صاحبتي عندها مشكله غريبه

**fares2020** · 08-10-2010 06:45 PM

أنا مش شايف مبرر لكميه الشتيمه اللى الناس عماله تشتمها للولد ده!!!
انا حطيت نفسي مكانه وفي ظروفه وتصورت اني بحب البنت ديه وكمان عندي البيزنس الخاص بيا وجاهز من كله وفوق كده بحبها وهيا بتحبني وعندي 23سنه يعني مش طفل صغير زي ما الناس اللى بتقول مش ناضج .. والباشا باباها مش موافق ياريته مش موافق على الجواز كنت هقول معذور لكن ده حتى مش موافق على مجرد الخطوبه وحطي ادامها علامه تعجب كبيره مال الخطوبه ومال انها تشغلهم عن الدراسه هما مش كده كده بيكلمو بعض من ورا باباها؟ولا الناس اليومين دول معادتش بتحب الرسمي وبيفضلو ولادهم يكلمو من ورا ضهرهم.. بالنسبه لى التأجيل ده بطعم الرفض يعني بقول للولد انت عيل روح كمل دراستك واستلم شهادتك الاول(لاننا طبعا بلد شهادات) وبعد كده تعالى!!هو في اهانه وقلة كرامه أكتر من كده؟
صحيح الولد ممكن يكون زودها في الكلام شويه بس احساس الانسان ان اللى قدامه مستهتر بيه اوي كده وخصوصا في موقف زي ده ممكن يخليه يقول الكلام ده من ورا قلبه حتى لو كان بيحبها

انا حطيت نفسي مكانه وبصراحه حاسس اني قرفان اوي من الموقف ده والرفض الغير مباشر بالطريقه المهينه ده يعني لو مكنش فيه حب كنت هخلع واصرف نظر

ياريت تسيبك من اللى بيقولك رد غير كده واللى بيقولك انا اعرفه وعايز يدخلنا في سكك تانيه!!الولد بيحبها وباباها جرحه..لو هي بتحبه بجد لازم يكون لها موقف مع باباها لانه فعلا كده أهانه

حتى لو مش هتعرف تأثر على باباها(اللى انا شايفه سبب المشاكل)خليها تهدي الولد وتطيب بخاطره وتعرفه ان هي حاولت بس مفيش بايدها حاجه لكن انها تقوله بابا صح مش عارف مين قالى ان بابا صح فده كلام مش تطييب خاطر ده كده بتنهى حبها بايدها

الكره في ملعبها ياترى هتهدي حبيبها وتصالحه وتحسسه ان كرامته محفوظه؟؟ولا هتخلى موقف باباها المتعنت يدمر حبها للأبد؟؟؟!!

**tota_love** · 08-10-2010 06:48 PM

انا اسفه اوي ياجماعه انا كمان تعبت من كتر الكلام اخر حاجه حصلت ان الولد لما كلم الاب من اسبوع والاب قاله لما تخلص في شهر2 الولد قاله انا عايزك تحدد ميعاد قبل كده راح الاب عشان ميحرجهوش قاله حاضر بكل زوق واحترام هشوف ميعاد واكلمك قال الولد قبل شهر اتنين ياعمو الاب قال ان شاء الله الولد اتصل امبارح وقالها باباكي بيكزب عليا ومش مقدرني وقالها انه عايز الاب يا يقول اه اولا من غير مايطول الكلام لو قال اه هستني احسن ماانا مربوط كده وانه لو محددش مسعاد في خلال اسبوع يبقي متلزمونيش في حد عاقل وبيحب يقول كده؟؟؟؟؟؟ ازاي الاب هيقول اه من غير ما يشوفه اكتر من مره ويعرفه كويس والولد يقول كفايه مره واحده عشان يوافق اعمل اييييييييييييييييه؟؟؟؟؟؟؟ ؟؟؟؟؟؟؟؟

**tota_love** · 08-10-2010 06:52 PM

انا بابا مقالش كده علي فكره ده بيعامله حلو اوي بس هو عايزه يخلص مش اكتر بس الولد غلط كتير في حقها واستحملت المفروض هو يستحمل زيها صح؟

