه accent ف اعتقد لو نازلة من كوريا مش هيبقى اسمها فيرنا. زي ال نيو اكسنت اسمها بره نيو اكسنت بردة

**Ahmed Anwer** · 22-03-2008 07:19 PM

الإكسنت اسمها في كوريا فيرنا

و بتنزل في دول باسم اكسنت و دول تانية باسم فيرنا

و بتنزل في امريكا الجنوبية تحت علامة دودج

**hazem_khidr** · 22-03-2008 07:25 PM

اولا الف مبروك و ربنا يحمهالك.
بالنسبه لكون انها كوري و لا مصري ف انا اعتقد فعلا انها كوري و دا كان بدايه نزولها و فعلا كانت فوق ال 80 اياميها و فول اوبشن.
ممكن تتاكد و انت في المرور اسأل الموظف لما لملف يروح عنده لو في الملف ورق افراج جمركي يبقي كوري بس انا اشك بنسبه كبيره انها كوري

**HeMa1981** · 23-03-2008 06:59 PM

لا ياباشا اكتر من 90 % من الفيرنا ال 2004 الاوتوماتيك
كورى
انا راكبها من 2004 كورى بالكامل وتقفيل كورى
وفرق شاااااااسع بينها وبين التقفيل المصرى
ومكتوب عليها من ورا فيرنا برضه

وانا شايف انها من احسن موديلات الفيرنا

العيب الوحيد فيها

"التوكيل " طبعاً

الحمد لله من 2004 معملتش عيوب جامده بالنسبة لى " طرمبة بنزين وكبلن "
والباقي صيانات دورية

**NaderNabil** · 23-03-2008 07:07 PM

أسهل حاجة تعرف بيها العربية كوري ولا مصري...بص علي الزجاج....لاقيت Dr.Greiche تبقي مصري...لاقيته حاجة أجنبي يبقي كوري...

و مرة في السوق واحد كان بيبيع فيرنا 2005 و بيقولنا كوري و حركات...و اقله ده الازاز كله مصري ...يقلي ماهي بتيجي من غير ازاز و بيركبوه هنا :):)
سيبته من غير ما يكمل كلام حتي

**liquidator** · 25-03-2008 11:27 PM

المشاركة الأصلية كتبت بواسطة أبو عمار المصرى

أنا أنضميت حديثا لمنتدى الهيونداى حيث أنى كنت عضو معروف فى منتدى السيارات الصينى
و لسة شارى عربية فيرنا 1600 أتوماتيك مو 2004 و سمعت أن هذا الموديل تقفيل كورى بالكامل فهل هذا صحيح وهل هناك مشاكل معية حد سمعها فى هذا الموديل... و عموما هى عاملة 60 ألف كيلو و صيانتها بالتوكيل و كاوتشات جديدة و رشة رفرفين بالتوكيل أيضا و تحتاج تغيير مساعدين خلفى ( لسة ضارب حديثا حيث لم يبدأ فى الترشيح) و أشتريتها بالعافية ب 53750 ألف جنيه فما رأيكم و ما تعليقاتكم

لو اديتني رقم الشاسيه باذن الله هانقدر نعرف ان كانت مصري وللا كوري ...

**أبو عمار المصرى** · 26-03-2008 08:38 AM

شاسيه رقم 627

**أبو عمار المصرى** · 26-03-2008 08:40 AM

و مشكورين بشدة لمساعدتكم فى التفكير و النصيحة و جزاكم الله كل خير

**liquidator** · 26-03-2008 08:47 AM

معلش تقدر تجيب لي رقم الشاسيه كامل .. يعني بالحروف اللي قبل الرقم من علي جسم العربيه ؟

**أبو عمار المصرى** · 26-03-2008 09:15 AM

الرقم دا أنا جبته من الرخصة لكن ممكن توضح لى فين مكان هذا الرقم على جسم السيارة عشان أجيبه لك النهاردة إن شاء الله (بس آخر اليوم عشان أنا فى الشغل دلوقت)