صاحبتي عندها مشكله غريبه

**n_i_t_e** · 07-10-2010 05:38 PM

المشاركة الأصلية كتبت بواسطة tota_love

ليه مش مريح الموضوع

أحمد قصده أنه مش مريح أن هو اللى خاطب مش جاد و بيدقق على حاجات مش مستاهلة و فى ناس رجحوا انه بيتحجج عشان يمشى من غير ميجيب الغلط عليه (بيتلكك) و ناس رجحوا أن لسه مش بالعقل الكافى اللى يخليه يقبل على موضوع زي الجواز ده. :)
سن أوائل العشرينات النظرة بتكون مش واسعة أوي للموضوع و الواحد فى السن ده فعلا بيحتاج مشورة الكبير و الأعتماد على الأب هام جدا بدون الضغط على مشاعره لدرجه تخليه يتجاهل تحكيم عقله. أصلا سن العشرينات ده بالذات كل سنة المفهوم بيتغير عن السنة اللى قبلها بكتير و ممكن اللى يتشاف صح من نظرتها تحس انه غلط بعد فترة و أن الوالد كان عنده حق.

**أحمد كمال** · 07-10-2010 06:03 PM

المشاركة الأصلية كتبت بواسطة shaddadfalcon1

مين ياباشا منين ؟ قول قول

المشاركة الأصلية كتبت بواسطة tota_love

عن مين يا احمد كمال ولو قلت صح انا هقول الحقيقه

اعذروني و اعفوني من الرد ..... لان لو كلامي صح هيبقى فيه احراج ... ولو غلط هيبقى شكلي وحش

**nabaster** · 07-10-2010 06:13 PM

المشاركة الأصلية كتبت بواسطة أحمد كمال

اعذروني و اعفوني من الرد ..... لان لو كلامي صح هيبقى فيه احراج ... ولو غلط هيبقى شكلي وحش

احمد بيك من راي خلاص تقفل علي الموضوع ده

بلاش تقول مين

لانك في حالة لو قولت حاجه وطلعت صح هتحرج صاحبة الموضوع

ولو طلعت غلط هتحرج نفسك

فالاحسنلك تفكك

رايي الشخصي وانا لو مكانك هعمل كده

ومعذرة لو رديت رد في غير سياق الموضوع لاني مش حابب ارد في النوعيه دي من المواضيع

A.Yakout

**lancerevolution** · 07-10-2010 06:51 PM

موضوع يستنى لما يخلص عشان ما يشغلش نفسه عن الدراسة
انا ليا واحد صاحبى خطب فى أخر سنة دلوقتى و حاليا مشغول جدا و مش الموضوع صعب جدا إنه يوفق بين الدراسة و تجهيز نفسه
و زى ما حضرتك بتقولى إ نه شغال عند والده طبعا هيبقى بيوفق بين 3 حاجات دراسة و شغل و تجهيز فهو ينتظر الكام شهر يركز فى الدراسة عشان يخلص

**نور القمر** · 07-10-2010 07:09 PM

بيتلكك يا اما بيتدلع
وفي الحالتين مش رجل

**ahmad--ezzat** · 07-10-2010 07:33 PM

على فكره الواد اتشتم كتير اوى :)

**m7nsh** · 07-10-2010 08:03 PM

بصراحه .. انا شايف الشخص ده متدلع جدا

هو حد لاقى ؟؟ يعنى اتنين بيحبو بعض و اهاليهم عارفه .. مستخسر كام شهر لحد مالبنت تخلص ليه ؟ جت عليهم و قفلت فعلا ؟؟ أكيد لأ

ووالدها وجهه نظره تحترم و تتشال ع الراس و العين .. لكذا سبب .. اولهم انه اصلا تفهم الموضوع من بدرى و مخدوش قفش و لغى القصه دى ... هو ده اللى اقصده بان الشاب ده بيتدلع . هو مين يحلم اصلا بان البنت اللى كان بيحبها قبل ما يخلص دراسته يكون متفق مع باباها انهم لبعض بعد مايخلصو دراستهم !! هو حد طايل يا جدعان ؟ وفوق كده بيعامله كويس كمان !!

الحل الوسط " الظاهرى " هو خطوبه اخر سنه .. بس فعلا اخر سنه فى اى كليه بتبقى غير اى سنه لأن الغلطه فيها بجون علطول .. و كلنا عارفين كده .. ده غير ضغطها النفسى و العصبى و خصوصا ان التزاماتهم هم الأتنين هتزيد ولو حصل حاجه لا قدر الله ( شيل سنه او دور تانى ) هيقولو عشان كده .. و ده اللى مخلينى بقول انه حل ظاهرى .. و ده اللى اكيد والدها حاطه من ضمن اسبابه فى تاجيل الموضوع

نقطه حوارات الكرامه دى غريبه جدا بصراحه ومش مقبوله ومش مقبول الكلام اللى بيقوله من نوعيه " اللى ييجى علي كرامتى ميلزمنيش و بتاع " اطلاقا

نقطه اخيره .. القصه مش قصه انه مستواه المادى مريح جدا .. مهو فى ناس معاها اطنان فلوس .. بس هل ينفع ابنهم يروح يتقدم لبنات الناس لمجرد السبب ده ؟؟ بصفته ابن صاحب الفلوس فقط ؟؟ ولا بصفتى انسان متعلم و معايا الشهاده الفلانيه و باشتغل فى اى حاجه ( طالما الحمد لله العمليه متيسره اساسا .. بس الفكره اسمه مسك شغلانه )

إن الفتى من قال ها أنذا ليس الفتى من يقول كان أبـي

و ربنا يوفقهم للخير

**نور القمر** · 07-10-2010 08:21 PM

المشاركة الأصلية كتبت بواسطة ahmed_nubira

على فكره الواد اتشتم كتير اوى :)

واخد من حسناتنا كتير اوي

-

-

الموضوع: صاحبتي عندها مشكله غريبه

LinkBack

أدوات الموضوع

عرض

-

-

-

-

-

-

المواضيع المتشابهه

مشكله غريبه جدا

مشكله غريبه

مشكله غريبه جدا ولم تمر علي من قبل

مشكله غريبه

مشكله غريبه

الكلمات الدلالية لهذا الموضوع

المفضلات

المفضلات

ضوابط المشاركة