**ahmad--ezzat** · 08-10-2010 06:54 PM

معلش يا توتا سؤال رخم كده...هو دة موضوعك ولا موضوع صحبتك؟

لانه لو موضوعك يبقى فعلا مينفعش الانسان دة زى ما الناس كلها اجمعت ولو موضوع صحبتك اكيد نفس الكلام...بس انا اقصد انك شوفتى اراى الاعضاء وعرفتى الخلاصه

**tota_love** · 08-10-2010 06:58 PM

انا معلش اسفه اني مقلتش من الاول في موضوع جديد ادخله ورد عليه ومرسي اوي يا احمد

**ASKAFRAWY** · 08-10-2010 07:02 PM

خلاصة الكلام:
قوليله انا المش عاوزاك حتى لو بابا قال ايوة موافق عليك!!!

**fares2020** · 08-10-2010 07:06 PM

المشاركة الأصلية كتبت بواسطة tota_love

انا بابا مقالش كده علي فكره ده بيعامله حلو اوي بس هو عايزه يخلص مش اكتر بس الولد غلط كتير في حقها واستحملت المفروض هو يستحمل زيها صح؟

انا مقلتش انه قالهاله في وشه بس ده معنى كلامه؟؟يعني ايه لما تخلص؟ يعني انا عيل صغير مش مالى عينك مثلا
انا متفق معاه ان مفيش جواز غير بعد مايخلص
لكن حتى الخطوبه او قرايه الفتحه ممنوعه؟؟طيب لو هو خايف عليه اوي كده وعايزه يخلص يقوله حاضر يابني هنعمل خطوبه بس لاقدر الله لو عدت السنه ده نعمل ايه؟؟ساعتها الولد هيرد عليه يقوله اعمل اللى انت عايزه ياعمي وهيكون حاسس انه لازم يخلص ومفيش مجال للخطأ ولو قعد بعدها يبقى باباها له حق انه يعمل اللى هو عايزه..صح كلامي؟؟

وبالنسبه للغلط انا شايف ان جمله او تعبير انا مفيش حد زيي عادي لو طلعت في وقت زعل وكلنا بنقولها وبعدين والله الولد بيحبها انت عارفه ياتوتا ده لو مش بيحبها كان قالها طظ ومكلمهاش تاني لان فعلا رفض باباها ده اهانه.. ايه يعني لما تكلمني حلو وتعاملني كويس وانت رافض تحط ايدك في ايدي يعني انا مش مالي عينك؟؟

ابدأي معاه صفحه جديده (سواء أكان الموضوع ده موضوعك او موضوعك واحده صاحبتك) وحاولى تضغطي على باباكي وتقوليله وايه المانع في الخطوبه وقراءة الفتحه؟؟ولو مانجحش السنه ده اعمل اللى انت عايزه وخليه هو يكلمه بنفسه ويديه الضمانات اللى هو عايزها (ده مجرد خطوبه)

لكن انك تفضلي ماسكه على كلامه على الواحده اللى هو بيقوله تحت تأثير انه مجروح وتقولي ده علط ده عمل ده اهانني يبقى انتي كده سوري مبتفكريش غير في نفسك..ومش عامله حساب ان الطرف الثاني مجروح وحاسس بالاهانه

**mr_vampire** · 08-10-2010 07:08 PM

وانا هقول نفس اللي قولته قبل كدة الولد ده ميعتمدش عليه خاااااااااااااااااااالص وحرام بجد البنت تعلق نفسها بيه ويبقي حرام اكتر عالاب لو وافق عالجوازة ده. ده لسة ميعرفش اصلاااااااااااااااا مباديء المعاملة كراجل داخل بيت يتقدم لبنت. هو عامل زي طفل شبطان في لعبة وعايزها دلوقتي حااااااااااااااااااااااال ا وعمال يزن وكل مالناس تاجل هو يزن ويزداد زن وعند.
نصيحة لوجه الله: قولي لصحبتك ده تقوله انا اللي مش عوزاك قبل مايقولها انتو متلزمونيش ( المفروض تقولهاله اصلاااااااااااا بعد ماقال الكلمة ده). عيال اخر زمن عايزة تتجوز قبل مايخلصو تعليم.