السيراتو عملت حاجه غريبه معايا

**moroattar** · 06-10-2010 06:45 PM

يا أ/ atrees انت بتقول :"ده معناة ان اللي حصل دة ليه علاقة بالموقف دة بس ودة يرجعنا لنقطة الدربكة واللخبطة اللي ممكن تحصل للسواق لحظة المفاجئة
يعني برضو رجعنا لاحتمالية انك دوست بنزين مع الفرامل ودي بتحصل عادي :)

والدكتور/محمود بيقول :"اكيد ضغطت على الإثنين .. الفرامل مع البنزين ..

والله يا جماعه انا عن نفسى اتمنى ان اللى بتقولوه دا يكون هو اللى حصل على الأقل هأضمن ان العيب فيه انا مش فى العربيه وانا يا أ/atrees مجليش الهسس من العربيه ولا حاجه لان انا بأركبها عادى وجربت الفرامل فى ساعتها بس انا حبيت اخد رأيكم فى القصه دى .
وبا mr-sameh انا العربيه خليجى وحتى لو كانت وكيل مش فى دماغى خالص ادخل فى متاهات لان زى ماقال أ/عتريس ان اللى حصل دا حصل فى الموقف دا بس والعربيه انا سافرت بيها تانى ومفيش اى مشاكل منها- واذا حصل حاجه زى دى تانى هأبقى افتكر التحليل النفسى اللطيف بتاع الاستاذ atrees واكمل مشوارى وانا مطمئن. وشكرا لاهتمامكم جميعا.

**ahmedsamir5edr** · 06-10-2010 06:46 PM

ربما الطيران من المطب اداك الأحساس ده

**ahmed_mido1889** · 06-10-2010 06:47 PM

سؤال لولبي العربيه مانيوال ولا اتوماتيك
لو مانيوال ممكن تكون دوست دبرياج قبل لما تكبس فرامل فالعربيه بتشد سنه
والحوار ده بيحصل كتير معايا

**moroattar** · 06-10-2010 07:03 PM

المشاركة الأصلية كتبت بواسطة NoRmAl

والله أعلم أكيد كان أحساس بس
الغريب أن مروان حس بيه بردو :)
مش عارف بس نظريا دا لا يمكن يحصل
حضرتك دا يا كان مجرد شعور يا أنت دوست على البنزين بدون متحس ملهاش تالت الصراحه :)

عارف يا ا/normal لو مكنش مروان حس بالحكايه دى انا كنت هأقول لنفسى ان انا بيتهيألى - بس ازاى ادوس على البنزين من غير ما احس وانا فى الوقت نفسه بأقول لنفسى اعمل ايه غير الضغط على الفرامل علشان العربيه تقف . على كل زى ما ذكرت قبل كده ان شاء الله يكون العيب عندى انا مش عند الهانم سيراتو . وشكرا لاهتمامك.

**moroattar** · 06-10-2010 07:06 PM

المشاركة الأصلية كتبت بواسطة ahmedsamir5edr

ربما الطيران من المطب اداك الأحساس ده

ربما يا ا/ahmed بس بصراحه انا اخدت نفسى لما وقفت عند المطب التانى .
واعتقد دا بينفى حته الاحساس

**moroattar** · 06-10-2010 07:11 PM

المشاركة الأصلية كتبت بواسطة ahmed_mido1889

سؤال لولبي العربيه مانيوال ولا اتوماتيك
لو مانيوال ممكن تكون دوست دبرياج قبل لما تكبس فرامل فالعربيه بتشد سنه
والحوار ده بيحصل كتير معايا

عارف يا ا/ahmed-mido بعد ما طرنا من على المطب مروان قلى هوه فيه حاجه عندك غير الفرامل والبنزين -كانه بيقول انت حشت رجلك من على البنزين ودوست على الفرامل ايه اللى خلا العربيه تسرع كده _ العربيه اوتوماتيك.

**NoRmAl** · 06-10-2010 07:13 PM

المشاركة الأصلية كتبت بواسطة moroattar

عارف يا ا/normal لو مكنش مروان حس بالحكايه دى انا كنت هأقول لنفسى ان انا بيتهيألى - بس ازاى ادوس على البنزين من غير ما احس وانا فى الوقت نفسه بأقول لنفسى اعمل ايه غير الضغط على الفرامل علشان العربيه تقف . على كل زى ما ذكرت قبل كده ان شاء الله يكون العيب عندى انا مش عند الهانم سيراتو . وشكرا لاهتمامك.

بص بردو علشان يطمأن قلبك أكشف عليها عن حد محترم
مجرد تشيك أب يعنى علشان تتطمن

**midomagde** · 06-10-2010 07:21 PM

الحكايية وما فيها ان المطبات على الطرق الزراعية مكان العربيات الكبيرة ما بتدوس فرامل قبل المطب بتعمل مجرى ومطبات صغيرة (تحس ان الاسفلت اتكرمش) وانت فعلا دست فرامل لكن مع السرعه و كرمشة الاسفلت الفرامل ما بتمسكش زى مانت حاسبلها لانها عربيتك وعارفها كويس وانت عامل حسابك انها مسكت فبتحس الاحساس اللى حضرتك بتقول عليه(زى ماتكون راكب عربيه مش عربيتك واول مره تدوس فراملها اما انها تعمل كده او تخبط فى الازاز لو فراملها اجمد من اللى انت متعود عليها)
ياريت تكون وصلت؟؟؟؟؟؟؟؟؟؟؟

**moroattar** · 06-10-2010 07:23 PM

المشاركة الأصلية كتبت بواسطة m.almaghraby

حاجة من اتنين : دست بنزين غلط - ادي الي تسارع العربية

2- الارض كانت رملة و انت اتزحلقت لما فرملت جامد " ال abs مشتغلش حلو مثلا " حسيت ان العربية ماوقفتش "

مفيش احتمال تالت

اتمنى ان كلامك يكون صحيح -بالنسبه للطريق انت عارف طريق الصعيد الزراعى مفيهوش لا رمل ولا ظلط.
وشكرا للمشاركه

**moroattar** · 06-10-2010 07:33 PM

المشاركة الأصلية كتبت بواسطة midomagde

الحكايية وما فيها ان المطبات على الطرق الزراعية مكان العربيات الكبيرة ما بتدوس فرامل قبل المطب بتعمل مجرى ومطبات صغيرة (تحس ان الاسفلت اتكرمش) وانت فعلا دست فرامل لكن مع السرعه و كرمشة الاسفلت الفرامل ما بتمسكش زى مانت حاسبلها لانها عربيتك وعارفها كويس وانت عامل حسابك انها مسكت فبتحس الاحساس اللى حضرتك بتقول عليه(زى ماتكون راكب عربيه مش عربيتك واول مره تدوس فراملها اما انها تعمل كده او تخبط فى الازاز لو فراملها اجمد من اللى انت متعود عليها)
ياريت تكون وصلت؟؟؟؟؟؟؟؟؟؟؟

هى طبعا وصلت يا أ/mido وكلامك صحيح بخصوص اللى بتعمله العربيات الكبيره عند المطبات - بس اعتقد ان فيه فرق بين ان الفرامل مبتمسكش زى ما انت عاوز زى ما انت بتقول وبين ان السرعه زادت - ودا اللى انا مش لاقيله اى تفسير غير اللى قاله أ/atrees ان دا حصل فى الموقف دا بس .