الموضوع: السيراتو عملت حاجه غريبه معايا

المشاركة الأصلية كتبت بواسطة Atrees

والله يا باشا انا بهرج معاك ومش قصدي التشكيك في قدراتك خالص ولا بفترض انك دوست البنزسن غلط - وطبعا في الاول والاخر انت الوحيد الاقدر علي تعريف اللي حصل - بس انا ياما بتحصلي حاجات ويجيلي الهسس ان العربية فيها حاجة غلط - وبيطلع في الاخر احساس الموقف فقط وبنحمد ربنا


عموما زي ما قولتلك - جرب تاني وتالت لحد ما تطمن - بس تسارع مع الفرامل دي انا مش قادر اربطها ببعض - مش قادررررررررررر

وعلي فكرة طالما مارو حس بيها يبقي الاحساس بالتسارع حقيقي - احنا بس محتاجين نوصل للسبب

وبعتذر لو كلامي في تهكم - انا فعلا مش قصدي - انا كدة مقضيها تهريج في المنتدي :))))

لا والله يا أ/atrees انا اخدت كلامك عادى من غير تهكم ولا حاجه بل بالعكس انا باحب اقرأ مشاركاتك لان بيبقى فيها فعلا تهريج لطيف والعمليه مش محتاجه اعتذار ولا يحزنون . بالعكس انا عجبتنى كلمتك وانت بتقول ان دا حصل فى الموقف دا وبس . ولعلمك مفيش حاجه حصلت بعد كده من العربيه .

المشاركة الأصلية كتبت بواسطة NoRmAl

بص بردو علشان يطمأن قلبك أكشف عليها عن حد محترم
مجرد تشيك أب يعنى علشان تتطمن

والله يا أ/normal ولا هأسال فيها (شغل صعايده -اعمل ايه الطبع غلاب) ما دام شغاله كويس ومفيش مشاكل ولا راح اشغل بالى بيها (اهو يا أ/ atrees لا فيه هسس ولا حاجه اهو) .

وشكرا يا جماعه على مشاركاتكم.

بعد كلام أ/ عتريس
انا من رأى تعرض العربية على دكتور نفساني :))