السيراتو عملت حاجه غريبه معايا

**moroattar** · 07-10-2010 12:21 PM

المشاركة الأصلية كتبت بواسطة blackknight

هو مش ممكن وانت بتدوس فرامل دوست على بقعة زيت فى الارض مثلا وده اللى مكن يخلى العربية تتزحلق و التسارع بتعها يزيد مقارنة بانك مسكت فرامل فى الظروف الطبيعية

والله اشك يا مستر blacknight فى حكايه بقعه الزيت لان فيه فرق بين الاحساس بالزحلقه والاحساس بزياده السرعه . وشكرا على مشاركتك.

**moroattar** · 07-10-2010 12:36 PM

المشاركة الأصلية كتبت بواسطة atrees

يا جماعة انتو مدايقين لية - العربية جرايه بغباوة - خلاص السيراتو مفيش حاجة بتوقفها --- حتي الفرامل بتجريها - ههههههههههههههههههههههههه ههههههههههههههههههههههههه ههههههههههههههههههههههههه هههه

مع تحياتي ليكم كلكم دة تهريج

والله وانا بيعجبنى التهريج بتاعك يا أ/عتريس -والعربيه فعلا جرايه بس بصراحه مش بغباوه - لولا انى عارف ان انت عندك سيراتو - كنت قلت اهه ما صدقوا مسكوا غلطه على السيراتو وقالو ان الفرامل بتزود السرعه .

بالمناسبه عملت ايه فى موضوع الشكمان وجابولك قطعه الغيار ولا لأ -

**sama_Sama** · 07-10-2010 01:32 PM

الحاجة اللي أعرفها وبتقوم بنفس عمل دواسة البنزين مثبت السرعة، بس غالبا مادام حضرتك بتقول كنت دايس بنزين أصلا فغالبا يإما معندكش مثبت سرعة يا إما عندك وحصل فيه لخبطة في اللحظة دي

**medo111** · 07-10-2010 01:39 PM

enta lama dost framl sm3t soot el mator 3la

**arakysolom** · 07-10-2010 02:05 PM

المشاركة الأصلية كتبت بواسطة ahmed_mido1889

سؤال لولبي العربيه مانيوال ولا اتوماتيك
لو مانيوال ممكن تكون دوست دبرياج قبل لما تكبس فرامل فالعربيه بتشد سنه
والحوار ده بيحصل كتير معايا

+111111111111
و الله كنت حقول كده لما قريت الموضوع

**Atrees** · 07-10-2010 02:41 PM

المشاركة الأصلية كتبت بواسطة moroattar

والله وانا بيعجبنى التهريج بتاعك يا أ/عتريس -والعربيه فعلا جرايه بس بصراحه مش بغباوه - لولا انى عارف ان انت عندك سيراتو - كنت قلت اهه ما صدقوا مسكوا غلطه على السيراتو وقالو ان الفرامل بتزود السرعه .

بالمناسبه عملت ايه فى موضوع الشكمان وجابولك قطعه الغيار ولا لأ -

هههههه ياباشا لازم نسخن الناس ونقول جرايه - اصل موضوعك ده حيضرب بيه المثل قدام شوية واحتمال تلاقة علي قناة الجزيرة قريب - هههههه

شكرا يا باشا علي سؤالك
انا فعلا موضوع الشكمان دة قولت انه اتحل والتوكيل غيرلي الشكمان كلة من اولة لحد الديل عشان دة حتة واحدة

لكن بعد كدة اكتشفت بالصدفة ان فية كاوتشة تعليق عند العلبة الوسط تقريبا وقعت او مركبتش بعد التغير - هيا مش عاملة فرق الصراحة ولا الشكمان سايب او مدلدل :) - بس انا حابب اركبها احتياطي زي ما كانت

الحقيق صديقنا Lolly قايم بخدمات لا حصر لها وقالي انه حيسالي عليها - والله الراجل دة زي الفل وكل دة في ميزان حسناتة

شكرا لسؤالك يا باشا - والله انت من الناس اللي تفرح في المنتدي :)

**bmwx5** · 07-10-2010 04:42 PM

الكلام دة حصل معايا
انا كنت باخد غرزة وفوجئت بعربية قدمى بتقف مرة واحد
رد الفعل الطبيعى انى ادوس على الفرامل ولكن لقيت العربية بقطع و حسيت انى فعلن دايس على الفرامل ولكن رجلى لطشت البنزين
المهم ركنت و قولت اجرب الموضوع دة تانى لقيت فعلا انى لطشت البنزين لان العربية عملت نفس الوقف
و بعديها جربت الفرامل لقيت العربية بتوقف بكل قوة زى ما عودتنى انها تصلح اخطاء الغرز و السرعة العالية

حضرتك ماتقلاش خالص من الوضوع دة لان دة ربكة مش اكتر
مع العلى ان عربيتى نيو سيراتو مانيوال
طبعا فرامل عادية مش abs
وعلى فكرة من ضمن المميزات الكتيرة الى فى العربية \
الفرامل الى تغريك انك تعمل اى حاجة بالعربية و انتا مطمن ان فى فرامل هتلحقق

**moroattar** · 07-10-2010 05:33 PM

المشاركة الأصلية كتبت بواسطة sama_sama

الحاجة اللي أعرفها وبتقوم بنفس عمل دواسة البنزين مثبت السرعة، بس غالبا مادام حضرتك بتقول كنت دايس بنزين أصلا فغالبا يإما معندكش مثبت سرعة يا إما عندك وحصل فيه لخبطة في اللحظة دي

لا مفيش مثبت سرعه

**moroattar** · 07-10-2010 05:40 PM

المشاركة الأصلية كتبت بواسطة medo111

enta lama dost framl sm3t soot el mator 3la

لا كان صوته عادى (لان لو كان صوته عالى يبقى كده فيه احتمال الدوس على البنزين)

**moroattar** · 07-10-2010 05:49 PM

المشاركة الأصلية كتبت بواسطة bmwx5

الكلام دة حصل معايا
انا كنت باخد غرزة وفوجئت بعربية قدمى بتقف مرة واحد
رد الفعل الطبيعى انى ادوس على الفرامل ولكن لقيت العربية بقطع و حسيت انى فعلن دايس على الفرامل ولكن رجلى لطشت البنزين
المهم ركنت و قولت اجرب الموضوع دة تانى لقيت فعلا انى لطشت البنزين لان العربية عملت نفس الوقف
و بعديها جربت الفرامل لقيت العربية بتوقف بكل قوة زى ما عودتنى انها تصلح اخطاء الغرز و السرعة العالية

حضرتك ماتقلاش خالص من الوضوع دة لان دة ربكة مش اكتر
مع العلى ان عربيتى نيو سيراتو مانيوال
طبعا فرامل عادية مش abs
وعلى فكرة من ضمن المميزات الكتيرة الى فى العربية \
الفرامل الى تغريك انك تعمل اى حاجة بالعربية و انتا مطمن ان فى فرامل هتلحقق

كل اللى بتقوله يا bmwx5 وارد يحصل - والعربي فعلا من بعد الموقف دا وهى مفيهاش اى مشاكل -بل ان العربيه من غير الـ ABS فراملها رائعه لدرجه ان انا بأحس انى هالبس فى القزاز من شده الفرامل - وانا مش قلقان والله بس انا حبيت اتكلم معاكوا عن الموقف دا . وشكرا للمشاركه