حادثة بسيطة :( لجين 2 !

**Nistelrooy** · 05-10-2010 07:25 PM

السلام عليكم ..

طبعا بعد الموضوع ده

http://www.nilemotors.net/Nile/185371-a.html

ظهر لي مصيبة جديدة الي هاقولها دلوقتي (المصائب لا تأتي فرادى )

ماشي في امان الله راجع من الجامعة عديت الرماية وخلاص في الشارع الي بيدخل علي شارع الهرم

وهو عبارة عن شارع واحد اتقسم نصيين يمين وشمال .. لما عملوا الطريق اتجاه واحد

المهم انا دخلت الشمال .. القسم الشمال مقسم الي حارتيين .. انا ماشي في الحارة الشمال برضوا يعني اقصي شمال الطريق .. وده ابطيء حارة المفروض لانها في الاصل كانت في الاتجاه المعاكس وبالتالي انا ماشي علي الشمال وفي شوارع علي شمالي ..

المهم ماشي لقيت فجاه ( حسبي الله ونعم الوكيل ) باص كبير دخل فيا ..

الاصابات :

حكات في المراية اليمين ( الحمدلله ما اتكسرتش مجرد حكات )

الرفرف دخل لجوا .. واتكسر الدهان وسابت العلامت السودا والبيضا .. بالاضافة لجزء من الباب الامامي اليمين شوية جروح واصابات ..

طبعا السواق وقف بعد الخبطة بشويا .. ورحت له .. نزل الرفرف كان داخل لجوا طلعة لبرا بس مازال شكلة سيء من الاحتكاك .. وفية نقرة كدا للخارج ..

السواق قالي هو الي جنبي ع اليمين كسر عليا فجاة فانا كسرت عليك .. واعد يقولي طب انا ممكن اعملك اية اراضيك ازاي نروح لسمكري وانا مستعد اعملها لك ..

المهم ..

دلوقتي اجمع كل الي حصل في العربية في التلات شهور الي فاتو والعربية حوالي 2100 كيلو فقط ..

1- احتكاك في الاكصدام من الامام ( من حديدة كان واحد حاطتها في المكروباص بتاعة )
2- خدش طويل من الجنب الايسر للعربية واخدة جزء من الباب الامامي والخلفي ( وانا داخل الجراج )
3- رفرف يمين وباب يمين وشوية احتكاكات في المراية .. ( الموضوع حكيتة بالتفصيل فوق )

انا مامت مع كونتاكت .. بس مستحيل ارش كل ده العربية الدهان فابريكة وتمنها هاينزل اوي لو رشيت ...( واعرف التوكيل بيرش بالقطعة - وبالتالي هايكون الي محتاجة رفرف يمين - باب يمين - 2 مراية - اكصدام - باب شمال خلفي باب شمالي اماميOo )
وناس قالوا لي لو غيرت رفرف العربية هاينزل سعرها وغير مستحب اساسا

فانا احتمال اغير اكصدام فقط ( تبع التامين بقي بدل ما ارش )

ومش عارف اعمل في الباقي اية :(

وبلاش حكاية سبها تاخد العين

اية نصايحكم ..( مضايق أوي لدرجة اني فكرت اسيب العربية في الجراج ومش عايز انزل بيها وابقي ارجع لها بعد شهر )

**eng.m7md.ali** · 05-10-2010 07:28 PM

قدر الله وماشاء فعل ياباشا

**spiderloking** · 05-10-2010 07:45 PM

قدر الله ما شاء فعل بسيطه ان شاء الله علي كدا انتي جاري بقي طيب مش هنشوفك ولا ايه انا كمان في الهرم عند جامع السلام لو تعرفوا

**meeg** · 05-10-2010 07:47 PM

قدر الله وماشاء فعل
وربنا يحفظك فى طريقك

**Nistelrooy** · 05-10-2010 08:01 PM

المشاركة الأصلية كتبت بواسطة felix

قدر الله وماشاء فعل ياباشا

الحمدلله علي كل شيء ... تسلم

المشاركة الأصلية كتبت بواسطة spiderloking

قدر الله ما شاء فعل بسيطه ان شاء الله علي كدا انتي جاري بقي طيب مش هنشوفك ولا ايه انا كمان في الهرم عند جامع السلام لو تعرفوا

شكرا يا معلم .. الحمدلله
اعرفة طبعا .. انا عند جامع الصباح عند مشعل بعدية بشويا في شارع اسمة الوفاء والامل الي علي ناصيتة اولاد رجب :)

المشاركة الأصلية كتبت بواسطة meeg

قدر الله وماشاء فعل
وربنا يحفظك فى طريقك

الحمدلله وربنا يحفظنا جميعاً ان شاء الله

**Nistelrooy** · 05-10-2010 10:50 PM

الصور ..

النقرة

النقرة اقرب

حتة من الدهان وقعت .. زي ما قولت الدهان متكسر يعني لو فكرت امسح بفوطة او اغسل العربية هايقع

**khpopo** · 05-10-2010 11:27 PM

حمدلله على السلامه قدر ولطف
1- اعملها على البارد فى سمكريه شداد فى البارد وداوى الجروح بالقلم او بتاع دوكو محترف لانها بسيطه ان شاء الله
2- تعملها فى التوكيل وانسى موضوع تغير الرفرف العربيه بترجع زى الاول عادى جدااا ومش هتنزل حاجه من سعرها ولو انى شايفها ممكن يسمكروه ومغيرهوش
ربنا يسترها

**Nistelrooy** · 05-10-2010 11:47 PM

المشاركة الأصلية كتبت بواسطة khpopo

حمدلله على السلامه قدر ولطف :zb_sor1[1]:
1- اعملها على البارد فى سمكريه شداد فى البارد وداوى الجروح بالقلم او بتاع دوكو محترف لانها بسيطه ان شاء الله
2- تعملها فى التوكيل وانسى موضوع تغير الرفرف العربيه بترجع زى الاول عادى جدااا ومش هتنزل حاجه من سعرها ولو انى شايفها ممكن يسمكروه ومغيرهوش
ربنا يسترها

الله يسلمك ..

شكرا جدا ليك .. بس انا لو عملتها في التوكيل هاتكلف حوالي كام علشان مش عايز استخدم التامين دلوقتي ..
وبعدين اظن لو سمكروها في جزء اكبر من الدهان هايقع وهايبقي شكلها اوحش ؟

**ayman_83** · 06-10-2010 02:01 AM

قدر الله وماشاء فعل الحمد لله انها جت علي قد كده
والله العظيم انا دمي اتحرق لما شفت الصور ده انت لسه جايبها يعني مفيش اي عربيه في ام البلد دي تقعد علي حالتها نضيفه ابدا اكن لازم تاخد ختم مصر من سواقين مصر
والله حاجه تغيظ وتنرفز وربنا يعوض عليك
والله الحكات دي والقرف ده بيخليني افكر اجيبها مستعمله

**mr_sameh** · 06-10-2010 02:03 AM

الحمد لله علي كل شئ

الموضوع: حادثة بسيطة :( لجين 2 !

LinkBack

أدوات الموضوع

عرض

حادثة بسيطة :( لجين 2 ! - انشر الموضوع فى :

-

-

-

-

-

-

-

-

المواضيع المتشابهه

حادثة بيرسونا بسيطة ان شاء الله

حادثة بسيطة

حادثة بسيطة

الحمد لله كنت هاموت...حادثة بسيطة ...

حادثة بسيطة حصلتلى

الكلمات الدلالية لهذا الموضوع

المفضلات

المفضلات

ضوابط المشاركة