هو التوكيل ايه اللي جري له

**chato_eg** · 08-10-2010 08:56 PM

المشاركة الأصلية كتبت بواسطة refattosa

و بعدين انا ممكن اكون مسافر بالعربية سفرية طويلة و مضبط
نفسي ان اعمل الصيانة قبل ما اسافر و احجز في نفس الوقت اللي متعود علية و افاجا بان اول ميعاد بعد 15 يوم..... اتمني تكون حضرتك فهمتني

يا باشا إنت راكب ميجان...روح بيها المغرب و إرجع و بعدين إعمل لها الصيانة لما ترجع بالسلامة و إنت مطمئن طالما إنك محافظ على الصيانات فى مواعيدها على أيدى ناس موثوق فيهم...
أصل هاتعمل كام كيلو زيادة ؟؟؟...1000 ؟؟؟...1500 ...؟؟ و لا يهمك...هى أصيلة و بتراعى إللى يراعيها....أنا شخصيا عمرى ما عملت الصيانة قبل السفر...دايما بعد السفر...

**alfbaa** · 10-10-2010 01:28 AM

اعتقد ان لازم وكيل رينو يعمل مراكز صيانه جديده وبالذات في المحافظات .... لان دي الزياده الطبيعيه ..

الاول كان بيخدم الميجان والسينيك والكليو .... دلوقتي ماشاء الله ربنا يزيد بقى الميجان والكليو واللوجان (وما ادراك ما اللوجان) والسيمبول والاسكالا والداتسر والفلوانس ...........!!!!!!!

طبيعي لازم يزودو مراكز الصيانه شويه وبالذات في المحافظات ويخلوها بنفس مستوى مراكز القاهره لان معظم اهالي المحافظات برده بيفضل يروح العبور او المقطم ومابيثقش في المراكز الموجوده في محافظته

وللامام دائما

**chato_eg** · 10-10-2010 08:21 AM

أؤكد لك إن لو فى دراسة جدوى أثبتت العائد من فتح الكثير من المراكز دفعة واحدة فى إنهم لن يترددوا....
بس على أرض الواقع أنا شايفهم بيوسعوا دائرة المراكز المعتمدة
طبعا نظرا للتكلفة الكبيرة لافتتاح مركز خدمة يليق بإسم رينو
خصوصا مع وجوب الفصل بين رينو و كيا....فى البيع و الخدمة
أنا مرة قفشت عربيتين رينو فى مركز خدمة روكسى فى الورشة...
سألت عليهم...واحدة ميجان بتاعت حد كبير داخل التوكيل و بيبصوا على حاجة فيها..و التانية mcv بتقوم بالتوصيل بين أفرع الشركة