المشاركة الأصلية كتبت بواسطة SEATLOVER
يا جماعة ..انا متابع الموضوع معاكوا من الاول ..و مستمتع جداً بالمناقشة بينكم لآن الموضوع مهم جداُ و بيعدى على ناس كتير اوى لا إما مابتخدش بالها منة .. لا إما مش فاهمة هو لية بيحصل .
هاقولوكوا رائيى و مش عارف ممكن يزعل مين بس ربنا يستر
سعر إعادة البيع لا يعنى أبداً ان العربية غير جيدة ...بل العكس احياناً
العربية منظومة متكاملة بين (العربية نفسها -المشترى-المكان الى بتتحرك فية)
تعالى نمسك كل طرف من المعادلة عشان تعرف السبب من مين
العربية (رينو ميــــجان)
-عربية جيدة
-ركوبة الى حد ما متميزة
-قطع غيارإلى حد ما متناسبة مع اللى جاب العربية باجمالى سعرها
-قطع غيارإلى حد ما غير متناسبة مع العمر الافتراضى المتوقع (هنا)
-اداء متناسب مع السعر الاجمالى
-اداء اقل من المتوقع من قبل المشترى (وليس السائق)
المشترى :
-اغلب مشتريها ..ما بيعرفش حاجة غير ان شكلها تحفة
-اغلب اللى سايقنها نقسة بياخد منها اكتر من الطبيعى لها لآنة ماذال لسة متأثر بشكلها
-اغلب اللى جابها افتكر انها بتعمل صيانة لنفسها اول باول ... النص التانى افتكر انة هايغير زيت بعد اول 120 الف ك م ..وماحدش يضحك عشان دة حصل قدامى فى العربية دى .
-اللى عملوا العربية ..غمر ما خطر على بالهم فى ناس هاتشتريها ذى دوول
-التوكيل بقى فى موقف لا يحسد علية ..وعلى اد دورة بيعملوة
-دخول التجار كاعنصر بيع فى اول مرة (محروق)
-عنصر الانتشار ضعيف ..(افكار مترسخة عن الفرنساوى عموما.. و قطع غيارة... و صيانتة و توكيلة - الشكل المميز احيانا نقمة- فتى من ملاك الشهر ونص-.. )
المكان اللى بتتحرك فية العربية :
لا الشركة اللى عملت العربية ..ولا التوكيل ...ولا المشترى نفسة ..
توقعوا الاماكن والظروف اللى هاتمشى فيها العربية دى
لما تجمع كل العناصر دى فى المعادلة هتســـــــــــــــــــــا وى = سعر اعادة بيع ضعيف
للأسف دة حال سعر اعادة البيع لسيارات ذات طبيعة خاصة ...فى معادلة مش بتاعتها تماماً ..وخصوصا ً لما يكون سعرها فوق ال 100 الف ... لآن مفيش كاش
وعلى فكرة فى امثلة كتير اوى لعربيات تحفة كدة ..بس اللى بيسيطر على المعادلة شوية عنصر الانتشار
السؤال الاهم بقى .. تجيب رينو ميجان ولا لأ
-لو مش فى دماغك الاستمرار ... ما تجبش زيرو ..هات كسر زيرو
-لو فى دماغك الاستمرار ....... راجع المعادلة كويس لو قدرت على الاقل تسيطر على النقاط اللى انت هاتبقى طرف فيها او معتمدة عليك ..... طبعاً تجيبها
اعتقد اللى بيقرا كلامنا هنا و تاعب نفسة كدة ...يقدر بشوية مجهود يكون عنصر فعال فى المعادلة
ويقدر يتغلب عليها .
المفضلات